ووو بتمون ساكتين ؟؟!!

[.. غــرام ..]

السلام عليكم ورحمه الله وبركاته

شحالكم عساكم بخير

بخرب عليكم جو العيد بهالكلام بس في قلبي وايد ابي اطلعه لكم

خواتي نحن الحين في زمن الخوف , تخاف كل وحده ان ريلها يناظر غيرها او يخوونها فـ


خوااااتي المعرسات انتبهن انتبهن انتبهن

خواتي ان اعرف بنيه علاقتي فيها مب قويه ولا سطحيه المهم البنيه فتحت لي قلبها البنت تحب واحد وترمسه والاخ مسؤولها بالداوم والبنت تحبه وهو يحبها ودوم يتصل بها المهم ف يوم شفتها جي متنرفزه قلت لها بلاج قالت شكلي بغير رقمي بس كيف اقول حق اخوي مدري ؟؟ قلت لها طيب ليش بتغيرين رقمج قالت اللي اكلمه حرمته زختني و خذت رقمي وتتصل بي بارقام وايد ؟؟؟؟؟؟؟؟

اللي تحبيه معرس ؟؟؟؟ جان تضحك وتقول هيه ><"

جي صدمتني لان كان عااااااااااااااادي عندها قلت لها طيب وهو شو قال يوم عرفت حرمته قالت اتصل بي قدامها وقال منو انتي تسوين مشاكل ببيتي قلت له اونا واحد عطاني رقمك وجي
فقال حق حرمته اونا شباب عطوها وانا ما يخصني ؟؟؟؟؟؟

المسكينه صدقت .... والبنيه غيرت رقمها وتكلمه عادي المشكله هي مب مهتمه به ذاك الزود ترمس غيره وبعد معرس وعنده يمكن 3 عيال قلت لها ليش وهذاك تقول مابي اخسر حد واللي بيني اول بوافق ؟؟؟؟؟؟

الريال معرس والثاني معرس ......؟؟؟؟؟؟ تقول ( و خير يعني )


هي ابرد ما عندها اكيد احر ما عند حرمته ...... وبتمون ساكتين

ياحريم انا ما قصدي بشي غير تنتبهن انا ما عرفت ارقد افكر مب لهدرجه توصل المواصيل .... خلكن صريحات وواثقات وواضحات كل وحده مع ريلها وتفاهموا ان يخلي الفون من دون باس وان ما فيها شي تشوفين فونه مراح تستفيدن شي بسكوت اذا عرفتي انه يرمس غيرج حاولي تكسبينه انتي اللي يشوفها ويرقد حذالها ويسمعها وعندج الفرصه لتغير ونقاش وووو

صراحه وايد بنات يشكون لي ويخبروني قصههم وانا حبيت افيدكم


والله يهديها ويهديه ويهدي اليميع


كل عام وانتوا بخير

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية