الزواج من مطلق..؟؟

[عســ UAE ـــولة]

السلام عليكم ورحمة الله وبركاته


شحالكم يا عرايسنا...

ما عرفت وين احط الموضوع.. بس لانه اختي مالجه وتبي مساعده فحطيته بها القسم ...


اختي تباا المشوره من عدكم

الله يسلمكم هي خذت واحد مطلق حرمته وعنده ولد وبنت وهيه تقريبا مالجه من 8 شهور وعرسها بعد شهرين

وطول هاالفتره كانت اوكي وياه تحس انه يحبها وهيه بعد تحبه بس في يوم استوا شي ما اقدر اشرح بالتفصيل حست انه بعده يحب حرمته الاولى وما قدر ينساها طول ها الفتره عاد هيه خلاص اشتغل عندها جرس الغيره ،،، يعني حست بقهر لانه ريلها يفكر بوحده ثانيه..

وهيه سالته قالتله انت تحبها،، قاللها لا انا ما احبها ولا شي عيل يوماحبها ليش طلقتها،، عاد هيه ما صدقت

اللحين هيه فكرت انها تسوي شي عسبة تتاكد انه بعده يحبها ولا لا.. عسبة ترتاح لانها ماتقدر تكمل حياتها وهيه على شك.. للانه يمكن بعد ماتتزوج عادي بعد فتره طويله يقوللها انا باخذ حرمتي الاولى.. ( يمكن تستوي ) واختي منا لنوع اللي وايد تغار عسبة جي ما اعتقدر تقدر تكمل وياااه..

هيه عدها فكره وقالت بتسويها بس خايفه انها تفشل،، قالت تباا تتواصل وياه على اساس انها حرمته الاولى ،،يعني مثلا اطرش له باقه ورد وتكتب رساله انها تحبه وانها تتمناله السعاده وياه حرمته اليديده وعاد تقوله انها تبا تكلمه شويه لانه تباا تقوله رمسه وتحط عاد رقم يديد واذا تجاوب وياها واتصل او طرش مسج ..هيه بتكمل وياه ع المسجات لانها بتنفضح اذا اتصلت فيه..^^

وبعد ما تتاكد من السالفه تخبره انه هيه اللي سوت جي حتى ما يحط في باله انه حرمته الاوليه اللي طرشتله ورد..

اذا عدكم طريقه ثانيه تتاكد فيها فلا تبخلو عليها..

وشكرا

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية