خدامه تبوس الولد ..اشرايكم نسمي الخدم ماما خدامه؟!

**اناناسة** · 2010-11-11, 09:45

حبايبي

ياااااااااااااااااا ربي قولوالي شو الحل؟؟ شو

اسووووووووووي ؟؟

لما شفت هالخدامه تبوس هالولد المربرب

ماشاءالله بهالطريقه المااااااااصخه

تلوووووووع جبدي .. كانت ماسكه من ايدينه تقولين

عافانا الله خطيبها ...

...

ويييين رحت ؟؟ اييوه كنت بخبركم عن مشاهدتي

تتذكرون العام كتبت موضوع عن الاجانب شو يسوون عند المدارس؟؟؟

المهم المدرسه الاجنبيه ما زالت كما هي الا فيها تطور يديد ..

في عرب مسجلين عيالهم هناك المهم اللي يعجبني فيهم هالاجانب حبهم و خوفهم على صغارهم ( محد يقول هم يهملون عيالهم لما يكبرون ) اعرف و ..موضوعنا مب عن هالشئ..

بس اقصد لما هم بحاجه كبيييييييييرة الى الحب و الحنان ..يعطونهم ...
المهم السنه في وايد عرب من اماراتيين و اخواننا العرب مسجلين عيالهم بنفس المدرسه الاجنبيه و الغريب هم الوحيدين اللي الدريوليه يوصلون عيالهم!!! حتى اخواننا الشاميين تعادوا منا هههههه

اويه ويييين رحتت ؟؟؟

هااااااااااااا كنت بخبركم عن الخادمه اللي تبوس الولد

الله يسلمكم امسات لاول مرة شفتها .. نزلت مع ولدي اوصله المدرسه لانني اوقف سيارتي

ابعد موقف عسب امشي شوي

اشوف وايد مشاهد جدامي !

الله يسلمكم الا اشوف جدامي خدامه تمشي و ماسكه ايد ولد عمره تقريبا 10سنين له

مربرب ماشاءالله .. مع انني شفتهم من الخلف بس طريقه مسك اليد ما عجبتني موووليه..و جاني فضووول اشوفهم ..الخادمه شبر اطول من الولد..
ما اعرف ليش من شفتهم

جاني احساس كريه ... و قلت اناناسه بسج تحسين بشئ يمكن مو صدق...و استغفرت..

وصلنا للمدخل و دخلنا ..

الا فجاااااااااااااااااااااااااة الخدامه اونها بتودع الولد مسكته بالقو و لصقت بوزها على خده

بطريقه وووووووع مستحيل حد يبوس محارمه بهالطريقه

الولد استحى و هي مصرررة تكمل الشو !

مسكت ويهه و باسته على خده الثاني و تمت لحظات ملصقه بوزها ..

والله حتى الخدامات الفلبينيات يتطالعونهم باستغراب ! و هي اندونيسيه كبيرة وايد بالسن..

الرجاء لا تقولون حب الام لولدها !

لاااااااااااااااااااا طريقتها مب قبله أم لولدها بل

قبله زوجه لزوجها في خلوة و مب بين خلق الله !

عاده شو بيمسك اناناسه!!!

وقفت عندهم ..

يا هلا ...

اتطالعوني من قلت هلا وقفت عن التبوس!!

هلا حبيبي شو اخبارك ..

بخير خالو ..

ممممم الكلام للخادمه : و انا اضحك يعني ابتسم ...كووووووول

ماشاءالله تبارك الله هذا ولدج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ جميل ماشاءالله

الا تقول لا مدام مب ولدي ..

لفيت صوب الولد و قلت هذي مب امك؟؟
اوني مستغربه هي مب امه!!

قال : لا خالو..

قلت :عيل وين ماما ؟؟؟

قال : بالبيت نايمه!!!

( ماشاءالله بعض من حريمنا

ما يشبعن نوووووووم مررة دببه قطبيه

السموحه بس ها تشبيه و مب اقصد هن دببه ! والله ما اقصد مب تسبوني !)

قلت هاااااااااااااا ...آآآآآآآآآآآآآآآآآآآآآآآآآآآه يعني هذي ماما نمبر تو ..

MAMA NUMBER 2 ???

الولد قال .. لا.. هذي خدامتنا..

بس بصراحه دام هالخادمه تسوي جي ,,جدام خلق الله اونها تحب الولد و تبوسه بهالطريقه

ابغي اعرف بالبيت و اهله محد شو تسوي فيه ؟؟؟؟؟؟؟؟؟؟؟؟؟؟؟

الله المستعان اعرف لو نتكلم من اليوم لين يوم القيامه ما في شئ بيتغير

و لكن اقوووووووووووووووووووووووووووووووول

هالاطفال امانه برقابنا الله بيسالنا عنهم يوم القيامه ..

دام الام مو قادرة و ما ترغب تهتم بفلذات اكبادها
ليش اساسا تحمل و تبيهم ؟؟؟؟؟

هل انجاب طفل سباق ؟؟ هل تحدي؟؟؟ هل مجرد لقول انا مب عاقر؟؟؟

شو بالضبط؟؟ هل مسؤوليه الام تنتهي من الطفل ينولد و يرى النور؟؟

لا تقولون لا مب لهالدرجه والله اعرف امهات من يربون,, الخادمه ترضع النونو و تنومه ...

شو شغلها و وظيفتها ؟؟؟ بس تنام مع زوجها و تحمل؟؟؟ انزين عندي اقتراح اسهل..

خلوه ليله وحده وقت التبويض اللي هي بين الدورتين يبتدي من يوم 13 من الدورة

لين 16 تقريبا.. سوا عقد مسيار لليله وحده خلهم

يخلون الزوج يعاشر الخادمه و تحمل ! طبعا مو كل الرجال و الغالب ما يطيقون الخدم

بهالحاله لابد الحرمه تترجى و تسوي كل شئ لريلها عسب يوافق

بهالطريقه هي بترتاح من الوحام و الم الولاده .و تخريب الجسم بعد ..

اوكي الحين الغيرة بتشتغل ! ها ريلي مالي اغاااااااااار عليه!!!

انزين هالولد مو مالج و مستوي من دمج و لحمج و خلايا جسمج؟؟ ما تغارين عليه و بكل برود تقدمينه للخادمه؟؟؟

غير انه ما يجوووووووووز

خلاص عندي اقتراح ثاني ..

بطريقه اطفال الانابيب يمزجون النطفه مع بويضه الزوج و يزرعونها برحم الخادمه ..

لالالالا ما يصير لانه حرام .. عيل شو نسوي؟؟

هاااااااااااااااااااا عيل شو الحل؟؟ لامهات اللي الخدم

يربون البيبيهات ؟؟؟

الرحم الصناعي!! ما اعرف اخترع او لا ؟؟ ان لا ؟؟

اكيد اول المشتريات بيكونن من العرب !

والله مو قصدي استهزاء بل حرام والله حررررررام

الأم تفوت هاللحظات الرااااااااااااااائعه

ما في اجمل من طفوله الطفل عقب من يكبرون

شوي يبتدون يعاندون و يصير التعامل معاهم

صعب ببعض الاحيان و لكن لما هم صغار من الولادة الى تقريبا 10 سنين من اجمل اللحظات

والله حرااااااااااااااااام نفوت هاللحظات الراااااااائعه

( الله يرزق كل محرومه ذريه صالحه و معافيه يااااااااااااااااااااااااااااااااااااااااااااااااا ااااا رب ))

كيف بعض الأمهات لهم قلب يخلون عيالهم مع ناس

غرب حتى لو الخادمه او ناني ثقه؟؟

تخيلوا الطفل يمشي ,يسنن ,يمرض ..................

الأم ما تعرف عنه شئ ..

يمرض ماما خدامه تعطيه الدواء و توديه الطبيب مع بابا دريول !

وقت سبوحه ماما خدامه تسبحه ..

وقت طعامه .. ماما خدامه تأكله ..

وقت تبديل الحفاظ .. مامي خدامه تبدله ..

الله اعلم كيف تغسله !

وقت اللعب مامي خدامه تلعبه..

وقت شوفه تلفزيون ماما خدامه تيلس معاه و تغير القنوات!

حتى وقت الواجبات في خدامات يكتبون عن الطفل..

حتى وقت اللعب بالسناتر مامي خدامه و بابا دريول يلعبونه !!

بس وايد كتبت تعبت و قلبي معورني ..كل ما اتذكر مشهد الخادمه و تبوس الولد

قلبي ينقبض .. عقب يقولون عيالنا انحرفوا !!

المزيد من آخر المواضيع من نفس القسم:

**@أم عمر@** · 2010-11-11, 09:51

صدقتي والله
الحمد لله ماعندي خدامة
انا ماما خدامة خخخخخخخخ

**نوف81** · 2010-11-11, 09:52

مااعرف الامهات متى بيصحون من غفلتهم ...

الله يهديهم بس

**اناناسة** · 2010-11-11, 10:01

المشاركة الأصلية كتبت بواسطة @أم عمر@

صدقتي والله
الحمد لله ماعندي خدامة
انا ماما خدامة خخخخخخخخ

هلووووووووو ماما خدامه لووووووووووول فديت ماما خدامه انا

مرات عيالي يقولون ليش ترتبين ملابسنا مثلا .. اقول تراني خدامتكم و يتمون يضحكون ههههه

المشاركة الأصلية كتبت بواسطة نوف81

مااعرف الامهات متى بيصحون من غفلتهم ...

الله يهديهم بس

آمييييييين و انا اقول ما بيصحون الا ان لا سمح الله صار شئ قوي

و عقب بعد بيشتكون و بيقولون الخدامه اهملت عيالنا!!!و بيدمرونها مب كان هالمسكينه

ربت لها عيالها من الالف الى الياء

سوري الالف في رحم الام ! اقصد من الباء الى الياء

**غافلة** · 2010-11-11, 10:09

ااخ والله يوم قريت ذكرت خدامة اندونيسية
تشمشم اليهال استغفرالله

هالجنسية بالذات لاتخلونهم يبسون اليهال
استغفرالله
يبوسون بطريقة اعوذ بالله

افف والله ذكرتيني فذيج البنيه الله يهدي امها
البنية استوت شاذة بسبة خدامتها اللي كانت تبوسها بهالطريقة
ذكرتيني بذككريااات اففف
الله يحفظ عيالنا ويرزق المحروم

*** ام خماس *** · 2010-11-11, 10:11

فااااااااار دمي

ياا امهاات ياااغافلاااات اصحوااا قبل ماا يفوت الفوووووت

تراااا مصاايب الشباااب والبناات الحينه كلهااا نتيجه تربيه الخدم

يزااج الله خير انوسسسسسسسسسسه الحلوة ^^

**"زوزو1"** · 2010-11-11, 10:17

الله المستعان

**^ روح ^** · 2010-11-11, 10:44

شنقول يا انوسة الله يهدي الامهات ويبطلون هالعادة ومايصحون الا بعد ما توقع الفاس في الراس
لمين حنترك النووم ؟؟؟؟ لمين حنترك الفر بالمولات ؟؟؟؟ لمين حنخلي الفر عند الخياييط ؟؟؟؟؟؟
الله يهديكم انتبهو ععيالكم انتبهو انتهبو انجلطت خخخخخخخخخخخخخخ

**بسمه سحاب** · 2010-11-11, 10:46

الله المستعان

**كيشونه** · 2010-11-11, 10:51

امهات الايام هذي في سبات عميق ( مب الكل في امهات ونعم فيهم والله )

متى بيصحون الله واعلم

الله يعين الجيل هذا دماره وخرابه من الخدم

**أم صوغ** · 2010-11-11, 10:52

حبيبتي البارحة واحد إتصل لإذاعة الشارقة في البث المباشر وشاف نفس المشهد واليوم بناقشوا هذا الموضوع الله يعين

**رفيعة الشأن** · 2010-11-11, 10:56

وايد حريم من هالنوعيه....مهملات لاقصى درجه

ويوم بتنصحينها تتحذر من الخدامه تصم اذنينها وماتقبل النصيحه

والله انه يجيسني قهر من هالامهات اللي ماعندهن شغل ولا مشغله...الا متربعات ويالسات وكله على الخدامه

وياليت عاد هي مهتمه بعمرها او مجابله ريلها في مقابل ان الخدامه شاله عنها كل شئ...الا كسل فيهن عفانا الله.

**lotus-girl** · 2010-11-11, 10:59

ليش كله حاطين علا الامهات تعرفون الظروف اللي خلت عيالهم مع الخدامة يمكن الام تشتغل او مريضة او في النفاس طبعا مب الكل في منهم مهملات .

**m-lady** · 2010-11-11, 11:27

الله يهدي الامهات الغافلات ... الي يستوي شي خطيير ..الخدامة تسبح الطفل ..وتمسح بجسمه في الحمام .والي تبوس الياهل بهالشكل ............

.والله مب زين ..

جزاج الله خير اووونسة على الموضوووع...

**فرح حياتي** · 2010-11-11, 11:46

الله يعينا من الخدامات ومشاكلهن

الموضوع: خدامه تبوس الولد ..اشرايكم نسمي الخدم ماما خدامه؟!

أدوات الموضوع

عرض

خدامه تبوس الولد ..اشرايكم نسمي الخدم ماما خدامه؟!

المزيد من آخر المواضيع من نفس القسم:

المواضيع المتشابهه

خدامه فلبينيــة للتنازل للي محتاجه خدامه بسرعه..

مطلوب خدامه لمدة شهرين او خدامه بالساعات ف العين...

افتراضي دعاء الخدم.. اللي طالبه خدامه جديده و اللي عندها من زمان تتفضل للاهميه:

عندي خدامه فلبينيهواللي محتاجه خدامه للتنظيف البيت تتفضل تتدخل

منو سوت خدامه عن طريج حد من اهل خدامه عندهم؟؟ عاااااجل