قلبي يعورني عليهااا .....

**{ روح طفله ..** · 2010-11-08, 18:00

مرحبآآآآ ...

آمهآآآآت ....

الله يحفظكم بنتي عمرها 20 يوم وتعاني من الزكآآآم والكحه ... يوم ترقد اطلع اصووات من خشمها وقلبي يعورني عليهآآآ .. والله ما اقدر ارقد .... وفيهااا كحه بعد ... شكلي انا اللي عديتها لانه صار لي اسبوع مريضه ...

شو الحل ..

الله يخليكم ...

المزيد من آخر المواضيع من نفس القسم:

**raw3a** · 2010-11-08, 18:14

اذا وايد تكح نصيحة وديها المستشفى على طول
اما اذا على الزجام قطريلها ماي وملح في خشمها واشتري هالبامب اللي يشفط المخاط

**raw3a** · 2010-11-08, 18:16

و حاولي تخلين راسها مرتفع شوي يعني حطي مخدة تحت راسها عسب يسهل عليها التنفس
بنتي كانت جي بس عقب شهر ونص الحمدلله اختفت الاصوات

**a4nhs** · 2010-11-08, 18:22

ادهنيها بزيت الزيتون بس يكون دافي مايل للحار شويه عالصدر والظهر وقمطيها وقطري خشمها بقطور الزكام وخليها عريلج بس يكون راسها تحت شويه يعني تكون مايله وعقب دلكيها مع شوية طبطبه غالظهر عسبة البلغم اللي في الصدر يظهر مع الترجيع وان شاء الله ما تشوف شر

**{ روح طفله ..** · 2010-11-08, 18:33

المشاركة الأصلية كتبت بواسطة raw3a

و حاولي تخلين راسها مرتفع شوي يعني حطي مخدة تحت راسها عسب يسهل عليها التنفس
بنتي كانت جي بس عقب شهر ونص الحمدلله اختفت الاصوات

تراني جي اسوي فيها ..

وتسلمين غلايه ....

والله يحفظلج بنتج وتشوفينها عروووس

**{ روح طفله ..** · 2010-11-08, 18:34

المشاركة الأصلية كتبت بواسطة a4nhs

ادهنيها بزيت الزيتون بس يكون دافي مايل للحار شويه عالصدر والظهر وقمطيها وقطري خشمها بقطور الزكام وخليها عريلج بس يكون راسها تحت شويه يعني تكون مايله وعقب دلكيها مع شوية طبطبه غالظهر عسبة البلغم اللي في الصدر يظهر مع الترجيع وان شاء الله ما تشوف شر

تسلمين حبيبتي ...

وان شاء الله بسوي اللي قلتي عليه ...

**{ روح طفله ..** · 2010-11-08, 18:39

انزين ينفع استخدم فكس للاطفال .. ادهن صدرها وظهرها ... ولا ياثر فيها لانها صغيره ...

**العطور** · 2010-11-08, 18:53

أهم شي مثل ما قالن البنات تدفينها وتدهنين صدرها بزيت زيتون وتحذري اختي من المكيف
حاولي ترقدينها في غرفة ما فيها مكيف لانه وااااايد يأثر على صحة الياهل ويزيد الزكام عنده
الدكتور بنفسه قايلي هالكلام .. والحمدلله من قمت ابنده في الليل وبنتي صحتها أحسن
الله يحفظلج اياها وتشوفينها عروس

**sjm** · 2010-11-08, 21:31

لا فديتج الفكس قوي عليها بعدها صغيرة
عن تجربة:
ادهنيها بزيت زيتون دافي وخليها دافية في مكانها.... حطي محلول الملح في خشمها.....وحطي مخدة صغيرة تحت راسها عشان تقدر تتنفس.....ولا تخلينها تتعرض للهواء الخارجي خاصة مع التقلبات الجوية

**miss funny** · 2010-11-08, 22:18

فديت روحها والله
يغمضون اليهال والله ،،

ادهنايها بزيت زيتون دافي ،، على بطنها وظهرها
وقطري في خشمها ماي ملح مال اليهال اللي فلصيدليه
عقب رقديها على بطنها ونزلي راسها شوي ،، وطبطبي على ظهرها

بتطلع الوساخه شوي شوي

ربي يعافيها يا رب

سبحان الله وبحمده ،، سبحان الله العظيم

**بابايا** · 2010-11-08, 22:53

وديها طبيب ولا تحطون بخور وعطور واذا ريلج يدخن لا تخليه يدخن في البيت

الله يشفيها

**أم غزلان** · 2010-11-08, 23:51

نفس ماقالو الخوات

والفكس بعدها صغيره عليه

وخوزيها عن المكيف بتخف ان شا الله

**كنه الشامسي** · 2010-11-09, 09:23

زيت السمسم النقي ...

**أم الخليفي** · 2010-11-09, 10:08

رضعيها طبيعي وان شاء الله بتصح ..

واذا خشمها مسكر حاولي تحلبين من صدرج في خشمها وصدقيني بتصح ان شا ءالله ...

بس دفيها لأن الجو بدا يتغير وهذي بعدها صغيره حرام ..

**بنت بوظبـــي** · 2010-11-10, 23:23

انا كنت ارقد بنتي على كرسي للمواليد الصغار الي اقل من 3 شهور عشان البلغم ينزل وخشمها ما ينسد

الموضوع: قلبي يعورني عليهااا .....

أدوات الموضوع

عرض

قلبي يعورني عليهااا .....

المزيد من آخر المواضيع من نفس القسم:

المواضيع المتشابهه

قلبي يعورني على امي

قلبي يعورني

هي مريضة..وقلبي يعورني عليهااا..

قلبي امعورني عليهااا الصراحه :(