القاب العضوات

**بشاير العين** · 2007-06-23, 00:21

السلام عليكم خواتي العضوات عندي موضوع بغيت اشوف شو رايكم فيه
من خلال تصفحي لالقاب العضوات لاحظت انه فيه القاب حلوه ومعناها حلو وبعد لاحظت انه في القاب بصراحه وبدون زعل ترمز الى صفات مب زينه ما ابا احط امثله وطبعا كل واحد حر بس ليش كل وحده فينا ما تتمعن في لقبها زين وتحاول تغيره اذا كان معناه مب زين والا شو رايكم

المزيد من آخر المواضيع من نفس القسم:

**مريم الراشدي** · 2007-06-23, 01:08

الغالية اي لقب يرمز للانسانه نفسها و انا من رايي اللي تختار نك هب زين مثل ما تقولين اكيد هي تشوف انه لايق عليها و هي يكيفها و الحمد لله انا اشوف اكثر النكات عادية

**سويت هارت** · 2007-06-23, 01:11

مرحبااااااااا

هذا رايج ونحترمه حبوبه وعلى العين والراس وانا رايي ماشوف نكات مب حلوه او سيئه واذا فيه من هالشي اكيد الاداره بتمسحه وثانكس ^_______^

**همسه طاعه** · 2007-06-23, 01:13

مدرى بس احسها حريه شخصيه واكيد النك نيم ما يي للوحده من فراغ اكيد حبت الا سم واطلقته على روحها ومشكوره يالغاليه

**!! غرور !!** · 2007-06-23, 01:33

هههههههه انا عن نفسي مادري ليش اخترت هالاسم جيه يه ف بالي وحطيته

لاتتحرون فيني غرور ولاشي ههههههههه ولاتنسون ان ماشاءالله وايد عضوات بالمنتدى وكل ماتختارين اسم يكون حد ماخذنه قبل لدرجه ان الالقاب تتكرر ^_^

**ام شواخه** · 2007-06-23, 01:34

بتحصلين اكثر عن سبب
وحده بتحط اسمها الحقيقي..
او صفه فيها..
او صفه تتمنى انها تكون فيها..
مرات تحط اسم ولدها ولا بنتها..
مرات اتفكر واتفكر شو اتحط بس عسب اتسجل واتشارك.. فاتحط اي شي..

**ديور** · 2007-06-23, 02:40

بالعكس مب شرط ان النك نيم يمثل البنت نفسها يعني انا كنت احاول اسجل بنك ثاني بس ماكان يستوي وبالحظ كتبت ديور واستوى

**شذى الريحان** · 2007-06-23, 03:14

يا ما سألت عمري نفس سؤالج اختي..
بس ما لقيت إجابة غير عدم المبالاة.. المهم عندهن يسجلن بالمنتدى وبأسرع وقت

ومب مهم عندهن الاسم بقدر أهمية تسجيلهن

عن نفسي.. ولله الحمد هذا الاسم الوحيد اللي اخترته.. وأصلاً كنت متوقعة إني ما راح ألاقيه ماخوذ..
ربي ما خيّب رجاي

موضوعج فيه حماس... مشكورة اختي على هالموضوع

**العنـــــود** · 2007-06-23, 03:35

للحين ما شفت نكات مب حلوة كلها عاديه ...

**~..أم الدويس..~** · 2007-06-23, 03:45

للحين انا بعد ماشفت..

<======== يمكن حد يشوف نك نيمي مب اوكي..

بس عيبتني ام الدويس في مسلسل الفريج.. وحطيتها اسم...

تسلمين على الموضوع بس للحين ماشفت اسم مب حلو او يسيء لصاحبته

**عيمان داري** · 2007-06-23, 05:07

لانه عيماااااااااااااااااااااااااااااان هيه داريه ولدت فيهااااااااااااااااا لااكثر ولااقل وكل وحده تحب امارته والي ساكنه وعايشه فيهااااااااا فديت عيمان دار الامان هااااااااااااي ههههههههههه :22 (13): الله يحفظها من كل سوووووووووء ياارب ولقبيه المطرووووووووووووووووووشيه فديت المطاريش:1 (35): احلى مطاريش:22 (12): :22

**...(مريّة)...** · 2007-06-23, 08:49

مب شرط اللقب يعكس شخصية اللي مختارتنه

يعني إذا وحدة كاتبة على سبيل المثال ( دياية رقطة ) يعني هي دياية ؟

ولا تحب الدياي مثلا ؟

مب شرط ،

**أمورة** · 2007-06-23, 20:13

انا نكي أموره ان شاء الله ما يكون عليه كلام. (استحيييت)
انا دوم يقولولي اني كيوت عسب جيه اخترت الاسم.

بس اذا عن الاسامي بشكل عام مب دوم صوره لاصحابها..في ناس يمكن ما تعرف تختار ولا هالنك هو الشي الوحيد اللي يا عبالها.

**.Um Hamad** · 2007-06-23, 23:40

انا اشوف ان المعرف يعكس صورة صاحبته مثل التوقيع

يعني اكيد يرمز لشي ما حاله حال التوقيع

بالنسبه لي كنت حابه ادش بإسم ولدي ( ام حمد) لقيته مأخوذ

اسم بنتي الكبيره ( ايمان ) نفس الشي

اسم بنتي الاصغر ( خلود) للأسف نفس الحاله

قلت ماشي الا اخر العنقود (هيا)

وفررررررجت

**صمبوخه** · 2007-06-23, 23:46

وإلي لقبها شراتي يضحك
خخخخخخخخخخخخخخخخخخخخخخخخخخخخخخخخخ

الموضوع: القاب العضوات

أدوات الموضوع

عرض

القاب العضوات

المزيد من آخر المواضيع من نفس القسم:

المواضيع المتشابهه

القاب صحابيات

القاب روعه بس مين يستحقها من الأعضاء ..؟

القاب الصحابه

القاب الصحابه رضى الله عنهم وارضاهم

القاب الصحابة