نددمانه عالزواج

[بدون احساس@]

السلام عليكم حبيباتي عند ربيعتي مشكله ماعرفت احلها او اساعدها بخبركم قصتها واتمنا منكم المساعدة لانها فحاله نفسية صعبة

اربيعتي متزوجة واحد من بلدها لكن شغله فبلد ثاني وتزوجو ا عن حب رغم معارضة الكل لها الزواج
كلنا سمعنا ان الريال مب زين راعي بنات ومايحترم حد ولا يصرف على اهلة وكلامة كله وصخ هو كان جارهم وربيع اخوانها بس من بعيد كان دايما يطلب بيزات من الناس يعني طلاب وكم مرة رمسوها اخوانها هالريال مب زين وامه معروفة فالفريج بالسب والشتايم والصريخ المهم تزوجوا بعد ضرابة وحرب طويلهوتم 20يوم وعقب سافر شغله وهني بدت المشاكل هي عاشت ويا اهله واول ماسافر امه بدت تعاملها نفس الخدامه تدق عليها الباب الساعة خمس قومي سوي ريوق حق بناتي بيسيرون المدرسة تلبسهم وتسبحهم وتاكلهم وتخم البيت وتغسل الصحون وتغسل الثياب والظهر تسوي غدا وعقب تغسل المواعين وتسوي جاي وتزقرها تخم حجرتها والساعة 7 المغرب تزهب العشا وتسير ترقد تقعدها س12عشان تسويلها اكل لانها تسهر حضرتها البنت هلكت صبرت عليها وشتكت لريلها قاللها انتي تبالغين وعقب رمس امه واحتشرت الام عليها انتي فتانه تبين تسوين مشاكل ويا ولدي من دشيتي هالبيت انا مرضت وكله فحجرتج يال.........انواع من السب والجيران كليوم الصبح عهالصراخ
المهم ردت بيت امها تعبت نفسيا تمت بيت اهلها والريل كليوم ردي البيت ردي البيت وامة تتصله وتشتكي وتجذب علية اونه هي كله راقدة ونعاملها نفس الاميرة
المهم يتصل كليوم الريل ردي البيت انا ماخذنج تخدمين امي وبد فالسب والاهانه
وتهديدات كليوم مسجات ولعان استغفر الله بعد فتره ماخلوها اهل اربيعتي ترجع قالت برجع البيت خلاص تعبت كملت شهر بيت اهلها بس كانت تتصل حق امه تبند فويها وسارتلها كم مرة البيت تي بتمد ايديها اتسلم ربيعتي تدخل الغرفة وتصك الباب ولا اتقوللها انتي يتي ويبتيلي سحر وياج تبين تجتليني المهم قالت برجع بتحملها اهلها رفضوا انها ترجع بعد شهر ونص يا زوجها يتم 50 يومرجعت ربيعتي بيت ريلها وطبعا خذ اللي يبي وقام يطلع من الصبح ويرد س4كليوم وكليوم سب ويضربها المهم ومنعها تسير بيت اهلها مرت 49يوم قبل ليله من سفرة يت اربيعتي بتتصل لاختها من تيلفون ريلها وبالصدفة جافت مسج...ومسج ومسج
احبك متى بنسبح متى بتي اانصدمت اربيعتي كان هو يتعشا يا الغرفة قالت له شوها قاللها وحدة متعلقة فيني من الدوام وراواها صورتها اجنبيه كانت قاللها بس صداقة بيننا بكل برود وكان باقي ساعة عسفرة تمت ميته من الصياح ربيعتي وهو يصارخ عليها مابينا شي هاي بس اربيعتي ؟؟وسافر وهي فصدمه 2يوماتصلت كانت حاطة نغمت اتصال اغنية حزينة ردت عليه والدموع فعينها قاللها شوها الغنيه الخايسة غيريها بسرعة قالت مابغيرها قاللها صبري انا براويج بند يت امه اتدق الباب تقوللها عطيني التيلفون ولدي ايقول عطتها وقالتلها زين ايسوي فيج انتي مرض شلت اغراضها اربيعتي وسارت بيت اهلها بعد اسبوع اتصل بيت اهلها وكلم ام اربيعتي ايقوللها ليش يايه عندكم خل ترد البيت بسرعة قالتله ام اربيعتي مابترد قاللها خلي بنتج عندج وبند فويها حتا حرمة عودة ماحترمها..المهم وقام يتصل عتيلفون اختها ويرمس اربيعتي يقول يالله ردي اللبيت بس هالكلام اللي عنده ردي وقالتله دورلي حل ويا امك وشو موضوع المسجات تم يسبها ويهددها كل يومين عهالحاله قالت له اخر مرة كلمها انا مابرد ومابسامحك عالخيانه جان يقوللها صبري بتندمين بسوي شي بخليج تصيحين دم وهودايما متعود عالتهديد وانقطع من هاك اليوم احين 4اسابيع هي بيت اهلها وهو مايدري بها ومن ما خذها مايصرف عليها تخيلوا بين اسبوع واسبوعين يعطيها 50درهم او 100مرات ولا شتكت ولا شي رغم انه اي عندها ايسير السوق يشتريلة بدل وساعات ب500 و1000والحين هي تعبانة نفسيا اختربت حياتها اهلها ايقولولها اتطلقي خلاص بس هي بعدها تحبة واذا تطلقت بتتعب وايد ضايعة بين نارين اهلها قالولها من البداية ماسمعت حد الله ايهديها الله مارزقها بعيال بس احسن ولا هالياهل بيضيع مب عارفة حبيباتي شو انصحها جربت كل الطرق ويا حماتها بالطيب واللين والكلمه الحلوة كانت كله تسبها وتقوللها انتي ساحرة وتسوين عمل ومادري شو؟وريلها تعبت وياه اي شي بتقوله بنطلع ححبيبي بنشم هوا شوي ايسير ايخبر امة تبا تطلع وتسبها وحاله انتي تبين ولدي ايفلس بطلعاتج كم مرة رمسته ايقوللها جب انا الريال وانتي حرمة انتي نفس الخدامة وانا السيداونة احين ماعرف بشو انصحها تعبت البنت والله؟؟؟؟؟؟؟؟؟؟؟؟؟؟شو الحل برايكم هو مايقدر يبها للمكان اللي يشتغل فيه لان راتبة مايكفي سكن ""كم مرة قالتلة ::بس للاسف ماعرف شو الحل؟؟افيدوني

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم حـور]

استغفر الله العظيم بعدها مستحملة لو انا مكانها جان تطلقت

[نعيمية دلع]

هاي ما تحس سوري يعني لو منها خلاص اذبحه موب اسير بيت هلي هاي موب عيشه خلها تم بكرامتها ف بيت هلها دامهم راضين عنها

[سكره الامارات]

اذا اهي مستحمله و تحبه > ركزي على الحب تراه اهم شي ف الدنيا !!





















اول شي نفسها لها حق اهلها لهم حق هم قالوا لها لا تاخذينه ليش تاخذه !! شو تبا فيه و هو جي اقشر ,,
تتطلق ابرك لها و حكمه ما يابت عيال والا تعيش خدامه طول الوقت عند امه و مذله الريل و فوق ها يظربها و يخونها اي حب اي بطيخ المشكله الكل يقول احب و ما احب و ها كله كلام مسلسلات ,, الله المصلح ,,,

[صمت الفراق]

ابغض الحلال الطلااق

بما انها تحبه تصبر عليه وتحاول تغيره وتسحبه لطرفها بالكلمه الطيبه

سبحان الله يمكن يتغير ويتوب

الله يفرج همها

[basko0ota]

الله يفرج همها يااااارب

[دلع بوظبي]

ليش ماتشتغل ؟؟

[نسايم روح]

صعبه البنت تطلع عن شور اهلها

[m.a.r.y.a.m]

المشكله من البدايه معروفه وواضحه

من الاساس هم عارفين انه الريال مب زين ..
وهي عرافه بكل سوالفه .. وبـ طبايع اهله
ويكفي انه اخوانها خبروها انه الريال مب زين وانه امه معروفه بالسب

فوق كل ها عارضت وقفت ف ويه اهلها
سوووري على شي ما يستااهل كل هااا

وبعدها ترجع تقول انا بعدني احبه
خلاص يوم بعدها تحبه تتحمل العيشه اللي هي عايشتنها
وتحاول تغير في الريال .. وتقنعه انه بتعيش وياه ف مكان عمله
لو في مكان صغير .. بس اهم شي يكونون قراب من بعض

والصراحه ريلها وقح .. يقول بعد هاي ربيعتي ف الدوام ومافي شي من بينا
ويراااويها الصور !!!

تبين الصراحه لو انا مكان ربيعتج .. يلستي ف بيت اهلي ابركلي
وبحمد الله انه ما في شي يربطنا ببعض ( العيال )

وخلها تشتغل بعد .. ع الاقل بتسوي شي ف وقت فراغها

بس ما اضن عمتها تخلي شي من راتبها جان هاي سوالفها ههههه

الله يعينج فديتج .. اذا تحبينه اصبري عليه
وا1ا تقدرين تفترقين اطلبي الطلاق

[أحلام علي]

سوري يعني بس

ويعه عالحب يوم انها جي

حبيبتي هي فاهمة الموضوع غلط

وين المودة

وين الحب

وين الاحترااااااااااااااااااام

خسي ها ريال

ولعلمج تراه جبااااااااااااااااااااااااااااااااااان

والله جبان

اللي يهدد تراه جبان

خل تحبه يوم انها راضية تكون خدامة عندهم

انا والله ارمس من قهري عليها

اهلج جنة يدامهم

قبل لايطيح الفاس بالراس

شو ذنب عيالها بالمستقبل بجي اهل

[كتك]

هذا مب حل ذبح طلاق مش حل غناتي
الحل ان تجيب له طفل صدقيني مافي ريال ما يتبدل بعد الزواج أو بعد ما يرزق الله بطفل ,,أنا أعرف وايد من ربيعاتي يشتكون لي عن نفس المشكله بس من الله يرزقهم بطفل خلاص تبدا المسوؤليه بالحياة قولي حق ربيعتج ما تقصر معه حتى ولو أمه قاسيه تحاول تكسب رضى ها ,,وأذا طلعت تجيب لها هدية أو أي شيء هي تحبها ترى بعدين بتحس فيها ترى كلنا نمر بنفس التجارب ونتعلم منها الله المستعان

[أم أريج]

رأيي انها تطلق ...

[حفيدة المل]

شو تبغينا نقول يا اختي خلاص دام هي الي حاربت اهلها عشان تاخذه رغم سيئاته وتعرف عنه وعن هله كل شيء ومع ذلك خذته خل تستحمل الله يعينها

[غدر الليالي]

تصبر عليه وعلى امه و تحااول تغيره وتغير اسلوبها وياه ولو ما تقدر الاحسن ما ضيع سنين عمرها والطلاق يكون حل لها

[иσ0σиα]

بعد كل هآ وربيعتج تسأل شو تسوي ..؟؟؟؟

أي حب أي بلآليط ..؟؟؟؟؟؟؟

من صدقهآ ربيعتج ..؟؟؟ عآيشة مثل آلخدآمة ..

لآ يحترمهآ .. لآ يصرف عليهآ .. مآ يسوي شي أصلآ ..!!

ع شو تحبه ..؟؟ حبته آلقرآدة .. مآلت ع جي ريآييل .. يتحسب عمره عنتر زمآنه ..

يآلس يغآزل ويلعب ويسب ويهين .. وهي : وآلله أحبه ...!!!!!!!!!!!!!!!!!!!!!

وهي تدري به إنه كل آلأشيآ آلغلط فيه ورضت فيه ..!!!!!!!!

سوري بس جنهآ مب مصدقة إنهآ عرست ..!! أول مرة تشوف ريآل ..!!

آلله يهديهآ صدق .. ويهديه ويآهآ .. خبز خبزتوه آكلووه ...