العضوه روح ( ام نور ) تذكرون موضوع البندول الاستغفاري دشوا شوفوا اللي صار

**ميرة الظاهري** · 2010-11-04, 14:25

السلام عليكن خواتي

تذكرون موضوع البندول الاستغفاري للاخت روح اللي تمت اتيمع الطبيات و ترسلهن بدون ما تاخذ بيزات التوزيع والتوصيل

هذا رابط موضوعها

http://forum.uaewomen.net/showthread.php?t=641043

بخبركن عن قصص واقعيه صارت

انا طلبت عشرين حبه و روح يعلني فدى روحها طرشتلي مية حبه

بصراحه من بعد فضل الله كانت روح سبب اني اصير ملتزمه بالاستغفار و الدعاء و الحمدلله الله فرج همومي و الله يا خواتي اني من عرفت هالحرمه عرفت الخير و البركه

و قبل ما اوزع اللي وصلني طبعت استكرز في العلب دعوة للاخت روح صاحبة التوزيع و عقب وزعت

و عندي ربيعتيه صكت الثلاثين وما عرست و كانت شوي هب ملتزمه تصدقون عطيتها من التوزيع و التزمت بالاستغفار و الحين عرسها جريييييييييييييييييييييييييييييييييييييييييييييييي يييييييب و دايما تدعي لروح ان ربي اييسر لها امورها و يحفظ لها ضناها

و ربيع ريلي اعرف زوجته من ثلاث سنوات ما حملت و الحين بداخلها ضنى بشهوره الاولى حليلها علقت ورقة الاستغفار البندولي في التسريحه وكل ما تمر تستغفر و تدعي و الحين ما يمر يوم ما تدعي لروح و تذكر ريلها دايما عسب يذكرونها في روح لما تزفر

و ربيعة اخت ريلي عندها ديون و حالتها حالها و ريلها ما يشتغل و نفسيتها مررررررررررره تعبانه و اخت ريلي عطتها واحد و بلسان حال البنت تقول انها ما درت بال بالتوزيع و حطتها فشنطتها و نسته حتى ما فتحت العلبه ومرت شهور و ومرة كانت وايد مضيجه و كانت في الحديقة مع عيالها و فتحت الشنطه و شافت التوزيع و تمت تقراه و عقب التزمت والحمدلله من بعد فترة الله سخرلها حد سد لها ديونها كلها و الله العظيم و تقول انها كل يوم تدعي لأختنا روح لما تكون بسيادتها

و الله يا خواتي كل مرة يطرولي سالفه عن الاستغفار وعندي وايد سوالف صارت بس خاصه وما اروم اطريهن و اغلبنا الحين متواصلين مع بعض و الحمدلله صرنا جماعه ما نتيمع غير بالخير و الاكل طبعا ههههههههههه

انا من بعد التوزيع بصراحه فرضت نفسي على العضوة روح اني ابا اتعرف عليها و ربعت وراها حتى في دوامها ههههههههههه و تعاملت معاها و عرفتها شخصيا و الله العظيم بحياتي ما عرفت وحده بأدبها و حشيمتها ،،، انسانه طيبه و رقيقه و قلبها ع الكل وراعية واجب و حبوووبه و ناجحه ماشاء الله و متدينه و صغنووووووونه هههههههههههههههههههه

وهيه بنفسها قالت ان الاستغفار فتح لها بيبان رزق ما تتوقعها و الله عوضها بخير في اشياء وايده حتى انها علمت بنتها كيف تستغفر ، تعرفون بنوتتها القمر لما تستغفر تقول " افر الله " اونه استغفر الله و تقول " الله ابر " يعني الله اكبر هههههههههههههههههههههههههههههههههههههههههههههههههه هههههههه

و قالت انها متلومه في وايد بنات انها ما طرشت لهن الطلبيه بسبب ظروف شخصية و ظروف الدراسه و الدوام و عسب اول طلبية وصلت للالاف وما قدرت توفر كراتين غيرهن لكنها الحين بتوفر جريب علب بالالاف و هيه مسجله اسم البنات اللي طلبوا وما وصلت لهن و قالت بتوصل لهن و انا تخبرتها من وين اتييب الكراتين تفاجات انها بنفسها تشتريهن من امارة ثانية من مكتبه عرفتها بالصدفه من وحده يعني ما عندها لا هدف تجاري ولا نية في الربح و انها توزعن لوجه الله عقب ما شافات ردود عضوات في موضوع الاخت خزامى الله يحفظها انهن عيبتهن فكرة البندول الاستغفاري و سالن من وين يحصلنه

و بصراحه ما كنت اصدق انه في خلق فعلا تعطي و تعطي وما تطلب شىء لكن افكاري تغيرت و الدنيا بخير و و فيه ناس تكون سبب في هدايتك و تفريج همك و تفتخر بيوم انك عرفتهم

و هدفي الاول اني كتبت هالموضوع الحين لان توه صار لي شىء مااااااااااااااااااااااااااااااااتوقعته و متخبله من الفرحه
و اريدكم تعرفون ان الاستغفار مفتاح الفرج و كونوا وموقنين ان الله سبحانه بيستجيب لدعاؤكم و استغفاركم و استحضروا النيه و الدعاء الطيب و اكرر كلمه ام نور دائما تكررها لي " لا تحزن إذا منع الله عنك شيئا تحبه فلو علمتم كيف يدبر الرب اموركم لذابت قلوبكم من محبته "

و الهدف الثاني اريدكم تدعون لأم نوااااري انها تنجح بدراساتها العليا و عقبال الدكتوراه و يحفظ لها بنتها الامورة و ينولها إللي في بالها يارب و يرجع امها و ابوها من فريضة الحج بالسلامه و يشفي لها امها و ابوها و بنتها و وسلامات يا ام نور من الحادث و نفاااااد يا قلبي في الحديد

و ارفعوا الموضوع الله يخليكم بالدعاء لها و بصلاتكم و كل ما تشوفون عنوان الموضوع او كل وحده طلبت التوزيع الاستغفاري فهذا اقل شىء اقدمه لها

يالله يامن ضجت اليك الاصوات يسالونك الحاجات

حاجتي اليك ان ترحم اختي برحمتك و تفرج كربتها و تيسر امرها و تبارك في اهلها ومالها و ذريتها و اجلعنا و إياها من زمرة اهل الجنه يا ارحم الراحمين.

المزيد من آخر المواضيع من نفس القسم:

**صاحبة السمو85** · 2010-11-04, 14:37

بــاركـ الله فيييييييييييييييييييكم جميعا

ومن يتقى الله يجعل له مخرجا ويرزقه من حيت لا يحتسب.

يالله يامن ضجت اليك الاصوات يسالونك الحاجات

حاجتي اليك ان ترحم اختي برحمتك و تفرج كربتها و تيسر امرها و تبارك في اهلها ومالها و ذريتها و اجلعنا و إياها من زمرة اهل الجنه يا ارحم الراحمين.

**ميرة الظاهري** · 2010-11-04, 15:01

المشاركة الأصلية كتبت بواسطة صاحبة السمو85

بــاركـ الله فيييييييييييييييييييكم جميعا

ومن يتقى الله يجعل له مخرجا ويرزقه من حيت لا يحتسب.

يالله يامن ضجت اليك الاصوات يسالونك الحاجات

حاجتي اليك ان ترحم اختي برحمتك و تفرج كربتها و تيسر امرها و تبارك في اهلها ومالها و ذريتها و اجلعنا و إياها من زمرة اهل الجنه يا ارحم الراحمين.

و فيج بارك

فعلا الغلا من يتق الله في كل قول و فعل و عمل يرزقه من حيث لا يحتسب

و للاسف الغالبية العظمى غافلين عن نعمة الاستغفار

و تسلمين الغلا على ردج و للدعوه

و الله يوفقكن بحملاتكن الخيريه و جوزيتن خير
اللهم امين

**qmr.uae** · 2010-11-04, 15:03

ياحليلها ربي يجزيها كل خير
ويفرح قلبها وقلبج ياأختي
وقلب كل أنسان يبغي الفرج
من رب العالمين
وفعلا" الأستغفار بغسل الذنوب
ويفرج ضيجة الأنسان وانا مجربه
سبحان الله
سبحان الله
سبحان الله

**ميرة الظاهري** · 2010-11-04, 15:38

المشاركة الأصلية كتبت بواسطة qmr.uae

ياحليلها ربي يجزيها كل خير
ويفرح قلبها وقلبج ياأختي
وقلب كل أنسان يبغي الفرج
من رب العالمين
وفعلا" الأستغفار بغسل الذنوب
ويفرج ضيجة الأنسان وانا مجربه
سبحان الله
سبحان الله
سبحان الله

و ربي يجزيج الخير و يوفقج و اييسر امرج دايما

و تسلمين على المرور الحلو و الاضافة الاحلى

" استغفروا ربكم انه كان غفارا يرسل السماء عليكم مدرارا "

و الاحلى اختي انه الواحد يسوى ولو الشىء البسيط في فعل الخير و جزاه عند سبحانه كبير

**mischocolat** · 2010-11-04, 16:07

الله يجزاها ويجزاج كل خير

**al-jo0oharh** · 2010-11-04, 17:15

ماشااااااااااااااااء الله

ماااااشاااااااااااء الله

صج ان الدنيا بعدها بخير

بيني وبينج اا مرت اخوي يوم رجعت من اليمن جابت لي انا ومرت اخوي العود

بس قبل اهملتها

بس رديت ولله الحمد

ومستمره

الله يفرج همومكم ياااااااااااااااااااارب ويوفقكم ويسعدكم بالدنيا والاخره

الواحد يرفع الراس فيكم

ماتقصرون

**مون لايت** · 2010-11-04, 18:01

ياحليلها ربي يجزيها كل خير
ويفرح قلبها وقلبج ياأختي
وقلب كل أنسان يبغي الفرج
من رب العالمين
وفعلا" الأستغفار بغسل الذنوب
ويفرج ضيجة الأنسان وانا مجربه
سبحان الله
سبحان الله
سبحان الله

**سوارة** · 2010-11-04, 18:14

سبحانك اللهم و بحمدك === أشهد أن لا إله إلا أنت === أستغفرك و أتوب إليك

**بنوتـــهـ** · 2010-11-04, 18:23

انآ كنت ادور منهم مآحصلت

**ميرة الظاهري** · 2010-11-04, 19:12

المشاركة الأصلية كتبت بواسطة al-jo0oharh

ماشااااااااااااااااء الله

ماااااشاااااااااااء الله

صج ان الدنيا بعدها بخير

بيني وبينج اا مرت اخوي يوم رجعت من اليمن جابت لي انا ومرت اخوي العود

بس قبل اهملتها

بس رديت ولله الحمد

ومستمره

الله يفرج همومكم ياااااااااااااااااااارب ويوفقكم ويسعدكم بالدنيا والاخره

الواحد يرفع الراس فيكم

ماتقصرون

تسلمين الغلا و يفرج لج كل همج ويوفقج و يسعدج دنيا و اخره

و سبحان الله الغلا مع الايام بيتعود لسانج ع الاستغفار لو استمريتي

و يحفظ لنا ام نور و يوفقها و اييسر امرها ولا تنسيها من دعواتج كل ما تستغفرين تراها تستاهل

و مشكورة لردج

**ميرة الظاهري** · 2010-11-04, 19:13

المشاركة الأصلية كتبت بواسطة مون لايت

ياحليلها ربي يجزيها كل خير
ويفرح قلبها وقلبج ياأختي
وقلب كل أنسان يبغي الفرج
من رب العالمين
وفعلا" الأستغفار بغسل الذنوب
ويفرج ضيجة الأنسان وانا مجربه
سبحان الله
سبحان الله
سبحان الله

و يجزيج الخير ويفرح قلبج واييسر لج امورج

و تسلمين على مررورج و مساهمتج لنا في الدعاء

جزاج الله خير

**ميرة الظاهري** · 2010-11-04, 19:16

المشاركة الأصلية كتبت بواسطة بنوتـــهـ

انآ كنت ادور منهم مآحصلت

افااا لو تريدين بخبر ام نور و بتوفر لج اكيد او راسليها ع الخاص لانها من فترة قالت لي انها طالبه كميات كبيرة و بتوزعهن جريب بس الحين مشغولة في الامتحانات

قولي بس كم حبة بغيتي للتوزيع

و ربي يجزيج الخير

**دانة الغربية** · 2010-11-04, 19:24

يالله يامن ضجت اليك الاصوات يسالونك الحاجات

حاجتي اليك ان ترحم اختي برحمتك و تفرج كربتها و تيسر امرها و تبارك في اهلها ومالها و ذريتها و اجلعنا و إياها من زمرة اهل الجنه يا ارحم الراحمين.

**ميرة الظاهري** · 2010-11-04, 21:30

للرفع

الموضوع: العضوه روح ( ام نور ) تذكرون موضوع البندول الاستغفاري دشوا شوفوا اللي صار

أدوات الموضوع

عرض

العضوه روح ( ام نور ) تذكرون موضوع البندول الاستغفاري دشوا شوفوا اللي صار

المزيد من آخر المواضيع من نفس القسم:

المواضيع المتشابهه

تذكرون موضوع ربيعتي ؟؟

تذكرون اللي كانت حادره بـ بنك !! ومنزله موضوع عن بنتها.. تعالو بخبركم شو سالفتها

تذكرون كلامي قبل سنه دشوا بتذكرون

بنات تذكرون الدروة اللي قلت عنها شوفوا الصور