ريلي يحبني لكنه .......!!

[شجآني هواه]

هلا بكل خواتي اتمنى تساعدوني في سالفتي الي بخبركن اياها وتقولن لي شو وجهة نظركن !

أنا مالجه من العام وان شاء الله السنه اليايه بعرس ووالريال الي ماخذتنه يختلف عنا باطباع وايده ..
في يوم من الايام يانا فالبيت وكالعاده اقابله فالميلس وكان يالس حذالي وجان ياخذ فوني عسب يشوف شسالفته لانه ما كان يشتغل عدل وشلاه مني وظهر فونه من مخباه وفتح inbox يبي يطرش لي مسج عسب يتاكد فوني يشتغل والا لا .
وشوي وهو يجيك ع مسجاته الا اشوف نيك نيم ففونه ضمن المسجات وكان غريب انا انصدمت ووقلت له منو هآي المزيونة
جآن يقولي :هآي اخت ربيعي وهذا ربيعه من قرايبهم عاد انا استويت جيه
ونشيت ويلست شوي بعيد عنه وهو يحاول يرمسني وانا ساكته ولا نطقت بحرف ميوده روحي لا اصيح جدامه لاني ماياه يشوف دمعه من عيني تنزل عشانه بس ماتتصورن شقايل انجرحت وكنت ابي اظهر بس اذا ظهرت خواتي بيعرفون شي صاير وانا ماحب حد يعرف خصوصياتي

المهم يوم حس ماشي امل اني ارمس تم يقولي انها اخت ربيعه ووهي معرسه اصلا بس هي ريلها قطري وهب عايشه هني ويقول هي الي طرشتلي مسج وعاتبتني ليش ما باركت لها ع البيبي وانه من واجبه يرد عليها ومافيها شي بالنسبه له وانا تميت ساكته بدون ما اعلق وانا فخاطري خلاص ابي اقوله يطلقني لاني اتقبل كل شي الا انه يسميها المزيونة

بعد جيه ربع ساعه قلت له: زين عادي عندك ارمس حد من شباب اهلنا بحكم اني اتنشد عن حاله قالي لا طبعا قلت له زين ليش انت تسوي جيه ! قالي: اذا احد من عيال عمج مافيها شي لانه بيتنشد عن حال بنت عمه ومو فقلبه شي لانها شرات اخته انا انصدمت قلت له اها يعني عادي وسكت وهو يحاول فيني منيه مناك ويقولي والله مو انا الي مسميها المزيونة لانه رقمها مسيف من فتره وبعد مو هو الي مسيفه ..عيل قلت له : منو سيفه هي يت من قطر وسمت روحها المزيونة وسارت!
قالي: لا والله اخوها مسميها قلت له تقص ع منو انت شو اخوها بعد ؟ واصلا منو الي يرضى بيسجل اخته في تلفون الغريب بالمزيونة فقالي :اصلا تلفوني هذا شريته من عنده وتم يحلف فقلت له : شي راجعلك انا مايخصني ومايصير اسالك ع كل شي هذي حياتك وانت حر بتصرفاتك بس قبل هذا طلقني انا ماتحمل اعيش وياك ! يقولي الحين بتصل حق ربيعي وببين لج انه هذا كان فونه قلت له مصدقتنك بس انا نهيت السالفه خلاص مالي رمسه فيها جان يقولي اذكري ربج والشيطان يبي يفرق بينا وشوفيه مستانس الحين وانا اقوله الشيطان ماله خص انا ما قررت هالقرار الا بعد تفكير!
وصدق لا انت تناسبني والا انا اناسبك بحكم انه كلن وله طبوعه غيييير عن الطرف الثاني يقولي: انتي تعرفين انه هالشي عادي بالنسبه لنا وان مافي قلبه شي لها ويتم يقولي الحرمه كبيره ومعرسه وماعرف شو! قلت له: كلامي ما اثنيه جان يسكت ولا عرف ينطق بحرف وانا ارمسه والعبره تخنقني لاني احبه واحس روحي مرات اكرهه جآن يقولي جيه تبيعيني بسهوله واهون عليج .. هانت عليج محبتي لج..انا احبج يافلانه وربي احبج وماقدر اتخلا عنج قلت له بكبرياء: المحبه مو كل شي دام هذي اولها قالي والله والله لاترك هالطبع وماسوي الا يرضيج وانا قلت له ماعندي رمسه غير الي قلتها من شوي .. جان يقول مابفرط بمحبتج وانتي كيفج تحبيني ماتحبيني مشكلتج , والمهم ماظهر من البيت الا بعد مارضيت عليه لانه كسر خاطري


السالفه ومافيها كل وحده منكن تتخيل عمرها فموقفي بامانه شو بتكون رده فعلها ؟ وبتسامح ريلها والا ؟ وهل ممكن تشك في ريلها ؟
وصح الي سويته والا غلط ! لاني ماعندي خبره الكافيه في هالامور فابى مشورتكن يالحريييم المعرسات

اتريا ردودكن في اقرب وقت لان صدري ضايق ومايروم يتحمل اكثر عن جيه

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[غرنوق]

اممممممم بشك فيه صراحة

بس انتي اصبري عليه

[LADY LOVE]

اختي خلاص لاتكبرين الموضوع الي صار صار وانتو تراضيتوا
لا تفتحين معاه نفس السالفه

[بلوسكاي]

ردة فعلك حلوة وسليمة لانه بالتهديد هاد بيبلش يحس انه ممكن يخسرك و يعرف انه انتي شخصيتك قوية
بس لازم اتمي هيك لانه ممكن يعمل شي بالدس فحاولي انه تكوني حريصة وتحسسيه انه هاد الموضوع في بالك وانتي مانسيتيه

بتعرفي هاد الشي الصح من البداية لانه اللي إلح حركات ماممكن يتوب إلا لما ينقرص شوي
لانه شفت تجربة بعيني وحدة من وهية مخطوبة كشفت خطيبها يخونها وقبل زواجهم بفترة بسيطة
كانت خلص رح تفركش بس تم يحاول يراضيها ويحلف مايعيدها وانه غلط وتاب

وتزوجت وكأنك يابو زيد ماغزيت وترجع ديما لعادتها ..... الخ
كذا مرة كشفته مع زميلته بالشغل في بينهم ايميلات وصور في المكتب وطلعات وكمان مشكلة كبيرة وكان رح توصل لطلاق ورجعت بعد فترة وحلفان وغيره، وبعد فترة أشهر كشفت انه فاتح صفحة عالفيس بوك وماخبرها ونكر انه فاتح صفحة ورفض يفتح الصفحة عشان تشوفها انه عادي طبيعي الوضع وصارت مشكلة وهلا حردانة

فالغالية صار عندي قناعة هاي الأمور لازم حلها من البداية لانه اذا ما صار شي رح يتمادى
وفي النهاية مو كل الرجال واحد في منهم زينين اكيد

الله يوفقكم ويسعدكم ان شاء الله في حياتكم

[* ام خماس *]

لا اله الا الله00حبيبتي الي سويتيه عين العقل ^^

خذي موقف من اولهاااا 00اذا تسااهلتي من الحين بيتمادى وبيقول بترضى ع كل شي

واي شي بسويه ^_*

عزيزتي بالعلااقاات لا يصح الا الصحيح 00ماافيه صدااقه بين رياال وحرمة

وحتى لو كاانت قريبته !!!!!

الله يسر امورج ويسخره لج ويتمم لج ع خير ياارب

[تسونامي]

لا اله الا الله00حبيبتي الي سويتيه عين العقل ^^

خذي موقف من اولهاااا 00اذا تسااهلتي من الحين بيتمادى وبيقول بترضى ع كل شي

واي شي بسويه ^_*

عزيزتي بالعلااقاات لا يصح الا الصحيح 00ماافيه صدااقه بين رياال وحرمة

وحتى لو كاانت قريبته !!!!!

الله يسر امورج ويسخره لج ويتمم لج ع خير ياارب

[h2h]

لا اله الا الله00حبيبتي الي سويتيه عين العقل ^^

خذي موقف من اولهاااا 00اذا تسااهلتي من الحين بيتمادى وبيقول بترضى ع كل شي

واي شي بسويه ^_*

عزيزتي بالعلااقاات لا يصح الا الصحيح 00ماافيه صدااقه بين رياال وحرمة

وحتى لو كاانت قريبته !!!!!

الله يسر امورج ويسخره لج ويتمم لج ع خير ياارب

صد كلامج اختي

وانا مع ام خماس

انتي خذي منه الكلام الصحيح وتاكدي عدل قبل لا تقررين باي شي

[ماسة الامارات]

يا حبيبتي ...ابغض الحلال عند الله الطلاق !!!

لا تتسرعي ..وعقب تندميين ...قالج الريال بصراحه شو علاقته فيها ..وحلفلج ..وقال بيسوي اي شي عسب رضاج ...

وانتي عاقبتيييه ..بانج لزمتي عليه انه يطلقج .....يعني خاف وما بيسويها مره ثانيه ان شالله ...اذا انتي تشوفيه انه صالح ويعرف ربه ..وبس غلط هالغلطه ..سامحيه ترى كل انسان خطاء .!!! اما اذا كان عكس هذا ..فالقرار قرارج ...بس لا تستعيلييين ....واللله يوفقج ..ويصلح ريلج ..

احترامي لج

[joodz]

يا حبيبتي ...ابغض الحلال عند الله الطلاق !!!

لا تتسرعي ..وعقب تندميين ...قالج الريال بصراحه شو علاقته فيها ..وحلفلج ..وقال بيسوي اي شي عسب رضاج ...

وانتي عاقبتيييه ..بانج لزمتي عليه انه يطلقج .....يعني خاف وما بيسويها مره ثانيه ان شالله ...اذا انتي تشوفيه انه صالح ويعرف ربه ..وبس غلط هالغلطه ..سامحيه ترى كل انسان خطاء .!!! اما اذا كان عكس هذا ..فالقرار قرارج ...بس لا تستعيلييين ....واللله يوفقج ..ويصلح ريلج ..

احترامي لج

[دوا رووحي]

ما اعرف شو اقولج الغلاا .. بس
دامج تحبينه . . ويحبج ،
الغالية لاتخلييين شي يفرقكم . .
واليوم انتوا مجتمعين لكن باجرإذا تطلقتوا الأمل ضعيف انكم تعيشون تحت سقف واحد
تغاضي عن هالشي وطنشيه. . الا هو رقم وحدة عابره وانتي الأساااس وعلى ذمته
والطلاق ياختيه مب سهل على الحرمة ،
وتبين الصدق . .يمكن هاذي حركة من ريلج يبا يعرف قدرج عنده وغيرتج . .
لأني ماشفت ريال يكتب فتيلفونه اسم فلانه وعلانه ولا لقب حلوو
خواني صغااااااااار أنا وماشفت فتيلفوناتهم اسم من اسامينا ولا اسم امي ..

[أم شهووده]

بصراحة أنا وياج إن ما يصير يكلم إخت اربيعه بس إنتي اتقولين إن السنة الياية بتعرسون فإنت تقدرين تحكمين عليه إذا هو ريال زين ولا شين
الله يوفقج يالغالية

[غبووش]

الله يصلح حالكم يارب

[BinT suLTan]

عااادي ..
انا خالي متزوج و بنات يرانا عندهم تلفونه و عنده ارقامهن بس مخزنهن بالبيت .. في قرابه بعيده بينا .. لن حاره وحده .. بعد اذكر مره في لندن انا وخالي و بنت يرانا طلعنا السوق مع بعض مرته زعلت عقب فهمت الموضوع وخلاص الحين عادي .. هذيلا اهلنا مستحيل حد ايي يفرق بينا ..

بس على حسب العادات .. يمكن لان نحن رابين من يوم كنا نتف مع بعض وتمينا جي لين ما كبرنا

[بـدو الخويـره]

اللــه يهديه انشالله,,,
أختي حاولي تحلين المشكله بدون طاري الطلاق,,,
دامج مالجه انسي شي اسمه طلاق,,, لأن مثل هالأمور ماتنحل بهذي الطريقه,,

لو هي بنت عمه بتحاولين تتقاضين عن الموضوع لكن أخت ربيعه أحس شوي صعب!!
يمكن هو متربي وعايش على هذا الطور (الطبع) حاولي تفهمينه من البدايه أنه شرعا مايجوز وأنه مستحيل حياتنا بتستمر مع بعض إذا انته عندك عادي هالشي,,,يمكن باجر لا قدر الله تنصدمين أنه بعد يراسل البنات اللي معاه فالدوام وبيقولج مافيها شي هذي معاي فالدوام وأطمن عليها,,, إحذري ثم إحذري,,,

إذا تباني غير هالطبع نهائي ولا تحاسبينه عاللي مضى,,
والله يجمع مابينكم على الصالح يارب

[عواش 18]

اتسرعتي بقرارج