هدايا الحج!

[أم الهتون]

السلام عليكم ورحمة الله وبركاته،


أنا سايرة الحج هالسنة ولله الحمد .. والله ييسر لي وييسر لكل حاج يا رب.

من كم يوم كنت يالسة مع ام زوجي وفجأة سألتني: اشتريتي هدايا الحج؟

أنا استغربت وقلت: كيف اشتري هدايا الحج وانا بعدني ما حجيت ولا سرت مكة؟!!!

قالت لي: عادي كل الناس يسوون جذي.

قلت لها: كيف يمه يسوون جذي؟ .. يعني اقص على الناس واعطيهم هدايا يفكرون اني شاريتها من مكة وانا شاريتها من البلاد؟!! .. يمه حرام انتي حاجة بيت الله وتبيني اجذب؟!!!!

!!!!!!


عقبها بكم يوم اتصلت بي خالة زوجي وكلمتني عن نفس السالفة .. فقلت لها نفس الكلام اللي رديت به على ام زوجي وقلت لها بصراحة ضميري ما يسمح لي اقص على الناس .. فقالت لي: عادي كل الناس يسوون جذي .. انتي هناك ما فيج حيل تروحين السوق لانج بتكونين مرهقة واصلا ما في وقت .. وفي نفس الوقت ما يصير ترجعين من الحج والناس يزورونج بدون ما تهدينهم بشي.



سؤالي: هل فعلا كل الناس يسوون جذي؟!!!!!!

المزيد من آخر المواضيع من نفس القسم:

• مندوب يختلس 800 ألف درهم من شركته
• والد طفلة يتهم مستشفى بارتكاب خطأ طبي عند...
• إلزام مطلقة برد 187 ألف درهم لطليقها
• التمييز في دبي تقر أحقية الدائن بالورقة...
• إطلاق ساعد لتخطيط الحوادث البسيطة برأس الخيمة
• الحبس والإبعاد لآسيوي اختلس 49 ألف درهم من...
• حكم بأحقية امرأة في أداء شيك حرره زوجها...
• محاكمة 3 آسيويين بتهمة ترويج المخدرات...
• يقتل صديقه تحت تأثير المشروبات الكحولية
• 100 ألف درهم تعويضا لعامل أصيب بحادث سير

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بيض الديك]

اكييد
شفت ناس وايد يسوون جذي

[الهوجسية]

هههه عادي حبيبتي نحن انسوي جذيه والناس اتعرف وكلهم يشترون قبل لايسافرون لانه اصلا مابتقدرين تشتري كل الهدايا مناك والتسوق ياخذ وقت وانتي سايرة عباده وبظيعينه فالتسوق .
وحج مبرور وذنب مغفور ان شاء الله
وترجعين بالسلامة .

[دفا الكون]

والله ما أدري الغاليه ما عندي فكرة !!


بس أتوقع فيه يعني من حيث أن فيه ناس .. أتوقع فيه ..

[زم_قمر_ان]

الله يتقبل منج الصراحه

المشكله مافيه وقت للشراء

اما عن الهدايا هناك احلى وأرخص

[مها الصغيرة]

احس عادي صح وااايدين يسون جي خذي اشياء عادية وممكن اشياء من السعودية وتنباع اهني
ترا الحين العالم كله قرية صغيرة واغراض السعودية متوفرة هنا وحتى اغراض الامارات متوفرة هناك..
واحس اهم هدية هي ماي زمزم عاد هذا اكيد من هناك اما باقي الكماليات عادي تراها هدية وما يخصه بالمقصه.. ترا ما مكتوب ع الاغراض ميوب من السعودية.. بالعكس هذي هدية وكرم منج ويزاج الله الف خير ومثل ما قلت لج اهم شئ ماي زمزم
والله يوفقج وتروحي وتردي بالسلامة..

عقبالي يارب..

[مرت خالد]

عادى اختى حتا نحن ناخذ الهدايا من البلاد
حج مبرور و ذنب مغفور ان شاء الله
الله يحفظج يا رب

[أم الهتون]

يزاكن الله ألف خير.

اثرني مب عايشة في الدنيا


على كل حال .. طبعا ماي زمزم من الأولويات .. وباوصي عليه الحملة بإذن الله.