موقف حز بخاطري

**دلع مغرور** · 2010-11-02, 22:01

السلام عليكم ورحمة الله وبركاته

سبحانك اللهم وبحمدك,,سبحانك اللهم العظيم.

مساكم الله بالخير

انا مابطول عليكم بس اليوم استوقفني موقف وااااايد حز فـ خااطري

بوعيالي اليوم خبرني عن موقف شافه وهو مداوم

الصبح الساعه 7 شاف حرمه عيووز واقفه عـ رصيف الشارع تأشر للتكاسي,, بس استغرب انه كل مايوقف لها تاكسي يمشي عنها مب واحد واثنين لا اكثر

بو عيالي دش الدوام وهو يفكر شو سالفة هالحرمه هاااي يعني شكلها كان كبييره بالسن

لما ظهر من الدوام الساعه 2:30تخيلو شافها واقفه بنفس المكان وتأشر للتكاسي بس التكاسي توقف عندها شوي وتمشي عنها..

قال لآاا الا اسير واشوف شو السالفه الحرمه يمكن فيها شي

وقف عدالها وسألها : فيج شي الوالده محتايه شي

قالت هيه ابي اسير البيت

قال انزين ليش ماتاخذين لج تاكسي؟

تخيلو شو كان ردها

قالت: ياولدي وقفت واايد تكاسي بس ولا واحد رضى يوصلني علشان ماعندي بيزات

عقب اتصل بو العيال بتكسي وعطاه قيمة التوصيله ووصلها وطول الطريج وهو يفكر فيها

يعني والله حراام وحده عيووز من الصبح للظهر قاعده بالشمس ومحد يوقف لها او يسألها انتي شوبلاج محتايه شي؟؟؟

شو رايكم بهالموقف والي يصير هالايام من هالمواقف

المزيد من آخر المواضيع من نفس القسم:

**sara_91** · 2010-11-02, 22:07

لا حول ولا قوة الا بالله ..
والله حرااااااااااااااام اللي قاعد يصيييييييير
اي تطووور اي خربطااااااااااان ,,

ما اقول الا الله يستر من اللي ياااااااااااااااااااااااي .. :S

**آنسات** · 2010-11-02, 22:07

لا حول ولا قوة إلا بالله
معقووووووووووولة ما حد وقف لها من الصبح للظهر

**ღcute girlღ** · 2010-11-02, 22:11

والله اني شهقت شهقه !!! مسكيــــــــــــــــــــــــــــنه ..

من الساعه 7 لين 2 ونص !!!!

ما اقول غير لا حول ولا قوة الا بالله

**شووق الامارات** · 2010-11-02, 22:12

حسبى الله ونعم الوكيل معقوله محد فيه خير لهدرجه الفلوس صارت مهمه اكثر من الاخلاق وفعل الخير
يا رب ارحمنا برحمتك ربي يوفقج انتي وريلج ويسعدكم ويعطيكم الف خير