تعبت.....

[الحائرة 2009]

باخذ رايكم بسالفة

بتقولون مجنونه ...ادري


بس والله مضايجة وااااايد
وأفكر أعتزل العالم 3 أيام أروح مكان ما حد يعرف ويني
ولا أكلم حد ....
ابا أفكر وأسترخي .وابتعد عن المسؤولية




بس شو بيكون رد فعل زوجي واطفال وأهلي

؟؟؟؟؟؟؟؟؟؟؟؟؟؟؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[زوجي غلا روحي]

انزين وين بتسيرين وشو بتقولين لريلج يوم تردين
اكيد بتم في شك
يعني مستحيل يصدق انها فترة نقاها
الغلا شكلج وايد عليج ضغط
عسى ربي يفرج همج
نصيحتي خلج في البيت وان كان ريلج اوبن مايند
سافري بروحج
اي مكان ترتاحين له

[عسل الكويت]

عسى ربي يفرج همج

[صمت الفراق]

خذينيييييييييي وياج
بس3 ايام ونرد خخخخخخخخخ

وناااااااسه

[الريم حمد]

الله يعينج اختي

حتى انا تعبت بغيت اروح مكان بعيييييييييييييد وارتاح وابتعد عن المسؤليه بس احاتي عيالي وايد

[فلورانتين]

الله يفرج همج وضيقتج..
اذكري الله وين بتروحين وبتخلين عيالج..
كيف يهنالج رقاد بعيد عنهم..
تعوذي من بليس وحطي الإيمان بقلبج وتراها ماتضيج الا تفرج..
وسعي صدرج حبيتي ولاتكدرين عمرج..

[اشتقت لج]

الله يفرج همج وضيقتج..
اذكري الله وين بتروحين وبتخلين عيالج..
كيف يهنالج رقاد بعيد عنهم..
تعوذي من بليس وحطي الإيمان بقلبج وتراها ماتضيج الا تفرج..
وسعي صدرج حبيتي ولاتكدرين عمرج..

[* ام خماس *]

هلا حبوبة

دوريلج محرم وسيري الحج 00احسن مكاان للرااحه النفسيه

الله ايسر امورج ياارب

[دلـــوعـــة]

ياعمري الجأي لربك ومابيخيبك
بقيام الليل اسجدي وابكي وابكي وابكي وطلعي كل اللي بقلبك
محد راح يفهمك غير اللي خلقك ومحد قادر يغير حالك غيره هو القادر على كل شي
والله مافي احلى من البكاء في قيام الليل
اختلي بربك وراح ترتاحي صدقيني
انا مابأى اشتكي لحد
وكل ماضاقت فيني الدنيا ابكي من قلبي بالصلاة وارتاح
والاستغفار والاذكار الهم دور كبير
وباذن الله ربك بيفرجها بارادته وقدرته

[غلا خلادي]

حرام الحرمه تسافر روحها لازم محررم واذا تحسين عمررج تعبانه وآآيد سيري العمرره لو يوميين بترتااحيين نفسيااا وربي يفرررج همج ياقلبي ..

[سينيوريتا ~]

كنت احلم بهاي اللحظه بس مستحيل

[رفيعة الشأن]

باخذ رايكم بسالفة

بتقولون مجنونه ...ادري


بس والله مضايجة وااااايد
وأفكر أعتزل العالم 3 أيام أروح مكان ما حد يعرف ويني
ولا أكلم حد ....
ابا أفكر وأسترخي .وابتعد عن المسؤولية




بس شو بيكون رد فعل زوجي واطفال وأهلي

؟؟؟؟؟؟؟؟؟؟؟؟؟؟؟؟

هالفكره تراودني من زمان وزادت وألحت عليي هاليومين
سبحان الله أمس اقول لعيالي ممكن اسافر عنكم يومين وباخذ وياي ولدي الرضيع بس
قالوا لي مستحيل!!!
قلت لهم زين عطوني فرصه اصيح بس...حاسه بنفجر من كثر المسؤوليه وماعندي وقت أحك راسي

الانسان محتاج فتره يراجع فيها حساباته....محتاج يكون بعيد عن كل شئ يضيق به....محتاج يكون في مكان هادئ.
بس منو بيعطيج هالفرصه؟؟
هذا هو السؤال

[ام صلحلح]

وانا بعد افكر مثلج ههههه

[منوه الحلوه]

وآللّـَھَ أنا اأحَ‘ـَِسِ بتعب ودي ارتاح اأحَ‘ـَِسِ وأيد ضغط دوووم أقول لريلي أبي اسافر بروحي بسّ يومين

[أم خــــالد]

ياربي شو صاير في الدنيا .. سبحان الله يعني مب بس أنا أفكر بهالشي حتى إنتي إختي وغيرج من خواتي المتواجدات..

حاولت أشغل نفسي بواايد أشيا وماقدرت ياربي أحس بضيجة والله تهد جبل =(

الله يفرج عليج وعليي وعلى كل مسلم ومسلمة يارب..