ليش الاهل يسوون جيه

[ام حمده3]

السلام عليكم
اسمحولي خواتي اني اناقشكم في موضوع تزويج بعض الاهل عيالهم بس عشان يعقلون او بسبب طلعاتهم المستمره او بسبب طيشهم ومشاكلهم يعني باختصار يبون يفتكون من مسؤليتم ويعقون المسؤليه على بنت الناس ياما سمعت سوالف من الاهالي اللي زوجوا عيالهم عشان يتغير حالهم يقولون ان الزوجه كله تشتكي من الزوج كله هايت برا والا يالس على النت ومهملنها والا سهران ويا ربعه ومخلنها روحها يعني كأنهم ما سووا شي يعني اذا هم ما قدروا يسيطرون على ولدهم بتقدر عليه بنت الناس وبعدين حرام والله البنت تتزوج عشان تكون سعيده وتستقر في حياتها والا عشان تقعد اتربي ولدهم من اول ويديد .والقهر ان اخر مره كنت قاعده ويا بنت شابه ماشالله عليها متدينه ومبين عليها الادب والاخلاق وجميله تبارك الله كلمتني ربيعتا عن سالفتا ماخذه اخو ربيعتا تمت ربيعتا تمدح فيه واحشرتا لين وافقت عليه رغم انها كانت تحلم انها تاخذ شاب ملتزم بس قالت دام انه اخو ربيعتي بتوكل على الله وعقب الزواج اكتشفت انه راعي سوالف بنات وهله زوجوها اياه عشان اتعقلها وتخليه ملتزم مثلها وحاولت فيه ولا شي فايده وشكلها ما بتم معاه ندرون ليش خذ وحده ملتزمه عشان يعطيها ظهره وهو مطمن والله هالشباب مشكله خصه شباب هالايام مشكله وايد فريه ومستهترين بشكل مب طبيعي طبعا هب كلهم بالعكس شي شباب والنعم فيهم وقد الزواج ومسؤليته انا بس ودي اوصل رساله حق بعض الامهات واقولهم الا الزواج لا يبلون فيه بنات الناس اذا يحسون ان عيالهم مب قد الزواج لان فيه حياه وعيال وبعد بنات الناس هب لعبه حاولوا تنتبهون حق عيالكم وحق تربيتم عشان يكونون مأهلين حق الزواج
والسموحه اذا طولت عليكم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[روح سلطان]

للاسِــف يصححـِـِـونْ الغلط بالغـِـِلط و هذا جهـِـِل ..
نسِــِـِوا من استطِـِـاع منكمْ الباءه فليتِــِزوج ..


الزواج مِــِش حل للهروب من تعِـِـاسه الدنيِـِـا او المشـِـِاكل
وللاسِـِـف وللاسِــِف فكـِـِل حاره و بيتْ هالتفكِـِـير موجود

[إمنوره بيتي]

غمضتني حرام عليهم ... الريال مايعيبه شي اذا انفصل واتزوج غيرها بس الحرمه مجتمعنا مابيرحمها ... الله يهدي ريلها ويهدي الاهالي اللي يفكرون بهالطريقه

[حبة البركة]

مسكينة
الصبر مفتاح الفرج وهذا قسمة ونصيبها وسنه الحيااة
يعني مثل ما الشباب لعبين في بنات لعااباات ما سولف فهمتي علية
بس من يعرسن يتصلين وفي منهم ع الحالة نفسهاا
بس دام هية ملتزمه تدعيلة بالهدااية
وربج يبح الخير لها

[uae2040]

للرفع

[Perfetto]

مممم .. أنا عندي قناعه إنه الحرمه دوم أقوى عن الريال !
يعني تقدر تغيره وهي تضحك بعد .. طبعا بمشيئة الله !
طبعا مب الكل عندهم هالميزه ..

لكن تفكير الأهل .. غريب عجيب !
الله يعين أي وحده جيه ظروفها .. مايستاهلون والله ..

[فاخره 2010]

بصراحه انا مدري شو اللي دفعج تكتبين في هالموضوع بس الموضوع وايد عجبني لان كلامج عين العقل نحن هلنا كله جي يعني لو البنت ملتزمه ولا المهم الولد ويزوجونه عشان يصطلب على قولتهم بالعكس تتم بنت الناس تتعذب من وراه ليش صدق قهر احين الوحده معززه مكرمه فبيت هلها ما اظن تتزوج عشان تنذل ولو على انه يتزوج الملتزمه عشان يعطيها ظهره وهو مطمن جان زين بس للاسف ألحين في حريم يتأثرن من ازواجهن ويغلطن والله المستعان لان الجو عندهم جي الاخت فصوب والابو فصوب والعيال فصوب ولا حد يدري عن حد



بعد سبحان الله الواحد شو بيقول لا حول ولا قوة إلا بالله
والحريم بعد في منهم الله يهديهن خذن مسؤولية الزوج هي الام والاب والاخ وكلشي وهي الدريول وهي الخدامه عنبو الريال يشتغل ويروح عند ربعه ويفكر بنفسه ويدرس ويرجع يقولها انا تعبان من اصبحت فالدوام
وهي لازم تنجب وتسكت مع انها تدرس تشتغل وتربي عيال ومسؤوله عن خدامات وبيت وتسوق وتتسوق وكلشي عراسها ها وهي حامل وتكرف ابد ما يحسون اكره الرياييل اف مب كلهم بس اغلبهم بس يفكرون في نفسهم ورغباتهم حسبي الله ونعم الوكيل لا بعد مب عاجبه لازم يخصص ساعه او ساعتين يغازل حبيبته فيها

[شـوفـي@ شموخي]

اب اب اب

[‘ملـــM!ssـآك]

صح كلامج والله اعرف واحد راعي مشاكل وخمير وخريج سجون .. امه زوجته وحده من برع البلاد من دوله

خليجيه .. اصطلب كم شهر وبعدين رد على نفس الحاله يشرب ويسوي مشاكل ويضارب .. وفوق ها كله يابت منه 5

عيال .. الله يهديها .. وكلهم ورا بعض وصغاار ..وياريت لاقين اهتمام من حد اليده في صوب والعمه في صوب والام

في صوب والاب ماشالله في فندق 5 نجوم ( السجن ) ... وحرمته دوم مشاكل وي امه ..

محد غامضني غير العيال عادي تشوفونهم الظهر يتمشون حذال الدكاكين

والام راقده واليده بعد او مب في البيت .. واعمارهم 6و 5و4 .. تخيلوا .. ولدين وبنت .. حرام عليهم والله

الله يهديهم الاهل مايفكرون بعيالهم ولا في عيال عيالهم لبعدين .. دام تعرفون ان ولدكم مامنه امل ليش تبلون بنت

الناس فيه

[المغتربة]

والله مروا علي وايديين بها النوعية اللي يعين حريمهم ليش تزوجوا ما ادري

[دلـوعة دبي]

صح والله .. إن شاء الله يستفيدون الأمهات و الأهالي من هذا الكلام ..