انا واخووي !_!

**بنوتة 20** · 2010-10-31, 20:05

السلام عليكم بنات
مســـاء الخير والنور والسعادة
بحط بين ايديكم مشكلتي واتمنى القى الحل بينكم خواتي

.... مشكلتي علاقتي ويا اخوي العود ..عندي اخ اكبر مني تقريبا عمره 30 وانا 22
بس هو من يوم وعيت ع الدنيا وهو كله برووحه مايحب يختلط فينا واايد ... هو مر بظرووف
وايد صعبة ايام الشباب والمراهقة .. خلته يقفد صحته .. وهالشي خلاه حساس زيادة عن اللزوم
هو طبعا متزوج وعنده عيال.. بس يغمضني احس ماله ربع . وهو دووم مهموم ومديوون ومب مرتاح في بيته... وماعنده ربع واايد .. انا علاقتي فيه رسمية وااايد يعني يوم ايي بس انسلم على بعض وخلاص.. مانسوولف وايد .. يعني اشياء بسيطة .. تقريبا كل خواتي جيه ويااه .. انا خاطري اتقرب منه واقوي علاقتي فيه .. بس ماعرف كيف .. يعني خاطري اتصل له واسال عليه .. بس مب متعودة على هالوضع .. احس هو بعد بيتفاجأ من هالتغيير .. كيف اقوي علاقتي فيه بلييز ساعدووني ..

اتريا نصايحكم واراءكم
دمتم في حفظ الله

المزيد من آخر المواضيع من نفس القسم:

**أم غزلان** · 2010-10-31, 20:18

سبحان الله

جنج ترمسين عن ريلي هو جذي ويا هله بس الحمدلله يتصلون فيه خواته والحمدلله مرتاح بعد ماعرس بس وصفج

شرات ريلي قبل الزواج كان غير والحين غير حتى ربعه معدودين على الاصابع بادري اسئلي عنه دوم ويوم يزوركم قعدي وياه ..

**الامارات عشقي** · 2010-10-31, 20:26

حلو انج تفكرين ف اخوج وتحاتينه وتسعين انج اتغيرين من نفسيته

ابدي معاه شوي شوي او خطوه بخطوه عشان مايحس انه في شي غريب من ناحيتج ،،

يعني لما بييلس وياكم سولفي معاه حاولي تدخلين بمواضيع تضحك يعني اكسري الحاجز اللي بينج وبينه ،،

اذا كنتي تعرفين تسوين سويت بسيط هو يحبه سويه وقوليله سويته عشانك لانك تحبه ،،

وبعدها طرشيله مسجات الجمعه او صباح الخير او مساء الخير او مسجات عن الاخوه ،،

وبعدين ابدي باتصال تسلمين عليه وتسألين عنه وعن عياله ومع الايام بتدا العلاقه تصير سلسه من بينكم ،،

وبعدها حاولي انج ادخلينه في مواضيع تخصج اشياء بسيطه يعني مثل تاخذين رايه بشي : مثلا دراستج ولا موقف صار لج ومب عارفه كيف تتصرفين فيه وتحسسينه انه رايه مهم بالنسبالج وانج تحترمين رايه وطريقة تفكيره صدقيني هالشي بيقربه وايد منج وهو بدون مايحس بيبدأ يسولف معاج وبيعطيج عن نفسه بطريقه غير مباشره منج ..

وعاد انتي وشطارتج باسلوبج تفنني ^^

اتمنى اني فدتج بشي والله يوفقج غناتي

**~ على مستوى ~** · 2010-10-31, 20:47

نفس مشكلتي ويا اخويه العود #_#
بس الحمدلله صار له فتره يتجاوب لو بشكل بسيط ويانا

يعني يقول اوختي شحالج .. ويسأل عن بنتي ويلاعبها وجيه
هو شخصيته وااايد سيريس فالبيت يمكن بسبة التربيه شرات ما قلتي
ولكنه اساسا شخصيته وايد كول وسلس .. بس ما ندري ليش جيه

ساعات لو تسولفين يطنش @_@ وانا ما احب جيه خخخخ
عسب جيه ما اسولف وايد عن يحقرني وانحرج

اختي اذا وايد متهممه افهمي ظروفه من مرته اذا مرته وايد اوكي ترومين تاخذين وتعطين وياها
وعقب ما تفهمين شخصيته منها ،، دشي بحياته بشويش

يعني مثلا اذا كنتي ترمسينها ويا ،، قوليلها اخوي.؟ عطيني اكلمه
وسلمي واسألي عنه وقوليله انج تحاتينه .. حسسيه بحنانج فديتج والله

كبرتي بعيوني الله يوفقج

**سوارة** · 2010-10-31, 20:57

**ابتسامة قمر** · 2010-10-31, 20:59

اتقربي منه باقرب وقت
ولا اتخلين الوقت يمر بالتفكييير

والله يسهل اموره ان شاء الله

**A+k** · 2010-10-31, 21:00

نفس حميي العود جيه هادي ومايسولف مع اخوانه ولا مع هله

تحسينه هادي..ومايخصه فحد..

شكلهم الكبار كلهم جيه متعقدين..

**عواشهـ** · 2010-10-31, 21:31

انا اخوي العود كان جي من توفى ابوي الله يرحمه رووووووحه استوا لنا الابو,,,,

اتقربي منه لان فعلا فعلا محتاينج..

**غلا راكـ 3** · 2010-10-31, 22:08

ماقصروا الخوات معااج الغاليه ...

وسعى ربي يسعدكم ويهنيييكم ..

آآمين يارب

**انثى بس غير** · 2010-10-31, 22:16

الله يعينكم يارب

**شوقاني21** · 2010-10-31, 23:18

انا رايي من راي اختيه الامارات عشقي ... الله يوفقج

**علـآآآيه** · 2010-11-01, 01:00

تقربي منه شوي شوي

كثري زياراتج .. خذي رايه ف كم موضوع

وجي .. وربي يوفقج ويصلح حال اخووج =]

**Miss.Feminine** · 2010-11-01, 10:27

خلي بينج و بينه مسجات

انا حتى مع عمي العوود فالخمسينات اطرشله نكت و مسجات سوالف

حلوو هذي بتكون بداية كسر الحاجز

جربي و شوفي لوين بتوصلين

لا تتوقعين رد من اول مرة

^_^

و خليج كووول لا تبالغين في الريااكشن مالج عشان ما يتحسس ^_^

بالتوفيق

**سلواه** · 2010-11-01, 10:43

انا قبل جي

صرت بكل صغيره وكبيره استشيرهم وحتى لو تاف.

مثلا اذا بقدم مكان اساله اقول اخوي شو رايكم هالمكان زين اشتغل في او لا

او مثلااا صار موقف مضحك في العرس او اي مكان اذا اشوفه يالس ايلس اتكلم واطري حقه سالفه

حتى لو ماانه مايرد علي مطنشني يسمعني ويسكت انا مااسكت ههههه

امممم مثلا يوم بغيت ابيع سيارتي اشتري لي وحده ثاني اروح استشيره

واطلب مساعده واكلمه في هالامور ...الخ

مثلا لو سويت عشى اتصل حقه اقول تعال اتعشى ويانا سوينا جي في بدايه كان يرفض يقول ماابى

بس مع تكرار اشوفينه بروحه يزورنا في البيت ويسال

في بدايه بتحسين بالصد ومايرد عليج بس شوي شوي والله بشوفين بروحه يسالج بقول هااا شو اخبارج اليوم

شخبار مثلا سيارتج وجي الاخوان يبى لهم صبر ولا اكثر.

اممم انتي ابدائي حسسوا بقيمته في البيت مب اتقول اهو انطوائي وخلاااص ماتكلمونه

دخلوا في كل الامور الصغيره وكبيره في البيت وان شاء الله يتغير وتتحسن احواله

زوريه تواصلي ويااه ..

والصبر زين

**بنت بحور** · 2010-11-01, 10:47

الله يحفظه لكم

الموضوع: انا واخووي !_!

أدوات الموضوع

عرض

انا واخووي !_!

المزيد من آخر المواضيع من نفس القسم: