أمي المتوفية

**بنت الجنيبي** · 2010-10-31, 08:27

يا خوات الي تعرف حد يفسر الاحلام تخبرني عن رقمه او تساله
انا صار لي يومين اشوف امي المتوفيه قبل صلاة الفجر مباشره لابسه أبيض ومريضه وانا اكون متلهفه عليها ويوم اقول لها انا اشتقت لج تقولي يابنتي انا تعبانه والمفروض اموت من سنه بس الله ماكتب وتقولي ابا ارتاح من الدنيا مع العلم انها متوفيه من اكثر من 3 سنين وماتت بسبة مرض.(الله يرحمها)

المزيد من آخر المواضيع من نفس القسم:

**قصر الحب** · 2010-10-31, 08:36

الله يرحمها ويغفرلها

انا ما عرف حد يفسر احلام
بس ممكن تكون بحاجة الى صدقة الغالية اتصدقي عنها واكثري من الدعاء لها
واذا كان عندج اخوان خبريهم بالحلم واكثروا من الدعاء الصدقة عمها

الله يرحم موتانا وموتاكم ويرحمنا اذا ما صرنا الى ما صاروا اليه

**عبـــويه..~** · 2010-10-31, 08:40

صحيح اتصدقي عنها

وتاكدوا ان ما عليها دين

**فاهمة** · 2010-10-31, 08:52

سبحان الله و انا بعد نفس الشي صارلي يومين احلم بأبوي رحمة الله عليه .. انا و زوجي حلمنا فيه بنفس الليلة و قبل الفجر .. بس اشوفه قاعد ويانا عادي و في حلم الثاني كان ياكل خبز انواع يعني جباب و خمير و قرص في صحن.. و شعره اسود و كانه محناي بحنة غامجة .. و قعدت انا حذاله جان يقوللي كلي قطعة الخبز هاي انا خليتها لج .. و قامو هو و امي وطلعو من الغرفة... يا ريت حد يفسرلي الحلم و لو عالخاص ... يا رب ترحم ابوي و تغفرله و تخلي لي امي .. يا رب .

**أم رفيعة** · 2010-10-31, 09:11

الغاليه اتصدقي على روحها واثري فاتحه دوم على روحها وزوري ارحامج من صوبها والله يرحمها ويغفر لها ياارب

**عآشقه عيالي** · 2010-10-31, 09:15

الله يرحم إموتنا وأموات المسلمين اللهم ‏????••??•????? آمِّيْنَ ?••??•?????

**جرح وحداوي** · 2010-10-31, 09:32

حاولي اتفسريه وياجماعة وصاية الرسول لو الحلم مب زين لاتطروونه مب زين لووايد همج روحي اطريه للشيخ وخليه يفسرة لج بس ماتذكرين احلامج اللي مب زينه والي تخوف لاحد
والله الموفق

**الوارفة** · 2010-10-31, 09:54

اختي فاهمه بالنسبة لحلمج يمكن لج شي مخلنه ابوج الله يرحمه لج ويبغيج تاخذينه . انا مب ملمه بتفسير الاحلام وايد بس بعض الاشياء تفسر نفسها. والله اعلم

**cute uae** · 2010-10-31, 09:54

الله يرحم أمج و يرحم جميع موتى المسلمين

**حربيه** · 2010-10-31, 11:22

الله يرحم إموتنا وأموات المسلمين اللهم

امين

**اماراتية7** · 2010-10-31, 11:27

الله يرحم موتانا وموتا المسلمين

**بنت الجنيبي** · 2010-10-31, 12:11

أشكر كل الخوات الي ردن عليه
بس ابغي رقم شيخ يفسر لي الحلم
لانه احاتي اخاف في شي لازم اوفيه

**سكوون الغراام** · 2010-10-31, 12:23

الله يرحمهم ويغفر لهم

**حكومة خاصة** · 2010-10-31, 12:23

الغلاااا شيكي الخاااص بطرشلج ارقام علماء الدين وايميلاتهم واستفسري منهم

**همس الاريج** · 2010-10-31, 13:40

كلنا الغاليه مرت علينا هاذي الامور وفقدنا عزيز
يمكن لها في صوم او صلاة
ومنسيه
ربي يغفر لها وايصبر قلوبكم
ويجعل مقامها في الجنه

الموضوع: أمي المتوفية

أدوات الموضوع

عرض

أمي المتوفية

المزيد من آخر المواضيع من نفس القسم:

المواضيع المتشابهه

رشوودي يقولي انا مشتاق لي يدوتي المتوفية ومتى بموت عشان اشوفها وانا اصيح