بتوديها عند شيخ ..والسبب ..؟!

[Lotus5]

صباح الخير يا بنوتات و حريمات

من شوي كنا نسولف أنا و خالتي و بنت خالتي .. سوالف ما بعد منتصف الليل في المطبخ كالعاده ..(المقرمشات الليله شر لابد منه في بيتهم )
و بنت خالتي عمرها تقريبا 27 سنه ,جامعيه , موظفه أدب و أخلاق و جمال و عزوبيه ..صار لها 3 أيام ترد من الدوام و فيها شي مقطوع او مكسور اليوم الاول , نعال جديد (عزكم الله) انقطعت خيوطه مره وحده , اليوم الثاني نفس الشي صار بس نعال ثاني و بعد جديد , و اليوم الثالث شيلتها المهم .. هي كانت تتكلم عن المواقف اللي تصير لها في الدوام , و أمها قالت لها
أنا لازم أوديج عند شيخ (مطوع) يقرأ عليك , أكيد في واحد عاشق عليك (سامحونا عالكلمة ) بس أنا أنقل نص الكلام و هذا اللي مأخر نصيبج ..أنا فتحت عيوني قلت لها : لا خالو .. بنتج ما فيها شي , أعوذ بالله من الشيطان الرجيم و البنت ما اشتكت من شي و لا فيها أعراض شي الحمدلله . ضحكت خالتي و ردت تقول : لا لا مب قصدي هذاك الشي , قصدي حد من الناس , يعني بشر يا بنيتي هههههههه
تميت أفكر و استغربت انا سمعت عن ان عشق ال..ن ممكن يعطل النصيب بس عمري ما سمعت ان عشق البشر يسوي نفس الشي !!!!
أنا و بنت خالتي قلنا أكيد خالوه غلطانه فخلينا نتأكد من خواتنا في المنتدى يمكن حد عنده فكره .
بغض النظر عن موضوع الزواج يعني نحنا مب موضوعنا تأخر الزواج أو تقديمه لأن هذا كله بيد الله سبحانه و تعالى ,بس فضولنا انصب على جملة (عشق البشر) حسيناها غريبه و ما خطر فبالنا انها ممكن تأثر على الأشخاص بطريقه سلبيه !! يعني مب لدرجه تستعدي تدخل شيخ أو مطوع ...
أدري الموضوع مب وايد مهم بس تدرون سوالف طاولة الطعام
حبينا تشاركونا لو حد فيكم عنده خلفيه عن الموضوع ... و مشكورييييييييييييين مقدما
في حفظ الله

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[سكره الامارات]

انا قريت ف منتدى بعد انه لوو حد عاششقنج بيووقف النصيب بس جذب

شو ها نحن مسلمين نحن نؤمن انه النصيب من رب العالمين و ينكتب قبل ب 40 يووم و مااا يخصه ف عشق !!

اذا جي عيل ماحد عرس تدرين شبابنا من شافوا مزيونه عشوقها =) و ماشاء الله بنااتنا كل وحده تشاااور القمر و تنزح مكااااانه > فرت القصيييد =)


يتراوالي خزعبلاااااااااااااااااات في خزعبلاااااااااااااااات

النصيب من رب العالمين

[جروووح انسانة]

مثل ماقالت الاخت كل شئ قسمه ونصيب
وكل شئ مقدر ومكتوب مايخصه العشق أبـدآ
النصيب بيد الله سبحانه وتعالى فقـــــــــــــــــــــــــط

[فرح راكـ]

مادري بس اتوقع مافيها شي لو سارت عند الشيخ
يعني قرات القرآن مايخصه اذا الواحد فيه سحر ولا عين وهالامور

يعني عادي اي حد يسير ويقرون عليه

وموضوع الزواج من الله بس بعد ليش لا مااحس الموضوع فيه شي

موفقه^^

[Lotus5]

انا قريت ف منتدى بعد انه لوو حد عاششقنج بيووقف النصيب بس جذب

شو ها نحن مسلمين نحن نؤمن انه النصيب من رب العالمين و ينكتب قبل ب 40 يووم و مااا يخصه ف عشق !!

اذا جي عيل ماحد عرس تدرين شبابنا من شافوا مزيونه عشوقها =) و ماشاء الله بنااتنا كل وحده تشاااور القمر و تنزح مكااااانه > فرت القصيييد =)


يتراوالي خزعبلاااااااااااااااااات في خزعبلاااااااااااااااات

النصيب من رب العالمين

سكر الامارات و الله انك سكر و كلامك عسل و شي أكيد ان النصيب من الله سبحانه و تعالى هذا شي ما نختلف عليه و انا ذكرت هالكلام في موضوعي بس خالتي تقول نفس مافي سحر يسبب تعطيل الأمور بغض النظر كان زواج او غيره فعى كلامها نفس الشي يصير في عشق البشر و العشق يفرق عن المحبه أو الاعجاب ,و باسم الله على شبابنا اعجاب من اول نظره بس ما وصلوا المراحل المتأخره ههههههه الله يهديهم و يهدي الجميع .
احم احم و صح كل وحده من بناتنا مب تشاور القمر ,الا تفره بعييييد
وانا معاج يتراوالي خزعبلات . مشكوره على المرور الحلو

[أم سلامه2006]

غريبه انا بد اول مره اسمع عن عشق البشر ؟؟؟
خبرينا بالتطورات عاده

[* ام خماس *]

لا اله الا الله00حبيبتي انااا اشوف ان هالسواالف كلهاااا

خزعبلااات 00والنااس تتوارثهاااا عبر الاجيااال لا غير ^_*

وكل شي نصيب لا عشق ولا كره 00لكن المشكله ان امهاات الاول

ماااا يعترفن بهالخزعبلااات ومصدقاات حتى النخااع وهذاااا يأثر

ع حيااتهم وتفكيرهم فديتج0

وغلط انهاا تسير عند دجاال ويوافقهاا ع كلااامهاا ويساايرهااا عسب

البيزاات وبس !!!

الله يوفقكم لماا يحب ويرضى ويسعدكم عنوووني ^^

[الأحلام الملونة]

ما سمعت من قبل عن عشق البشر 0000 بس يمكن تقصد عين أو حسد وهذا مذكور بالقرآن

وفعلا النظرة تصيب الناس مثل ما حدث مع قريبتك 00000 وكما يقولون العين تفلق الحجر

عليها بالتحصين بالمعوذات وآية الكرسي ولا تغفل عنهم صباحا ومساء

[دلووعتهم]

فووووووووووووووووووووووووووق

[زيباشو]

خل اتوديها عند شيخ فاهم ،، ويقرا عليها يمكن لا سمح الله يطلع صدق فيها شي ...
مع ان البنت ما تشتكي من شي ...

وعشق البشر انا سامعه فيه بس مب انه ياثر في النصيب ..
لا يمكن اللي عاشقها ما يباها لغيره ويتم يدعي انها ما تكون الا له هو ،، فعسب جي ما تتوفق في الزواج ههههههه
ها التفسير المنطقي الوحيد ...

[غرنوق]

ماهذا الهراااااااااااء؟؟

[فتاة ليبيا]

عشق البشر؟؟؟؟؟؟؟!!!!!!!!!!!!!يوقف النصيب؟؟؟؟

الله اعلم... لكن العين حق وممكن اتكون متضررة من عين

نصيحتي انها تمشي لمركز حجامة لأنها شفاء بإذن الله من تأثير العين والسحر... وانصحيها تداوم على اذكار الصباح والمساء وترقي نفسها بنفسها....

والحجامة ممتاااااااااااااازة

[moon soon]

انا اللي اعرفه اذا ريال نفسه فيج ما تتوفقين و امروج دوم تتاخر او تخترب انا اعرف وحده كان ريال يبا يتزوجها بس ما طاعت يوم عرست بغيره ما حملت 12 سنه عقبها حملت و فيه وحده بعد اعرفها تمت تستوي مشاكل بينها و بين ريلها وايد لين اطلقت و فيه امثله وايد غيرها بس النفس لها تاثير شوفي اذا حد نفسه في شيء في ايدج مثل الاكل يا يطيح يا شيء يستوي و الله اعلم

[سوارة]

[جرح وحداوي]

لووول بنقلكم تجربتي بس من الحين اقوولكم انا مااامن بهلاشيااء ابدا والزواج قسمة ونصييب والله يرزقني بالزوج الصاالح اللي يستر علي ويحاافظ علي ويغنيني عن كل شويبعد عني كل العيوون ورزقني بالذرية الصاالحة منه لووه لووه طلعت عن الموضووع هاها
لاتنسوون تدعولي بالزوج
هاها نرجع لموضووعنا انا وحدة ماشاء الله والحمدلله من لما كنت فلمدرسة والمعااريس ايوون بس ماكنت اعرف ييمتهم ذيك الاياام وااحسرتاااه لووول بس من لما خلصت الثانوية تقريبا رحت عند الاهل وبدا سالفة الحب طبعا والله من جهة وحدة انا ماكنت مسوية ساالفة ومااحب هسواالف الحمدلله صح مينوونه وطايشة بس بمايرضي ربي علعمووم وفعلا حبني ولد عمي بجنوون وليووم يحااول يبيني بس انا راافضة لاني ابي ابعد عن الاهل خصوصا انهم راعيين مشااكل وانا مافيني ابي اعيش بسعادة وراحة ومثل ماقتلكم من ذاك اليوم ومحد شرف واللي يبووني لازم يستوي شي ويخرب الييه ولا مااعرف لازم يستوي شي الله كريم بس مثل ماقتلكم والله الدنا قسمة ونصيب والله يرزقنا وايااكم بالزوج الصاالح