بنات ريحوني

**Q8ia_100%** · 2007-06-20, 13:42

بنات بليز ابي تقولولي جم كيلو زدتوا وقت الحمال؟:1 (81):
وهل نقصتوهم مباشره؟
والا سويتوا رجيم؟
واشكثر الفتره؟:1 (7):

لاني طاااااااااااااااااااااااااااااااااافحه وانا توني بالخامس ونفسيتي زفت بسبب وزني لاني فوق المعدل الطبيعي:1 (6):

المزيد من آخر المواضيع من نفس القسم:

**walh_11** · 2007-06-20, 13:46

انا زدت فحمالي قرب العشرين كيلو وهذي الزيادة لني كان وزني 42 يعني كنت وايد ضعيفة فمتنت فالحمل ولن كان فيني سكر الحمل وهذا نفخني زيادة

بس بعد الولادة الحمد لله ضعفت شوي بس بعدني لني مربية من شهرين

**ام روضه2002** · 2007-06-20, 13:48

مرحبا حبيبتي
المعدل الطبيعي للزيادة في فترة الحمل من 10 الى 12 او 13 كيلو اكثر عن جذي يكون وايد
بس سبحان الله بعد الولادة طبيعي تنزلين 10 كيلو واذا ترضعين طبيعي ممكن تنزلين اكثر
بس لازم تراعين الاكل بعد الولادة الحين وانتي حامل ابتعدي عن الحلويات والاكلات السريعة لان ما منها فايدة وتنفخ على الفاضي والله يقومج بالسلامه

**اماراتيه كيوت** · 2007-06-20, 13:50

أولا مبرووووووووووووووك على الحمااااااااااال
هلا الغااااااااالية صدقيني لا تخااااافين مع الرضااعة الطبيعية بينقص وزنج عااادي بس طبعا انتي كثري من الرضاعة الطبيعية للبيبي ومع كل فترة بينزل عاااادي الوزن
وان شاء الله خييييييييييييير

**ريحانة الجنه** · 2007-06-20, 14:28

الوزن لازم يزيد فترة الحمل يعني مافي داعي اتمين متضايجه ومكتئبه عادي هذا شي طبيعي وبعد الحمل انشاءالله يبدا الوزن ينزل واذا كنتي اترضعين بينزل وايد وايد انا فترة الرضاعه وايد نزلت كل ما حد يشوفني يقولي شو فيج رايحه فيها والحمدلله على كل حال

**Brown Leafs** · 2007-06-20, 15:03

نصيحتي لج,,,,,,,حاسبي على اكلج...لانه الوزن اللي يزيد بلحمال صعب ينزل بعدين!!!
لانه ما شي حركه .....

**Um mzoon** · 2007-06-20, 15:15

في واااايد بنات ينتفخون بزياده ويقولون سببه المااااااي ...بس لا تكثرين اكل ... يعني لا تقولين انه نحن اثنين احين ....انا عن نفسي زدت 7 كيلو بس ... يعني صار وزني 61 كيلو

**Q8ia_100%** · 2007-06-20, 16:42

انا شكلي عادي يقولون تربربت بس زايده عشرين كيلو وانا بالخامس محد امصدقني
امي تقولي تفشين بس تولدين

**عبق الماضي** · 2007-06-20, 19:23

لاتحتين أنا حامل وكل شهر أزيد أربعه كيلو وعقب الولاده أنقص عشره كيلو ومع الرضاعة انقص بالتدريج وأكره نفسي وشكلي وأقاطع الناس كلها حتى التلفون ماأحب أتكلم فيه مع أي أحد وأيلس ساعات أبجي لكن مابليد حيله هذا أمر الله
عسى نقوم بالسلامه

**أم شمسان** · 2007-06-20, 23:21

انا بالخامس بس وزني نفسه نفسه ماتغير اربع وستين واحيانا ينقص كيلو ؟!!!!

**Q8ia_100%** · 2007-06-23, 01:47

باجر عندي موعد عند دكتورتي
وبعرف نوع البيبي:22 (5):
واكيد بتعلق على وزني:1 (7): حاسه جنه وراي امتحان لووول

**أميرة بوظبي** · 2007-06-26, 23:38

هلا الغالية ..

لا تحاتين ولا شي .. هالوزن الزايد نصه ينزل بعد الولادة ..

الزيادة الطبيعية تكون ما يقارب 13 كيلو ..

أنا زدت 14 كيلو في حملي .. وخاصة في الأشهر الاخيرة صار وزني اسبوعياً يزيد ..

بس كنت محافظة على اكلي .. ولا اكثر من الدهون والحلويات ... لاني كنت خايفة من سكري الحمل ..

والحمدلله بعد ما ربيت على طووووووول سويت دايت بروحي .. كنت آكل كله مشاوي ..

وابتعدت عن الدهنيات .. وكنت محافظة على الرضاعة الطبيعية لأنها كانت تساعدني في نزول وزني الزايد ..

وبعد اسبوعين من الولادة .. صرت اسوي تمارين بسيطة لشد االبطن والارداف .. كلها كانت تمارين بسيطة بدون تعب ... وكنت ما آكل شي بعد الساعه 7 المغرب ...

وبعد شهرين من الولادة .. صرت اسير كل يوم النادي ..

والحمدلله يوم بعد يوم احس وزني يرد شرات قبل .. وتناسق جسمي بعد ..
صح مب شرات قبل الحمل .. بس الحمدلله .. احاول ارد تناسقه ..

وربي يسهل عليج .. وأهم شي سلامتج وسلامة البيبي ..

**أم عبـد الرحمن** · 2007-06-27, 00:43

انا مازدت كثييييير 3 او 4 كيلو ونزلوا بعد الولاده

الموضوع: بنات ريحوني

أدوات الموضوع

عرض