الي حالتي مثل حالتي تدش

**غلآكـ في قلبي** · 2010-10-21, 19:10

هلا حبيباتي

انا وايد محتارة كل ما اسير لدكتورة تقوللي شي

انا عندي كيس محتارين هل هو كيس دم او ورم فيه شعر و جلد(ديرمويد) حجمه 2 * 1.6

اخر مرة راجعت فالوصل قالولي ورم فيه شعر و لاتخلينه يمكن يتحول لخبيث و العياذ بالله بس خلولي الخيار يعني الدكتورة ماتحاول تقنعني بطريقتها اني اسوي العمليه

و تحسفت اليوم اني ماقلت لهم ابا اسوي العمليه

اما زينب في عيادة الشنار قالت لي صغير و مايباله منطار بس اذا حملتي بيكبر!!!!بس بينزل مع مانع الحمل؟؟و احتمال يكون عندي اونه بطانة الرحم المهاجرة!!!

الحين انا للاسف مب عارفه شو حالتي اصدق منوووو و اذا بسوي العمليه وين اسويها ؟؟استغفر الله تجيني وساوس انه اخاف يتحول لخبيث او يفوت الفوت اباكم تطمنوني

وايد خايفة خاصه اني بعدي ماكملت سنه و على فكرة هالشي مكتشفينه من 8 شهور كان حجمه 4 و صغر ل2 لني خذت مانع حمل مع انه فالوصل قالولي مانع الحمل بس ينزل السوائل الي فالورم مب الشعر او الجلد!!!!!!!!!!!

الي حالتها مثل حالتي تطمني بلييييييييييييييييييييييز

و يزاكم الله كل خير

المزيد من آخر المواضيع من نفس القسم:

**صغيره بس خطير** · 2010-10-21, 19:17

الله يعينج ويشفيج اختي ماعندي فكره

**غلآكـ في قلبي** · 2010-10-21, 23:32

up up up

**الكـــــاذي** · 2010-10-22, 01:10

نفس السالفه صارت لي كانت تجيني آلام في خاصرتي اليسار
رحت مستشفى ميديكير في دبي قالو لي إنه كيس من دم في المبيض اليسار ولازم عمليه.. وإلا قناة فالوب بتنفجر إذا لفت ع الكيس.. بعد ما سوو لي التصور ثلاثي الأبعاد كان حجمه 4 في6

حتى الدكتوره قالت لي تعالي بكره الصبح عشان التخدير ونبدأ لج العمليه

بس رحت طواري مستشفى الوصل.. عشان آخذ استشاره ثانيه..
قالو لي كيس ماي عادي.. وبيصغر مع الأيام
وسويت تصوير تلفزيوني بعد شهرين.. وصغر حجم الكيس ووصل 3 في 2

وهالأسبوع رحت عيادة الدكتوره علياء المنصوري.. قالت لي إن المبيض اليسار في أكياس صغيره عباره عن بويضات غير نشطه وخامله... ولما سألتها عن الكيس.. قالت لي أي كيس..؟؟ما عندج أكياس في المبيض أصلا"
بس حجم المبيض اليسار أكبر من اليمين والسبب إنه متكدس ببويضات غير ناضجه..
وعطتني كلوميد وجلوكوفاج ودوفستان.. وبديت العلاج عندها... لأني مليت بصراحه كل دكتوره تعطيني راي
وتناقض في الاستشار...

الله يشفيج ويعافيج من كل مكروه

**غلآكـ في قلبي** · 2010-10-22, 13:21

هلا ختيه الكاذي

انا الوصل دايما كانوا يقولون لي تريي بنتابعه و امس فالمراجعه قالولي الافضل جراحيا بس انا رفضت و ليتني مارفضت عقب فكرت في كلام الدكتورة انه ممكن يطور لشي مب اوكي بس الي عندي قاعد ينقص مب يزيد!!!

المشكله في كل مراجعه لي عندهم تشوفني دكتورة غير عن الثانيه بس الاستشارية جفتها مرة وحدة بس!!!

ماعرف و الله وين اودي براسي بسوي المنظار دام العمليه بسيطة لكني اخاف وقت العملية يطلع مب زين لاقدر الله ذيج الساعه شو بسوي

فكرت اسير الزهراء و اجوف شو تقولي نفيسه و بتوكل على الله

و سمعت عن الدكتورة عليا بس اذا ماعليج امر ممكن تدزين لي مكان عيادتها عالخاص او الرقم و اوقات تواجدها

مشكورة اختي الكاذي على الرد و الله يشفي الجميع ياربي

**FoOo** · 2010-10-22, 14:52

ربنا يشفيك

**^%سمر%^** · 2010-10-22, 15:01

حبيبتي إذا تبين تعرفين السببب الصدقي سافري تايلند بقولج شو إلي تبينه بالضبط ...
ربي يشفيج ...

**البدوااوية** · 2010-10-22, 15:20

ربي يشافيج
ويشاافي كل مرضى المسلمين

الموضوع: الي حالتي مثل حالتي تدش

أدوات الموضوع

عرض

الي حالتي مثل حالتي تدش

المزيد من آخر المواضيع من نفس القسم:

المواضيع المتشابهه

حد مثل حالتي ؟!

في حد مثل حالتي

حالتي ما تسر

اه حالتي ؟؟؟؟