السكوت مشكله ؟

**fa6ami.77** · 2010-10-20, 05:30

مرحبـا
حبيت اسولف معاكم شوي..
سالفتي مادري اذا هي مشكله والا عاده والا اعتبر طبيعيه والا شنو وضعي فالحياه..
انا من طبعي ماحب اتكلم وايد .. مب يعني ساكته 24 ساعه يعني عادي اذا حد اعرفه او ما اعرفه اسولف وياه بس ما اتعمق فالسوالف ..
بس اذا صارت مشكله او حد ناقشني بشي وما عيبني كلامه ما اناقش ولا اجادل بس تلقوني ساكته عكس كل اهل بيتنا يصارخون اذا عصبو ..
من هالشي الناس تفكرني بارده بس انا مب بارده انا من النوع اللي عصبيتي ما اطلعها فالناس يعني كل شي اكتمه حتى عصبيتي .. لو تعدون كم مره طلعت حرتي يمكن باصابع ايدينكم الوحده ..
بعد في شي ثاني يقولونه عني اني غامضه < اكيد غامضه دامج ساكته لول ..
اللي ابا اقوله انا ما اشوف هالشي مشكله لاني ماحب اقول شي اندم عليه ردي هو الصمت..
يعني انسانه جدا جدا حريصه على الكلمه اللي تطلع مني .. يعني في حد شراتي؟؟ ..
و الناس اللي حولي تتوقعون نظرتهم لي اني وحده قلبي اسود بما انه مب اللي فقلبي علساني و كتومه ..
والا نظرتهم اني وحده ضعيفه الشخصيه ؟؟.. والا شو؟؟

المزيد من آخر المواضيع من نفس القسم:

**ام الغالي2005** · 2010-10-20, 06:05

ممممممممم ما ادري شو اقولج

بس نصيحتية لج حاولي تضحكين وتسولفين اكثر وخليج فرفوشة اكثر بدل سكوتج الدايم لانة ما تعرفين نظرة اللا حولج وشو تفسيرهم لسكوتج الدايم

*** ام خماس *** · 2010-10-20, 06:50

لا اله الا الله00عزيزتي شخصيتج حلوة والاحلى انج

تقدرين تمسكين اعصاابج وانتي معصبه وهااذي ميزة فيج حبوبة

وعن السوااالف تقدرين تتغيرين وتضحكين وتسولفين وحلو الوحدة

تكون غاامضه شوي مب وااايد ^_*

لكن الاحلى انج تكونين حبوبة بين الناااس 00صدقيني ماا شي احلى

عن محبه النااس ومعزتهم للانساان 00الاهل قبل الغرب^^

الله ايسر امورج ويسعدج ياارب0

**تسونامي** · 2010-10-20, 07:09

زين منج تمسكين اعصابج وشكلج بعدج صغيره

لا مشكله ولا شي احسن لج من الكلام الي مايودي ولا يييب والابتسامه تكفي عن 100 كلمه

**glbe** · 2010-10-20, 07:48

يمكن البعض يفسر سكوتج انج بــآرده ولا يهزج شي ..~

بالعكس هالصفه حلوه فيييج انا اسوي جيه بعد اذا ماعيبني النقــآش

عسب ما اعصب واحتشر بروووحي ..*

بالعكس آختي هذي موب سلبيه هذي ميزه للشخص ..

**زم_قمر_ان** · 2010-10-20, 08:13

ماشاء الله عليج

بالعكس الهدوء وكتم الغضب

ميزه حلوه في الانسان

عكسنا نصرخ ونصيح ولالا نستفيد شي

**Hno0odah** · 2010-10-20, 09:00

اهم شيء انج تمسكين اعصابج وما عليج من كلام الناس

**ماحد شراتي** · 2010-10-20, 09:49

حاولي انج تغيرين من طبعج شوي اضحكي و سولفي وما عليج من حد

**راعية مواجيب** · 2010-10-20, 09:54

خلج ع طبيعتج احسن شي

**شعاع امل** · 2010-10-20, 10:41

المشكلة ان الواحد يوم يدوم ساكت دوم اخر شي بينفجر

لانه بيكون مجمع الاول والتالي ( اتقي شر الحليم اذا غضب)

لانه ماتفاهم مع الطرف الثاني ابدا

وبيحس دوم انه احسن من غيره لانه سكت

ودوم بيمشي الامور لانه متعود على عدم الجدل

رغم انه العكس لو ناقش يكون

احسن

لا والكارثة

في ناس راح يتكلمون على لسانك بعد

ويسون عمارهم فاهمين من انتي

ويرمون الكلام من تحت لتحت

(بحجة انك ماتقولين مافي خاطرك بس نحن عارفين شو في خاطرها)-

ذيله عاد مجموعة شوفت الحال - لان اصلا مايهمهم شو في خاطرك بس لان في مجال كبير ان سكوتك يقهرهم لانهم يردونك تتكلمي مثلهم وعلى كيفهم ويستفزونك في مواضيع معينه عشان تتكلمين فيها واذا تكلمتي في مواضيع ثانية عاد تعالي شوفي النظرات الحقد

كيف هذي صوتها يعلا على صوتنا - وبعد طلعت مب هينه -

عافانا الله

يعني لازم اطلعين مافي خاطرك

لان الواضح انك مش باردة اعصاب

بس متعوده على الصمت كثير

وحابسه الانفعالات

فلازم تحاولي تتفاعلين مع الناس حتى لو اهلك

لان بعدين الناس بتاخذ فكره ثانية

انك ماتقولين مافي قلبك وانسانه مب واضحه

وفي ناس راح يحاولوا يستفزونك ويخربون عليكي يوم عرفوا هذي الصفة فيكي

ويقولون انه مش مسؤولة لانها من النوع المسالم بس ! تخاف تتكلم

وهكذا اكيد و صحيح 100% خاصة اعداء النجاح واهل فرض الشخصيات

فلازم تتكلمي بس مع الضبظ الاعصاب قدر الامكان

بس اذا شايفه مافي ضرر فخلاص مالك براي غيرك

الكلام هذا عن تجربه فعليه

انت فاهمة انك انسانه طيبة بس في ناس في هذي الدنيا نيتها غير حبوبة

بس في النهاية الناس كل واحد منهم مايقول اصلا مافي خاطره بنسبة 100% لا

بس نسب تتناسب حسب الشخص وتعاملاته وثقته بغيره

فانت لازم يكون عندك حنكه في التفكير وعرفه متى تتكلمين ومتى تسكتين

مب دوم ساكته ومب دوم معورة راس الناس

وانا شكلي عورت راسك فسموحه منك

**حمامة نودي** · 2010-10-20, 11:21

انا نفس الشي ساكتة دووووم و ما اتكلم الا لو بقول معلومة او بسلم او بنصح او اقول رايي ماحب قرقر واجد خخخخخ
و دايم في بالي انه الكلمة اللي تطلع مني ما اقدر ارجعها و ربي بيحاسبني اذا تكلمت عن فلان و علان
طبعا معظم سوالف الحريم حش في الاوادم و تعليقات على الناس و انا ماحب جيه
احسن لج خلج جيه صدقيني
من كثر كلامه كثر سقطه ........ صح جيه المثل؟؟ صلحولي اذا خطأ

و سلامتكم
جفتو خليتوني اسوي وااااجد قرقر
خخخخخ

**جنـه الــورد** · 2010-10-20, 13:52

بلعكس

ودي اكون شراتج لاني ماقدر اكتم عصبيتي ومارتاح الا يوم اطلع حرتي لووول

من زمان ودي اودر هالطبع مب قادره !

حتى مرااات اتمنى اكون هاديه بهالمواقف عسب اقهر الشخص الثاني

بس حاولي تكونين فرفوشه بغير مواقف النقاش ^^

**المخلصه** · 2010-10-20, 14:42

بالعكس حبوبه السكوت احسنلج بس مب معناته انج غامضه بس اللي حوالينج يتحراج جيه

حلو الواحد يتم يضحك وسولف مع غيره ونا بعد مب كل اي وحده اثق فيها ومب لازم تتعمقين زياده عند غيرج خلي كلامج من بينهم سطحي
والاحلى انج اتمين ساكته يوم تعصبين,,, عيل لو تشوفيني انا شو بتقووولين خخخخخ

....بس مب معناته اني شرانيه وحليلي عنياتي ههههه تراني وايد مدحت عمري ههه

انا عن نفسي سطحيه ماحب اتعمق مع حد الا اذا كنت واثقه منه صح شويه هدوء فيني بس عند الفرفشه بتلقيني ضحكنا لين برااهههه ويوم حد يعقلي رمسه ايييييييييه شوف لساني ههه

احسن الواحد ما يسكت عن حقه

**الفرآشة** · 2010-10-20, 18:35

آحلى شي السكؤؤؤؤؤؤؤؤؤؤؤؤؤؤؤؤؤت هع
صفة حلــــــــــــــؤؤؤؤؤؤؤؤؤؤهــ فيييييييييييج

**الروح }--** · 2010-10-21, 00:15

اختي الناس انواع وشخصياتها مختلفة .. مايصير كل الناس اجتماعيين ولا العكس
فكل واحد له صفات خاصة وكذلك تتفاوت في الانسان .. وايد عوامل تأثر فيها

لا تحاتين لان انا فيني شي منج .. وهذا عادي

الموضوع: السكوت مشكله ؟

أدوات الموضوع

عرض

السكوت مشكله ؟

المزيد من آخر المواضيع من نفس القسم:

المواضيع المتشابهه

طفح كيله بما وجد ولم يصبر على السكوت ففضحهم بكل ما أتوي من قوة وهدد بالأنتحار !!

مخاطر السكوت عن البدع

بنات التجمع لشهر يناير وفيراير السكوت ربت

أحبكـ .. و السكوت أبلغ مدام إن الحكي قصّر .. Mms

تصميمي(( كلما أردت الكلام يحتويني السكوت))