أخوي وحرمته ... ساعدوه ..!

[.pure.]

بنااات بخبركم بالمشكله اللي صارحني اياها اخوي من فتره وانصدمت ..


اخوي متزوج زواج تقليدي .. المهم انه انسان واايد رومانسي وطيب وبار فينا وحساس


من فتره لاحظت انه اغلب اوقاته خاري البيت .. استغربت ولا جنه معرس


يوم سألته خبرني ..



يشتكي من معاملة حرمته الجافه والباردة ..

يقول ما تهتم بشكلها ولا تعرف تقول كلمه حلوة ..


يقولي ليش كل الحريم يترين من الرياييل كلمه حلوة مثل انتي كاشخه ويا سلام على شعرج وووالخ


والريال يتعب ويشقى ما يلقى كلمة طيبه من حرمته


يقول سويت المستحيل عشان أسفرها اغلى البلاد سويت لها البيت اللي تتمناه وكسرت ظهري

وتعبت بالمشاوير .. حتى شكرا ماشي ..

أنا أول مره أشوف أخوي جي مكسور ! يصلي القيام يدعي الله ويصيح

بس مادري ليش للحين مب رايم يتعايش مع الواقع


يقول ليتني ما عرست .. شو هالحاله .. ليش انا حظي جي !

يسهر برع وايد ما تسأل عنه .. ترقد قبله ..

يتقرب منها تصده بحركاتها او تخرب عليه جوه ..




يقوولي فكرت ألعب اسير ادور حناان برع البيت ، أنا بشر ابا حد يحس فيني وفي مشاعري


قتله اصبر عليها تغاضى عن عيوبها يمكن البنت بحكم البيئه البدائيه اللي يايه منها تستحي او ما تعرف


يقول صااااااابر وحااااولت بس الواحد له طاقه وحد معين ما يقدر يتحمل أكثر ..




لا تقولولي اكلمها لان مالي خص فيهاا ...


كيف اقدر أخلي اخوي يخليها تقدره بتصرفاته ..


أخوي هااامني واااااااايد وكاسر خاطري .. احسه مضطرب نفسيا ومب مستقر


يقول مابا عيال منها ماباا .. وساعات يقول يمكن اييب عيال ويتعدل الوضع مع اني اشك




أخوي صارله سنه متزوج ..


قسم بالله انه عندها نعمه يوم خذت اخوي .. بس موول ما تقدر موول


وين شي ريال جي فهالزمن شراته .. بسم الله ما شاء الله عليه الله يحفظه قولو آمين

برايكم شو الحل ؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ح ـوؤور]

آلله يعينه ويهديه حرمتهـ . .

والله مآ ادري شو أقولج بس إن شآء آلله آلبنآت يفيدونج . .

أب أب أب

[حور2010]

انتى كلميهاااااا ... او خلي يقولها تراني بتزوج الثانيه .. عاد اذا ما تأثرت بالسالفه الزواج .. يعني هي خير شر بارده ...

الله يصبره ان شاءالله ..

عيل نحنا كل شي انسوي حق ازواجنا ويقولون انتوا ما سويتوا وما وفيتوا حقوقنا

وايد تفلسفت

لووووووووووول

[بدون احساس@]

كل انسان الغالية عندة مشاكل
يمكن هي شي فقلبها خل ايحاول وياها ايبلها هديه
ويسويلها جو رومنسي او يسيرون مكان مثل فندق تغير يعني يمكن تطلع اللي فخاطرها

خل يصبر عليها ويغير اسلوبه معاها
ويتناقش معاها هي شوتبا بالضبط يكلمها اخوج مكن ماكلمها عن اللي فخاطرها اوك اذا هي تصده يسالها يا اخي عن السبب فنفس الوقت مب يتريا ويخلي فقلبة يقوللها هذا حق من حقوقي والله ما يرضا وليش الصد لازم في مشكله بالهداوة والحوار والنقاش كل شي ينحل او اذا عندها خوات ايرمسهم يسالونها لان الزواج استقرار ومحبة وود وعيال وسعادة اثنين طول العمر لين ما ايعيزون قولولها تبين تعيشي ن وتعيشين ريلج بتعاسة طول العمر وفي واايد مصلحين اجتماعين يلجا لهم اخوج وحرمته وانشالله اكون افدتج الغالية

[aisha1]

خلى هو يرمسها عل وعسى تحس واذا مافي فايده يرمس حد من خواتها او امها عسب تنصحها شوي
الله يعينه

[فجر82]

لازم حد من العائله او قريب منها يكلمها
اخوج مابيتحمل اكثر عن جي وبيدور له وحده ثانيه
لمحي لها قولي لها اخوي يحب الحرمه الي ادلعه وتقدر تعبه
وقولي لها اخوي يحليله مامقصر فينا ولافيج لازم اندلعه
ونعطيه هديه او اي شي يقدر تعبه واكيد بيفرح وبيستانس.. يعني عطيها من هالكلام
يمكن الحرمه ماتعرف شي من هالامور علموها وفيدوها انتو
والله يخليهم لبعض يارب

[أم اشجان]

كلميها ولا كلمي حد من خواتها تفهمها ..
لانه ماينفع جذيه واذا بتم ع ها الحاله لا تفكر تييب عيال منه ..
والله الوحده شو تبا غير ريال يحبها ويفهمها .. عيل لو تجوفنا شو انسوي برياييلنا وبعدنا نحس عمارنا مقصرين ما باله اخوج المسكين .. لازم حد يكلمها تراه الولد بيطلع يدور خاري عقب ..
كلميها مافيها شي بس ييبيها بالسياسه يعني لاتعطينها ففي ويهها بتزعل.. والله يهديها وايسر امرهم

[كيم كارداشيان]

خليه يرمس امها او ابوها ... انتي بعد حاولي ترمسينها ... اذا ما نفع زوجووه غيرها بس خليه ياخر موضوع العيال الحين

[ام سمسمة]

للرفع

[كلـي شمـووخ]

مثل هالآشكآل مآ يتغيرووون ..
آنآ آقول يكلمهـآ ويهددهـآ إنه يطلقهـآ ..
وإذآ مآ تآدّبـت يطلقهـآ ،، بعد الصببببر له حدُوود !!

[silent soul]

الله يعينه و يهدي حرمته

[.pure.]

أخوي دوم يطلع وياها دبي يباتون في دبي يومين

نفس الشي نفس الحاله

ودوم يقولها ابا جي وابا جي .. تسكت عنه

يقولها رمسي .. تقوله شو اقول !! ما عرف

يقول شو وبصيحلها عشان تفهمني



بنااااااااات انتوا مستوعبين انه اخوي يراكض لها في عيادات تجميل البشره والشعر واليزر يبا يسنعها


انتوو مستوعبين هالشي ..


اخ يا خوي ربي يصبرك بس ربي يصبرك

[ميميه88]

ليش مايرمسها
ويخبرها اللي خاطره فيه بجيه يكون احسن
دام انه حرمته اهم شي الصراحه مبينهم ليش خاش كل شي بقلبه اذ تقبلت تقبلت ماتقبلت على الاقل حاول

[بنوتة ميونيخ]

والله حبيبتي اذا كانت الحرمه ماتحب ريلها وتحترمه بتسوي نفس هالحركات بس خلي اخوج يهددها ان بيتزوج ثانيه اوحتى يتزوج وشوفيها اذا ماستوت تحب اخوج وتسويله الف حساب وقولي بنوتة ميونخ قالت

[.pure.]

خوآتي كيف يهددهاا .. عادي تخبر اخوانها

أخوي ما يبا مشاكل بين العايلتين

وما يبا يدخل اهلها فالسالفه

صح ما يقربون لنا بس معارف