الخادمة اثيوبية؟

**بائعة الكبريت** · 2010-10-17, 12:32

مرحبا خواتي
صديقتي تبا تييب خادمة اثيوبية فشو تنصحونها يعني شو تطلب تباها حق التنظيف والكوي والغسيل فتبا نصيحة متزوجة احسن او عازباء اي منطقة زينة وشو مواصفاتها اترياكم

المزيد من آخر المواضيع من نفس القسم:

**دبي** · 2010-10-17, 18:27

أنا يبت هنتين من أديس أبابا طلعن مب شي ورديتهن عقب يابتلي راعية المكتب من منطقه ثانيه وقالت هاييل زينيين وفعلا طلعت زينه

**ام وعووودي** · 2010-10-17, 20:44

رررررررررررررفع

**روح من عسجد** · 2010-10-17, 21:25

اي منطقة غير اديس ابابا جايات فعلا يبون يشتغلون ويترزقون الله

اما اللي من العاصمة اديس ابابا اعوذ بالله جاية تتمشى وتغير جو وتاخذ اجازات ولسانها اطول عنها

**بائعة الكبريت** · 2010-10-17, 21:51

المشاركة الأصلية كتبت بواسطة دبي

أنا يبت هنتين من أديس أبابا طلعن مب شي ورديتهن عقب يابتلي راعية المكتب من منطقه ثانيه وقالت هاييل زينيين وفعلا طلعت زينه

ممكن اسم المنطقة

**أم جويرية** · 2010-10-17, 22:06

والله انتي وحظج انا يبت اول خدامة من أديسا بابا ومن كثر ما كانت زينة قامم الكل يايب اثيوبيات من أهلي وأهل زوجي طبعا كلهن طلعو مو شي بس ما كانو من العاصمة ولما سافرت الاولى يبت الثانية من قرية بس اعوذ بالله منها تحرق الاعصاب خلاص حرمت ايب من هالجنسية@والكل بعد حرم ‏

**أصاله** · 2010-10-18, 23:07

شوفي أختي ،،، في عايلتنا تقريبا كلهم جربوا الاثيوبيات

عن نفسي جربت الاثيوبيات ،،، وكانت من اديس ابابا ،،، تشتغل وتكرف وما تتكلم ،،، بس عليها حركات غريبه

وبيت الوالده يابوا ثنتين من القرى ،،، ما يعرف كيف يشغلن الكهرباء ولا كيف يستخدمن الحمام الله يعزكن

نصيحه لوجه الله ،،، إلي تقول لج الاثيوبيات إلي من القرى زينات هاي والسموحه منها ما تعرف شي عن الخدامات

إلي من اديس ابابا عندهم كهرباء ويعرفوا النظافه الشخصية ،،، وحتى في منهم يعرفوا يتكلموا انجليزي

بس يبالج ادورين في المكاتب ،،،،

بس حاولي اتغيري من هذي الجنسية ،،، هـ الجنسية بالذات ما تنفع حقنا

إذا يبتيها مشتغله لسانها طويل ،،، وإذا مب مشتغله بتقعد تتبربر بلغتها وأنتي مب فاهمه هي شو تبا

وغير هذا إلي مب مشتغله تحتاج أقل شي شهرين علشان تتعلم الشغل ،،، أما الطبخ فأغسلي أيدج

يا بتحرق لج الاكل يا بتسويه نص طبخ ،،، وغير المشاكل الثانية

والاثيوبيات بشكل عام النظافه عندهم صفر ،،، يعني حطي في بالج أنه كل شوي بتقولي لها غسلي ايدج وما اعرف شو

من واقع تجربه ،،، يعني عادي تطلع لج من الحمام وتروح تطبخ بدون ما تغسل ايدها

أو تغسل لج الملابس بالصابون والكلوركس والكومفرت وتروح تحط لكم الاكل وغيرها من الاشياء الثانية

وطبعا النظافه الشخصية اغسلي ايدج منها بعد ،،، يعني كل يوم لازم تقولي لها روحي تسبحي

فإذا مصره على الاثيوبيات ،،، نصيحه لا تييبين وحده من القرى

اديس ابابا احسن لج ،،، بس ابعدي عن المشتغلات في لبنان والاردن

يعني ،،، ييبي لج وحده مشتغله في السعوديه ومن اديس ابابا وإن شاء الله بتكون اوكي

**um_muhayeer** · 2010-10-18, 23:31

ليش المشتغلات في الاردن ولبنان وسوريا بلاهم ؟؟؟

**الكاتبة** · 2010-10-19, 01:10

نحن يبنا اثيوبيات بس ما اعرف من وين بالضبط وكل وحدة العن عن الثانية واللي كانت زينة فبداية الاشهر بالاخير وبعدها ما كملت سنة قامت تلاسن وتقول ما ابا اشتغل وما ابا اشتغل انا غضيت النظر عن الاثيوبيات والاندنيسيات

ومرات افكر ما اييب مولية

**alaserah123** · 2010-10-19, 15:21

انتي وحظج في البشاكير احس ما يخصه اذا من مدينه ولا من قريه

اشتغلت عدنا وحده من المدينه وكانت شاله البيت ع راسها وتكرف من الخاطر بس للاسف بعد فتره شردت وكانت تعرف تتكلم انجلش وفنانه في كل شي ونظيفه ... ( مسيحيه )

وحاليا تشتغل عدنا اثيوبيه من قريه ومب مشتغله من قبل وتتكلم عربي وصغيره ودارسه وتقرا جرايد وقران وحبوبه وتحب اليهال والصراحه مرتاحين منها ونظيفه .. (مسلمه) بس عيبها تحب تطالع التلفزيون وتلاعب اليهال خخخخخخ ونحن نخليها على راحتها اذا ما عندها شغل ...

**سوارة** · 2010-10-19, 20:46

شوفي عن تجارب كل العايله

1- اللي تكون من اديس اباابا ودارسه اقل شي الثانويه ومب معرسه هذي تشتغل عدل وتكون ذكيه اهم شي تييبينها صغيره ويديده مب مشتغله مكان وعلميها من اول يوم كل شي ولا تخلينها تخالط اي حد ابد ابد لانه بسرعه يختربن

في هالحاله تكون بيرفكت ما شي احسن عنها

اما لو خليتيها على راحتها بتخورها وعادي تشرد

2-الي تكون ن القريه عادي يايه تشتغل بس غبيه غباااء غير طبيعي بتلوع جبدج لين تتعلم انا عن نفسي ما اتحملهن ابد لانه كم بيلس اعلم؟؟بس يشتغلون عدل

**ام_ابراهيم** · 2010-10-20, 11:11

شوفي
اديس بابا

منطقه مطورة و الشغالات بطرانات الي اتيبينهم من عندهم ؟؟؟
اولا يتشرطون نبا ها ما نبا ها وشايفات اعمارهم >< يقهروووووووووووووون

نحن عندنا من القرى وايد اويك
طيبات وحبوبات وشغولات

انا يبت لي وحده .. و الحمد الله ...
زينه وتنظف وتسمع الكلام

**بائعة الكبريت** · 2010-10-20, 15:22

اشكر كل الي مرن على الموضوع ونصحني والله ييسر الامور ان شاء الله

**عآشقه عيالي** · 2011-04-18, 12:24

أنا غسلت أيدي من الاثيوبيات حطيت عليها اكس اكس اكس

**طشووونه** · 2011-04-18, 13:03

خليها تيبها مشتغله فى لبنااان ولا الاردن وووتكون مب متزوجه واهم شي تتوكل على الله وتعاملها معامله ترىضى ربهاا

الموضوع: الخادمة اثيوبية؟

أدوات الموضوع

عرض

الخادمة اثيوبية؟

المزيد من آخر المواضيع من نفس القسم:

المواضيع المتشابهه

الخادمة

الخادمة...

الخادمة

الخادمة والموبايل!!!!!!!