بيخلص التاسع وماربيت

**miss amal** · 2010-10-12, 19:13

السلام عليكم

بنات الحقوني بيخلص التاسع عقب ثلاث أيام وماربيت ولا فيني عوارض ولادة أبد مأغير أحس بثجل والانقباضات العاديه وماخليت زعتر ولا حلبه وماشربت ومشي أمشي مرات بس مب دوم لأني مشغوله بولدي مأروم أودره دوم والدكتوره قالتلي اشربي خروع بس أنا خايفه منه من كثر ما أسمع انه مب زين ومادري شو أسوي ياربي

المزيد من آخر المواضيع من نفس القسم:

**احلى من العسل** · 2010-10-12, 19:18

امشي كثري من المشي
ولا تنسينا من دعواتج وقت الولاده
الله يسهل عليج ويقولج بالسلامه ان شاء الله
الله يرزقني ويرزق كل وحده تتمنى الذريه بالذريه الصالحه والسليمين المعافين يارب ان شاء الله

**كلي دلع دبي** · 2010-10-12, 19:19

الله يسهل عليج حبوبة و يسهل علينا

**reem hamad** · 2010-10-12, 19:21

الغلا الوضع طلبيعي ..... انتي بس كثري من المشي على رمل البحر .... وان شاء الله يسهل عليج الولادة

**حنان الهاجري** · 2010-10-12, 19:30

عادي فديتج لا تخافين دام نبض الجنين والماي بالمشيمه زين
وايد ناس طوفوا التاسع لا تحاتين
بس كثري من التمر والاستغفار والدعاء وتمشي عالبحر واقري سورة مريم وربي يسهل عليج يا رب

**Elegant@** · 2010-10-12, 19:33

فديتج اتوكلي على ربج
وهو كاتب الساعه والدقيقه اللي بينزل فيهاا
بس كثري من المشي

فديتج زيت الخروع مامنه فايده انا نشف علي البيبي يوم نزل

وزيت الخروع ماينشرب من اهني والطريج ينشرب يوم يمسكج ويع بس
الله يسهل عليج

**الريـم2009** · 2010-10-12, 19:36

الله يسهل علييييييييييييج يارب

كثري من المشي واكلي تمر والتساهيل كلها برب العالمين

**miss amal** · 2010-10-12, 19:54

مشكورين على مروركم حبايبي بس البحر منو يروم يمشي في هالحر هلكت سرت مره وتميت اتحجج أنا فيني حساسيه حمل ذأبحتني من احر اتحجج الله لا يوريكم

**بنت المرحوم** · 2010-10-12, 19:57

الله يسهل عليج ان شاء الله

**ام محمد 9119** · 2010-10-12, 20:06

الله يسهل عليج ويقومج بالسلامه

**miss amal** · 2010-10-12, 20:33

أمييين ربي يسمع منكم أدعولي بنات تعبت صدق مأروم ارقد فليل كل يوم ارق يجيسني وحجه لين الصبح من السابع لين الحين

**الجريحه_555** · 2010-10-12, 21:16

الله يسهل عليج حبيبتي .... عليج بالدعاااء وماء زمزم .... معروف إنه ماء زمزم لما شرب له ..... والله يسهل عليج ولادتج يااااارب وإن شاء الله ما يمر هاليوم إلا إنتي والده يااااارب وعلى أذان الفجر إن شاااء الله (على كيفي خخخخ) المهم بأقرب وقت يااااارب وتفرحين بشوفة ضناج سليم معافى يااااارب ...

اللهم ارزق كل وحدة تتمنى الحمل بالذرية الصالحة عاجلا غير آجل اللهم آمييييييين

اللهم عاملنا برحمتك

وبشر الصابريييين

اللهم إني أحمدك على كل المحامد ما علمت منها وما لم أعلم وأشكرك على كل النعم ما علمت منها وما لم أعلم.

ربي لا تذرني فردا وأنت خير الوارثييييييين

**H@@القلب@@H** · 2010-10-12, 21:19

الله يسهل عليييج..

**miss amal** · 2010-10-12, 21:36

مشكورئيين حبايبي على هالادعية الحلوه أمييئيئين ربي يسمع منكم ياربي

**aldana** · 2010-10-12, 22:59

الله يسهل عليج يأرب

الموضوع: بيخلص التاسع وماربيت

أدوات الموضوع

عرض

بيخلص التاسع وماربيت

المزيد من آخر المواضيع من نفس القسم:

المواضيع المتشابهه

بنات فاتح عندي الرحم 2سم من اربع ايام وماربيت ادعولي

متى بيخلص المعرض؟

خلصت التاسع وماربيت ... ساعدوني...

خطف عالموعد يوم وماربيت؟؟؟؟؟؟؟؟؟؟؟؟