UAEU ولآ ZU ولآ HCT ?!

[LOUSHE]

السلآم عليكم و رحمة الله و بركاته ..
شحالكن خوآتي .. عساكن بخير ..

الغآليآت أنآ الحين ف آخر سنة لي ،، في الثنوية العامة ..
و اتوقع عارفين الوضع كيف و الخبصة الي تستوي بسبة الجامعة و التخصص و الخ ..

حبيت آخذ رآيكن و مشورتكن لآني بتخبل من كثر التفكير ×_× !!

شو الاحسن من بين هالثلاث ؟

من حيث كل شي ..
الشهادة و التدريس و التخصصات المتاحة .. و الانجليزي اهم شي عندي !

جامعة زايد ولا جامعة الامارات ولا كليات التقنية ؟!

وعندي كمن استفسار صغيرون بالنسبة لطالبات زايد و الامارات ..

عندهم مواصلات في زايد للشارجة ولا ؟؟
أنا سمعت انه عندهم لكن الباص ايينيي الساعة 6 و اوصل المغرب وحالة ..
ف يعني ياليت لو تخبروني بشكل مبسط عن النظام فيها و اساليب الدراسة ..

بالنسبة لجامعة الامارات ..

تخصصات الـ IT .. للعلمي بس ؟ ولا يصير للأدبي ؟؟
بشكل خاص تخصص أمن المعلومات !


ووو لبنات التقنية ما عندي سؤال بس ممكن يعني تخبروني أي شي عن التقنية ؟
بمعنى ثآني اقنعوني ادخلها .. لني مب مقتنعة فيهآ مادري ليش >< ..!

سؤآآآل أخيير :$.. شو هي التخصصات المطلوبة حالياً في سوق العمل
بالنسبة للإناث يعني ..!


وو سآمحوني طولت عليكم بالرمسةْ ..
ربي يعطيكم العآفية

المزيد من آخر المواضيع من نفس القسم:

• تنفيذ بحوث لطلاب الجامعه
• استفسار عن جامعه
• استفسار عن جامعات رخيصة
• كلية الأفق جامعية ؟ شو رايكم فيها
• طردوني من كليات تقنية سؤال في مجال أرجع؟
• الجامعة الامريكية في دبي
• علوم البيئة أو التصميم الداخلي (((جامعة...
• بنات جامعة زايد وجامعة الشارقة استفسار
• طالبة وبتخرج .. استفسار ضروري
• Syria

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ماشيه صح]

ذكرتيني بعمري قبل سنة
وانا ان شاءالله الحين بدخل الجامعه ..تخيلي

اول شي جامعة زايد وااااايد قوية وشهادتها معترف فيها ومقبولة في التوظيف ولايعلى عليها
وعندهم مواصلات ..وانا بعد سمعت شرات رمستج انهم يردون المغرب ويظهرون من الصبح
انا هني ماقدر افيدج اتمنى حد يفيدنا ..

والكلية بعد قويه من ناحية التخصص والشهاده والانجليزي بس نظامهم مب شي
تروحين 8 الصبح وتظهرين 4 ومشددين من ناحية دخول وخروج الطلبة هذا من اللي سمعته
من بنت خالتي ورباعتي .. ومن غير ان شهاداتهم دبلوم ..يعني بإختصار نفس جو المدرسة
بالضبط ..اعتقد هالمكان الوحيد اللي مابتحسين فيه انج انتقلتي من الثانوية للشهادة الكبيرة

اما الامارات ..تخصصاتهم واايد حلوة ومطلوبة لكن ماعندي اي معلومات ثانيه
وبخصوص سؤالج هيه يصير للأدبي .. حتى الهندسه تصير ..

انا ان شاءالله بدرس في زايد بإذن الله واتمنى اشوفج هناك لوووول

موفقه يارب

[طموـح]

AUS

[هند سلطان]

للرفع

[شيووم بوظبي]

مرحبا أختي
أنا بعد الحين آخر سنه وكنت محتاره شو أختار..
بصراحه جامعة زايد والتقنية وجامعة الامارات كلهم دراستهم وشهاداتهم قويه
بس خلاص أنا اخترت جامعة زايد بصراحه دراستهم قويه والكل يمدحها وحتى كلية التقنية
نحن قبل اسبوعين ودونا كلية التقنية وسوولنا محاضره ويونا من جامعة زايد والتقنيه والامارات وشرحولنا عن كل مؤسسه دراسيه نريد نروح لها
وبالنسبه لجامعة زايد والتقنية يبدأ الدوام من الساعه 8 لين 5 لطالبات بوظبي ومن 8 لين 3 للي خارج امارة بوظبي
يعني اذا كنتي من الشارجه بتطلعين الساعه 3 عاد لين ماتوصلين يمكن توصلين عالمغرب
وبالنسبه لجامعة الامارات وتخصصات ال IT ماعرف إذا في للأدبي لأن جامعة الامارات قالو للأدبي تخصصات خاصه بهم وللعلمي نفس الشي يعني طالبات الادبي ماعندهم صلاحيه يختارون اي تخصص إلا التخصصات الخاصه بالقسم الادبي بس التقنيه مافي فرق بين العلمي والادبي بالنسبه للتوظيف خريجات التقنية لهم الاولويه في التوظيف ويتوظفون أسرع من غيرهم حسب ماقالت لنا الدكتوره إللي كانت تسوي المحاضره وطبعا حتى زايد والامارات بس التقنيه يتوظفون اسرع
انتي استخيري وتوكلي على ربج
أنا سجلت في طلب الالتحاق الالكتروني وعبيت بياناتي وحطيت الخيار الاول جامعة زايد والخيار الثاني التقنية والله اييب إللي في الخير
وعلى فكره إذا إنتي محتاره بين زايد والتقنية حطي خيارج الاول زايد وخيارج الثاني التقنيه
لأن إللي يتنا من جامعة زايد قالت إذا تبون تدخلون زايد خلوها خياركم الاول لا تخلونها الخيار الثاني

[فجر العين]

هلا والله بصراحة انا خريجة من الكلية دبلوم و ألحين أكمل فيها باكلوريوس و من السنة الياية يعني على طول بدشين بكالوريوس ما في شيء اسمه الدبلوم و بصراحة شهادة الكلية واايد قوية و يوم بتتخرجين بيكون عندج خبره كبير في المجال الي بدشينه و من هل السنة الكلية ماسكة بعض المواد في جامعة الامارات و بصراحة كان عندي تجربة فاشلة مع بنات من الجامعة ادربت وياهم لدرجة ان الشركة اتصلت في المسؤلة و قالت لها انهم ما يعرفون شيء ما عندهم خبره و صح في أول السنة الي هو الأساسي يكون الدوام طويييل بس كله بريكات و أحلى شيء الرحلات عندهم بس من تدين التخصص الدوام وااايد قصير يعني انا يوم اتخصصت كنت أخلص الساعة 12

أما بالنسبة للتخصص شوفي انتي وين ميولج و إذا IT بصراحة شيء وااااايد روعة لأني ادرسه و اخترت التخصص لأني أحب اني أعابل في الكمبيوتر و بعدين وراج سنة لحد ما تعرفين شو تختارين

ادري طولت عليج و إذا عندج أي استفسار أنا موجودة

[ابتسامة قمر]

تبين نصيحتي

دشي الكلية
والله وايد اوكيييه


يعني مثلـآ ربيعاتي اللي درسن في زايد
يقولون شرات المدرسة حفظ وكويزات ولوعة جبد

بس تعالي الكلية
كللللللللللللله بروجكتات واشياء عملية وجيه
والصرآحة
الكلية احسن بوآيد
يمكن اول ايام بتمين محتارة وجيه
بس اخرتهاا بتشوفين قرارج كان صح

صلي استخارة واتوكلي ع الله

ودوام الكلية مب شرات اول
لااتألفون من عندكم
الحين ع حسب الجدول
فالغالب انخلص 3 وعشرين

لانه 3 ونص اييون قوم المسائي
فقوم الصباحي لازم يخلصون قبلهم وجيه
والامور طيبة


الله يوفقج

[miss andoomy]

مي توو اخر سنه ف الثانوية ... و انشالله بدش جامعة زايد تخصص art

[LOUSHE]

ذكرتيني بعمري قبل سنة
وانا ان شاءالله الحين بدخل الجامعه ..تخيلي

اول شي جامعة زايد وااااايد قوية وشهادتها معترف فيها ومقبولة في التوظيف ولايعلى عليها
وعندهم مواصلات ..وانا بعد سمعت شرات رمستج انهم يردون المغرب ويظهرون من الصبح
انا هني ماقدر افيدج اتمنى حد يفيدنا ..

والكلية بعد قويه من ناحية التخصص والشهاده والانجليزي بس نظامهم مب شي
تروحين 8 الصبح وتظهرين 4 ومشددين من ناحية دخول وخروج الطلبة هذا من اللي سمعته
من بنت خالتي ورباعتي .. ومن غير ان شهاداتهم دبلوم ..يعني بإختصار نفس جو المدرسة
بالضبط ..اعتقد هالمكان الوحيد اللي مابتحسين فيه انج انتقلتي من الثانوية للشهادة الكبيرة

اما الامارات ..تخصصاتهم واايد حلوة ومطلوبة لكن ماعندي اي معلومات ثانيه
وبخصوص سؤالج هيه يصير للأدبي .. حتى الهندسه تصير ..

انا ان شاءالله بدرس في زايد بإذن الله واتمنى اشوفج هناك لوووول

موفقه يارب

أنا بخاطري اسير زايد لكن سالفة الدوام لين المغرب هي الي بتعبني ×_× ..

وعن التقنية سمعت انهم يطبقون عملي اكثر من الحفظ .. الله اعلم !!

ان شاء الله لو سرت نتلاقى ^_^ .. تسلمين الغلا .. و بالتوفيج للكل ..

[LOUSHE]

AUS

منقووود عندنا يختي .. خلط هناااك .. هههه ولا جان سرت لها ..

[سوارة]

اللهمــ لك الحمد كما ينبغي لجلال وجهكـ وعظيم سلطانك،،

[LOUSHE]

مرحبا أختي
أنا بعد الحين آخر سنه وكنت محتاره شو أختار..
بصراحه جامعة زايد والتقنية وجامعة الامارات كلهم دراستهم وشهاداتهم قويه
بس خلاص أنا اخترت جامعة زايد بصراحه دراستهم قويه والكل يمدحها وحتى كلية التقنية
نحن قبل اسبوعين ودونا كلية التقنية وسوولنا محاضره ويونا من جامعة زايد والتقنيه والامارات وشرحولنا عن كل مؤسسه دراسيه نريد نروح لها
وبالنسبه لجامعة زايد والتقنية يبدأ الدوام من الساعه 8 لين 5 لطالبات بوظبي ومن 8 لين 3 للي خارج امارة بوظبي
يعني اذا كنتي من الشارجه بتطلعين الساعه 3 عاد لين ماتوصلين يمكن توصلين عالمغرب
وبالنسبه لجامعة الامارات وتخصصات ال IT ماعرف إذا في للأدبي لأن جامعة الامارات قالو للأدبي تخصصات خاصه بهم وللعلمي نفس الشي يعني طالبات الادبي ماعندهم صلاحيه يختارون اي تخصص إلا التخصصات الخاصه بالقسم الادبي بس التقنيه مافي فرق بين العلمي والادبي بالنسبه للتوظيف خريجات التقنية لهم الاولويه في التوظيف ويتوظفون أسرع من غيرهم حسب ماقالت لنا الدكتوره إللي كانت تسوي المحاضره وطبعا حتى زايد والامارات بس التقنيه يتوظفون اسرع
انتي استخيري وتوكلي على ربج
أنا سجلت في طلب الالتحاق الالكتروني وعبيت بياناتي وحطيت الخيار الاول جامعة زايد والخيار الثاني التقنية والله اييب إللي في الخير
وعلى فكره إذا إنتي محتاره بين زايد والتقنية حطي خيارج الاول زايد وخيارج الثاني التقنيه
لأن إللي يتنا من جامعة زايد قالت إذا تبون تدخلون زايد خلوها خياركم الاول لا تخلونها الخيار الثاني

هاي مشكلة الامارات ، انها تفرق بين الادبي و العلمي >< ..
مب شرات زايد و التقنية ..
الله يسهل علينا بس ..
عموما أنا حطيت في الطلب انه خياري الاول زايد ..
و اليوم سجلت للامتحان

مممم الغالية بغيت اسالج لو تعرفين ..
انا سمعت انه في امتحان نمتحنه في زايد حق القبول ؟؟
صدق هالكلام ؟؟

وو تسلمييين =)

[LOUSHE]

هلا والله بصراحة انا خريجة من الكلية دبلوم و ألحين أكمل فيها باكلوريوس و من السنة الياية يعني على طول بدشين بكالوريوس ما في شيء اسمه الدبلوم و بصراحة شهادة الكلية واايد قوية و يوم بتتخرجين بيكون عندج خبره كبير في المجال الي بدشينه و من هل السنة الكلية ماسكة بعض المواد في جامعة الامارات و بصراحة كان عندي تجربة فاشلة مع بنات من الجامعة ادربت وياهم لدرجة ان الشركة اتصلت في المسؤلة و قالت لها انهم ما يعرفون شيء ما عندهم خبره و صح في أول السنة الي هو الأساسي يكون الدوام طويييل بس كله بريكات و أحلى شيء الرحلات عندهم بس من تدين التخصص الدوام وااايد قصير يعني انا يوم اتخصصت كنت أخلص الساعة 12

أما بالنسبة للتخصص شوفي انتي وين ميولج و إذا IT بصراحة شيء وااااايد روعة لأني ادرسه و اخترت التخصص لأني أحب اني أعابل في الكمبيوتر و بعدين وراج سنة لحد ما تعرفين شو تختارين

ادري طولت عليج و إذا عندج أي استفسار أنا موجودة

أهليين ^^ ..
مممم نحن خبرونا لو عندنا أيلتس و ICDL و اجتزنا امتحان التحدي للرياضيات في التقنية ..
رح نعدي سنة الفاونديشن و ندخل علطوول على البكالوريس

تصدقين حمستيينييي أدخل التقنية .. وذكرتيني فرحلاتهم الي نسمع عنهآآ ..
بستخيير و بتوكل على الله و بشوف آخرتهآ XD

تسلمين الغلآآ .. ربي يعطيج العافية ^^

[LOUSHE]

تبين نصيحتي

دشي الكلية
والله وايد اوكيييه


يعني مثلـآ ربيعاتي اللي درسن في زايد
يقولون شرات المدرسة حفظ وكويزات ولوعة جبد

بس تعالي الكلية
كللللللللللللله بروجكتات واشياء عملية وجيه
والصرآحة
الكلية احسن بوآيد
يمكن اول ايام بتمين محتارة وجيه
بس اخرتهاا بتشوفين قرارج كان صح

صلي استخارة واتوكلي ع الله

ودوام الكلية مب شرات اول
لااتألفون من عندكم
الحين ع حسب الجدول
فالغالب انخلص 3 وعشرين

لانه 3 ونص اييون قوم المسائي
فقوم الصباحي لازم يخلصون قبلهم وجيه
والامور طيبة


الله يوفقج

ياحبييي للبروجكتات أحلى شي عندي العملي .. !!!

هههه شكلي بهون عن زايد و بيييكم التقنية xD !!! ..

دعواتج تتسهل امورنا و نخلص ..

و بالتوفيج لليميع

[LOUSHE]

مي توو اخر سنه ف الثانوية ... و انشالله بدش جامعة زايد تخصص art

ثآني تخصص حاطتنه ف بالي .. D= ! ..

ربي يسهل علينآآ و يوفقنآآ ..