متى نعلم اطفالنا استخدام الحمام لقضاء الحاجة ؟

**ملكة الاحاسيس** · 2010-10-11, 22:33

الموضوع للنقاش والاستفادة

المزيد من آخر المواضيع من نفس القسم:

**Um_Khawla** · 2010-10-11, 23:47

ما ادري .. بس من يفهم الياهل .. خلاص يدخل الحمام ..

**بابايا** · 2010-10-12, 06:57

بالنسبه للولد عندي كتاب مكتوب فيه من السنه ونص نبدا انعلمه لان الجهاز العصبي يكون مكتمل ويقدر يمسك نفسه

**كنه الشامسي** · 2010-10-12, 08:25

على حيب طبيعة الياهل ..............
في من سنه يسيرون الحمام

**حواري 09** · 2010-10-12, 15:32

انا من خبرتي ويا عيالي والحضانه اللي اشرف عليهااا
انه الياهل من يكمل سنتين يبدا يتعود علي الحمام ويوم يكمل تقريبا ٢ وثلاث
شهور او اربع يكون خلاص تعلم
واكبر غلط انج تجبرينه او تعاقبينه بالعكس شجعيه ولو وسخ علي عمره
نبيه انه غلط ولازم تشدين ويااه اذا حسيتي انه يعاند

**ملكة الاحاسيس** · 2010-10-13, 00:07

كلامج حواري معقول بس البقيه سمـحو لي ابغي تجارب شخصيه

والي قالت الولد يتحكم صراحه ولـدج خارق عن العاده

**@أحلى فرفورة@** · 2010-10-13, 00:57

انا بصراحه احس الياهل عقب السنتين ونص يبدأ يتعلم وبيتعود اما سنه سنه ونص لا حشى ماصدفوني عيال من سنه يسيرون الحمام بروحهم والله يعينا ع تربيه عيالنا التربيه الصالحه

**اللوووتس** · 2010-10-13, 08:53

بالنسبه من خبرتي ويا عيالي احس انهم من بعد السنتين لين سنتين ونص يكون الياهل تعلم ويروح بروحه

وسلامتكم

**جرح وحداوي** · 2010-10-13, 08:59

عيبتني كلمة خاارق الله يحفظهم انا طبعا مب متزوجة بس من خبرة عيال خواتي والله على حسب يعني ابصراحة اختي اللي اداوم تعودهم من تقريبا سنتين بس اختي اللي يالية فلبيت اتعودهم من سنه سنه ونص تقريبا وهي فكلا الحالات يباالها صبر صبر صبر لان على حسب الياهل في بعضهم بسرعة يتعودون وعليه وبعضهم لا والله ايتمون من سنه يتعلمون لين مايستي عمرهم سنتين وهم بعدهم مب متحكمين
علعمومموضوع حلو للنقاش وبالتوفيق

**عيون الغلآ** · 2010-10-15, 21:49

انا بصراحه احس الياهل عقب السنتين ونص احسن لانه يقدر يتحكم بعمرة يوم يسوية.........

**فطومه الحلوه** · 2010-10-15, 22:47

انا‏ ‏ولدي‏ ‏عمره‏ ‏سنتين‏ ‏ونص‏ ‏علمته‏ ‏والحمدلله‏ ‏تعلمم‏ ‏علىطول‏ ‏لان‏ ‏كان‏ ‏يقدر‏ ‏يمسك‏ ‏عمره

**ملكة الاحاسيس** · 2010-10-15, 23:57

الاغلبيه اجمعت عالسنتين وسنتين ونص

طيب بارك الله فيكم هالسن يفهمون انه نرمسهم ونكلمهم لكن سنة ونص ؟!! كيف يفهم صعبه

طيب كل وحدة تعطينا الخطوات وكيف مرّنت الطفل وكيف علمته وفي بداياته هل كانت تحصل مواقف له؟

**ارجوانيه** · 2010-10-16, 16:29

انا ما احب اتعب نفسي واركض وراء الياهل
ويكون عندي استعداد انظف وراه ان وصخ

وما عندي صبر لها الاموور ابداا واكره الكرسي حق الياهل مال الوصخ ماعمري اشتريته كرهته من اخوي
علشان كذيه سوي هالحركه وايد نفعت مع عيالي بس لا تضحكين

اول شي اتريت بنوتي لين وصلت سنتيين واربع شهور و
قمت كل ما ابي اسير الحمام اسير ازقرها واسوي حركات تضحك عسب تضحك واخليها تزفني للحمام واخليها تشوفني وساعات امثل بس

المهم خليت السالفه ضحك ولعب
وعقب يومين بس مالبستها بامبرز وقلتلها سيري الحمام اذا في يع مثل ماما ويوم حست انها تبي الحمام استانست وراحت تزقرني عسب اسويلها زفه والحمدلله عمرها ما وصخت حتى في الليل ما لبستها بس يوم اسير برع البسها لين بدت من نفسها يوم نطلع برع وتبي الحمام تزقرني وما ترضى تسويها بالبامبرز بدت تتقزز منه
اطمنيت وصرت اطلعها برع بدونه
واخوها نفس السالفه ربي رحمني فيهم

وان شالله اللي وراهم نفس الموضوع
ونصيحتي لا تضغطين عليها وعلى عمرج اتريي لين تحسين تانها تفهم عليج على طوول بتعرفين الوقت المناسب جاء
اما برع منعاا للاحراج خليها هي تبدأ نفس بنوتي

وتحياتي لج

**ملكة الاحاسيس** · 2010-10-16, 16:56

هههههههههههه حلوة الطريقة مالتج

زين يعني سنتين ونص يفهمون اكثر ؟ لن بنتي سنة 7 شهور ماظن تفهم وفكرت بالكرسي بس ماعرف بتقبله او لا

**عاشقة حبيبي** · 2010-10-16, 17:00

والله ما أدري ...

أنا أختي عمرها سنتين ونص وبعدها ع بامبرز ...

الموضوع: متى نعلم اطفالنا استخدام الحمام لقضاء الحاجة ؟

أدوات الموضوع

عرض

متى نعلم اطفالنا استخدام الحمام لقضاء الحاجة ؟

المزيد من آخر المواضيع من نفس القسم:

المواضيع المتشابهه

صلاة الحاجة لقضاء الأمور (تم وضع الفتوى من قبل المشرفه)

كيف نعلم اطفالنا الثقه بالنفس