عورت قلبي

**حلوه العين** · 2010-10-06, 20:56

السلام عليكم ياجماعة ...
ابا اخبركم قصة ................وحده أعرفها ..............

من تزوجت وهي تتمنى تحمل .... وكل ماتاخرت الدورة عنها شهر ...سوت تست ... ويظهر لها مافي حمل .... وظلت على هالحال حتى رزقها رب العالمين بالحمل ...
ومن اول شهر صارعندها نزيف سارت عند الدكتوره وقالت لها عادي ... وعطتها حبوب تثبيت ....
والحمدالله عدى شهر ... ودخل رمضان وعيدنا ووصار لها 3 شهور ومستانسه .......

لين يا موعدها عند الدكتوره ياحليلها ...وفحصتها وكل شي والحمدالل طمنها ع البيبي وكل شي
وسبحان الله هاليوم انا كنت بالمستشفى ولدي مريض عنده حمى ....وتقابلنا هناك وسلمت عليها وسارت بيتها .........
ع اليوم الثاني فالليل كنت عند أهلي وشوي الا عرفت انها بالمستشفى مريضه ....
مادري نغزني قلبي ...وحسيت بشي انها بتجهض ...........
اتصلت ع ريلي وخليت عيالي عنده وسرت المستشفى ...واول ماوصلت شفت الاهل هناك ، وهي تتقلب يسار يمين وتتعور ....
من شفتها قلت هاي بتربي وهي ياحليها حاسه بس ماتبى ... تتأكد من هالشي

وخاصة ان الدكتوره شيكت عليها الدكتورة وقالت أوكي ,بس هم ماعارفين سبب النزيف ....
وشوي بعد ماسلمت عليها قامت تتقلب تحس العوار ( الحيسه ) ، وبكت واتصلوا ع الدكتوره وبعد 10 دقايق يات وع طول ودوها غرفة التخطيط ..أهلها زاغوا وشكوا بالموضوع ...
ومن دخلوها وسكروا عليها الباب .... استلموا الدكتوره وسالوها ... شالسالفة من ساعة قلتي كل شي بخير والحين دخلتوها غرفة التخطيط ...شو الموضوع قالت .... خلاص اجهضت الجنين طاح ع السرير والحين نحن بنسوي لها تنظيف ....

كانت كالصاعقة بالنسبة لهم ... بس سبحان الله كانوا صابرين ومحتسبين والله الحمد ماصارخوا وقالوا ليش ،،، ولاهبوا ع الدكتوره ... انتي قلتي وقلتي والحين شوا .... الامر امر رب العالمين ....

وريلها ياحليله مافارقها دقيقة لما عرف ان ولده راح ... صاح ... غمضني .... وترياها عند باب غرفة العمليات لين يخلصون العملية ربع ساعة وكان تطلع النيرس ... تخيلوا ياجماعة ,,, يتريون عند باب غرفة العمليات يتريونها ومن شافوا نيرس طلعت سالوها ... لين ظهرت هالنيرس وبيدها نفس الطاسة معدن .... اكيد عرفتوا شوا فيها .... كان فيها ولدهم اللي طاح شفته.... سبحان الله سبحان الله .....

جنين كامل مكتمل أول مره اجوف جي .............ز صغي قد الاصبع وفيه راس وعيون ورجلين وايدين .....كان صغير ....... ابوه ماستحمل تم يطاعه وهو مستغرب .... وابوا الريال يهدي ولده...
وخذوه بعيد .... وشوي وظهرت الحرمة سلمت عليها .... وسرت ودعيت الله يعوضا يارب ....

الحين ياجماعة ادق عليها مغلق ... حالتها النفسيه تعبانه واااااايد ....شو اسوي عسب اخفف عليها تعرفوا نحن أمهات حاسين بها وخاصة اللي تجهض وقلبها ع الجنين ... صعب وايد صعب

نبا نخفف عليها ونواسيها وبعد ابا اعرف شو انسوي حقها يعني تشرب السفوف واللهوم نفس اللي اولدو ........... ولا كيف .

ويزاكم الله خير .............

الموضوع: عورت قلبي

أدوات الموضوع

عرض

مشاهدة المواضيع

عورت قلبي

المزيد من آخر المواضيع من نفس القسم:

المواضيع المتشابهه

رسالة عورت قلبي