.... مشكلت الحمياااات اللي مايبون الخير لحرمة اخوهم ولا يبون اخوهم يكون مرتاح

**Bent%Albdwan** · 2010-10-06, 19:46

[CENTER]

مساء الخير ...

اشحالكم ؟؟؟؟

عندي مشكله وانشالله تنحل ......

انا متزوجه من سنه وخمس شهور .. زوجي اكبر عني 12 سنه بس متفاهمين ولما اصير مشكل احس ان يعاملني كأني بنته ...بس المشكله مشكلت خواته كنت وياهم زينه واحترمهم بس من عرس اخوهم اتغيرو عليه مثل اللي يقهروني انهم يحبونها بس عادي عندي اهم شي اني انا مااتغير .... حاولت اني اخلي نفسي عادي بس لما نقعد مع بعض ييلسون يتمدحونها .. وانا اللي اجتل عمري واطبخلهم واشتريلهم هدايا ماجت امدحوني لامن ورايه ولا جدام ريلي بس هي ليش مدحونها ماعرف ... بس انا ماابي شي اهم شي انكون مثل الخوات ومافي وحده اتغار من الثانيه لاني احسبه مرض بس المهم ... انا مشيت اسالفه وستهبل وسوي عمري جني مب حاسه ابأي شي وبأي حركه المهم جوفو شو صار رايحين امطلعين عليه رمسه اني انا ارمس من وراهم واعيب عليهم والله ماجد رمست عنهم حتى جدام خواتي ولا سايرين قايلين حق عمي وحق حميي اوكي المهم استوى خلاف بين عمي وحميي وريلي .. بس ريلي داف عني لان يعرفني ويعرف طبعي ويعرف طبع خواته المهم قام ريلي وضابهم بس هم ماتابو قامو يضاربوني حتى وانا اسولف وياهم صرت مااقدر اتكلم ولا اقول شي لانهم يحاسبوني على السوالف اللي اسولفها وياهم المهم ... سكت عنهم وقمت اطنش بس والله اني انجرح بس هم مب حاسين .. قلت حق ريلي يبلي شغاله المهم ماقصر يابلي الشغاله وعلمتها اشغل كيف المهم يوم اتعلمت تطبخ خليتها تخدم قوم عمتي في كل شي لاني انا ساكنه وياهم في نفس البيت .... المهم في مره كنت مريض وزقرت الشغاله عشان اساعدني اني اسوي اسويت لريلي لاني كنت وايد اعاطس المهم يت حميتي اضاربني والله انتي ليش ماتخلين الشغاله تخدمنا وانتي متفيجه اتسوين اسوي وانتي .... وتمت اتسبني المهم سكت عنها لان اصلا شغالتي اربع وعشير ساعه عندهم سويتلها طاف وماخليتها تسير عندها لانها ماتستاهل .. ولا مب جي لو هي يت وقالتلي افلانه لوسمحتي ابي اشغاله والله بعطيها كم يسوى الحترام .... طنشتها .... قمت اعاملهم عكس مايعاملوني بس عشان عمتي اطيبه وعمي وريلي .... بس المشكله الكبيره ان هم اللي يضاربوني ويزعلون مني كيف جي المفروض انا اللي ازعل .... بس ابيهم يردون يعاملوني بالزين شو اسوي كل الاساليب اتبعتها .... لدرجه يوم ايي من بيت اهلي والله مايسلمون عليه حتى لو من بعيد جنه السلام بفلووووووس ......... والحين ريلي قرر ان نحن عقب سنه نطلع من البيت ونبني ..... بس مثل ماتعرفون الريال يحب ان زوجته تكون زينه ويا اهله ... بس انا مب عارفه كيف اكسبهم سااااااااااااااعدوني عشان ريلي بس .....

ابي نصايح من اللي مجربين ويعرفون يتصرفون ياهانوع ......

المزيد من آخر المواضيع من نفس القسم:

**الحمدالله1** · 2010-10-06, 19:58

تقريبا مثلي .. صرت ماحتك فيهم واقعد في قسمي

وخواته يوم اين ماسير صوب عمتي ..

وانتي بحالج ويوووصلج الشرااااار

**الدبه** · 2010-10-06, 20:12

الله يعينج اختي ع مابلاج ..احسن حل التطنيش

**مـــــريم** · 2010-10-06, 20:32

والله الخير عندج وعدنا...نصيحتي للكل: روح ابعيد وارجع سالم

**نسايم روح** · 2010-10-06, 20:38

انا جذي كل يسون لي مشاكل بس الحلو ان طلعني في شقه وبعيده عنهم وااااااايد تقريبا 3 ساعات وكل اتعذر بالطريج والحمدلله انا مرتاحه الحين

**قطعة رهــش** · 2010-10-06, 20:51

مأجوووورره يا قلبي واصبري وصدقيني مصيرهم بيعرفون قيمتج وبيرجعون لج مثل اول واحسن ..

ونفس ما قلتي لو هم شو ما سوو انتي بتمين تحترمينهم مب عشانهم بس لأنج انتي محترمه وطلعتي من بيت محترم وعشان احترامج لهم من احترام ريلج ..

وصبرن جميلا والله المستعان .. والله لا يغير زوجج عليج ويسعدكم دنيا واخره ..

سبحان الله وبحمده سبحان الله العظيم

**قطعة رهــش** · 2010-10-06, 21:21

اب للأفاااده

**سوارة** · 2010-10-06, 21:22

يزاج الله كل خير

**@@اليتيمة @@** · 2010-10-06, 22:06

اختي الغاليه صبر جميل والله المستعان مالج الا الصبر وكثري من الاستغفار والله ينولج اللي فبالج
انا مثلج ومضاااااايجة وايد من تصرفاتهم مع انهن كبااااااار اكبر عن ريليه بس اتقولين جنهن صغار
يغارن ويقلدنج عيني عينك بعد بس الحمدلله قريب بنظهر بيت بروحنا وبنرتاح وااااااايد طولت بالي وصبرت مرت فقسمي ويوم اتملل اروح بيت الوالدة وعند اخواني والحمدلله الايام مرت وربي استجاب دعواتي وشاف صبري
الله ينولج اللي فبالج بس اصبري

**تسونامي** · 2010-10-06, 22:17

مشاء الل انزين عقب سنه بتكونيين حره احمدي ربج حلو والله

تحملي ماباقي شي الايام تمر ساعات اكسبيهم انتي ما بتطولين عندهم

**ملاك 2020** · 2010-10-06, 22:20

اللة يعيينج واللة انا الحمدللة انا وحميتى سمن على عسل اللة يخليها لاهلها يووم اكوون محتاجتنها ما تقصر وباى موول شرات الخوات واكثر

**مسايل55** · 2010-10-06, 22:23

والله انت ما قصرتي ورايتج بيضا ... تدرين كنت اعرف وحده تقريبا مثلج تشتري حك حمياتا هدايا وجيه ويوم اخوهم الثاني عرس يعاملونها كأنها اميرة وهي لا وبعدين عرفت السر تدرين شو اونه لآنها انسانه مهتمه بعمرها كيف عاد اونه تتلبس وتتعدل والساعات التلبسها ماركات وما تشتري الا من الغالي عشان جيه يحترمونها وهاذيك مشااااكل لين ما طلعت بيت بروحها .... اطلعي بيت بروحج احسن لج

**oأم خلووفـهo** · 2010-10-06, 22:32

المشاركة الأصلية كتبت بواسطة قطعة رهــش

مأجوووورره يا قلبي واصبري وصدقيني مصيرهم بيعرفون قيمتج وبيرجعون لج مثل اول واحسن ..

ونفس ما قلتي لو هم شو ما سوو انتي بتمين تحترمينهم مب عشانهم بس لأنج انتي محترمه وطلعتي من بيت محترم وعشان احترامج لهم من احترام ريلج ..

وصبرن جميلا والله المستعان .. والله لا يغير زوجج عليج ويسعدكم دنيا واخره ..

سبحان الله وبحمده سبحان الله العظيم

**Bent%Albdwan** · 2010-10-06, 22:33

ههههههههههه
ونااااااااااااسه ريحتووووووني ابكلامكم ......

... بس اصدقون الجاااااااااارح عادي عنده كأنه مب امسوي شي بس المجروح الله يكون في عونه .....

بس مع الايام بيبين الزين من الشين

**همس البحوور** · 2010-10-07, 07:59

لوتقدرون اطلعوا لوبالايجاريكون أحسن ولوعند أهلج مكان إذارضا زوجج اسكنوا عندهم لين تتيسر الأموربس المهم تسيرون بعيد لأن هاذي غيرة حريم وحسد وحقد متجمع فيهن فلا تنتظرين المزيد مثل ماقالوا روح بعيد وتعال سالم

الموضوع: .... مشكلت الحمياااات اللي مايبون الخير لحرمة اخوهم ولا يبون اخوهم يكون مرتاح

أدوات الموضوع

عرض

.... مشكلت الحمياااات اللي مايبون الخير لحرمة اخوهم ولا يبون اخوهم يكون مرتاح

المزيد من آخر المواضيع من نفس القسم:

المواضيع المتشابهه

اللي تعرف عياده او دكتوره لحرمة اخوي