( رْيلي و آنـــآ‘ ) وآ‘لمسن . . ♥

[eMo0o G!rL]

السلآم عليكم ورحمه الله وبركاته ...
آخباركم سيسآت /
... ♥

آنا آربيعتي راعيه هالنك نيم ... وحبيت آقولكم قصتي ولاول مره آعترف فيها من أربع سنين ... تضحك بس بعد فيها
مغزا ويمكن تقولون ان كيدهن عظيم ... بتقبل ردودكم مهما كانت لنه كل انسان له راي وانا احترم راي اي انسان
بوزتف ولا نقتف . . .
... ♥
مابطو و و و و ول عليكم ببدي !!!.

آنا عمري 20 وصارلي متزوجه من سنتين وريلي عمره 26 شخص آحبه أقل شي آقوله وهوا مب يحبني يعشقني والحمد
الله ... تعرفنا على بعض بالصدفه وكل واحد منا له شخصيه قويه ... وفكاهيه ... واجتماعيه وأنا وايد محبوبه من اهلي
واهوا مثلي . . . بتقولون وين القصه ألحين ببدأ بس كنت بقولكم نبذه عن ممثلين القصه لووووول داخله في الدور \ . . .
... ♥
ستـــــــــــــآرت:

ريلي من محبين المسن والنت ولا حظت هذا الشي من بدايه علاقتنا وكل انسان فيه عيب بس مايخليني هالشي
أتغاظا عن عيبه ولا أني انساء كل شي حلو فيه .... وانا بعد احب النت والمسن بس مو مثله يعني ... بدايه علاقتي فيه
كنت آضايق وارمسه يخفف ومن هالقبيل واهوا كان يقولي انشاء الله بس على حساب حياته حسيت ا ني غلطت
بهالشي ...... المهم قلت شغلي عقلج دام انه عندي ايميل ظيفيه عندج ... وظفته وصرت انا كل وقته يكلمني كل
وقت هذي في فتره الملجه طبعا ... اوكي ملجتنا طولت واهني اهوا عرف بالصدفه اني كنت مع علاقه سابقه مع بويه
كانت تحبني لما كان عمري 16 سنه والبويه اكبر عني اب10 سنوات بس انا ماحبيت علاقتها لما جفتها تمادت
وودرتها وحاولت قد ماتقدر ترد العلاقه بس انا من صوبي كنت اعرف انه هالشي غلط ونهيت علاقتي فيها ... المهم
انا كنت صريحه معاه وواضحه وقامت تصير تجات خفيفه معاه مب بسبب هالموضوع بسبب انه وايد يغار علي
ويخاف علي وانا كنت اتفهم هالشي بس ماحب انه يمشي كل شي بكيفه بدون لانتناقش من بدايه الموضوع يا انا
غلطانه واعتذر ولا اهوا غلطان ويعتذر ...
... ♥
المهم يتني فكره بيوم اسوي ايميل باسم البويه وسويتها لووول ...
وسويتله اظافه من ايميل ثاني وامتحنت شخصيه البويه معاه يلي كانت تحبني ... اهوا حس انه ياه الفرج اول
بدايه كان وايد جاف معاي (البويه) وكان مايكلمني ويغلط علي بس بعدين كل يوم زادت ثقته فيني (البويه) وقام
يكلمني على اساس اني ولد مثله وانسولف خذته بالسياسه والين وصار معاي واييد قو ... وهو اصلن كان يكرها كره
العماء ويسبها ... بتقولون ليش سويتي جذيه اتريوا بكمل القصه ... ودامت علاقتهم 3 سنوات يكلم البويه على
المسن .... بتقولين شو استفدتي الحين بخبركم شو استفدت لما كان يزعلني كان يروح غرفه ثانيه وعلى طول يحدر
المسن وانا اكون بالغرفه واحدر بسرعه ماعرف ليش ... ويكلمني (البويه)... اهليبه وارحببه وهو يرحبي ومن
هالسوالف على اساس ماعرف شو فيه ... وعقب اقوله يافلان شو فيك مب من عوايدك ترمس جذيه اقوله شو فيك
يقولي ماشي اقوله افا انا اخوك اتكلم يقولي ماشي اقوله افا بينا عشره وماتهون عليه اتم ضايج .. يقولي انا زعلت
مرتي اليوم ووايد ضايج ماكنت ابغي ازعلها ويفضفض لي وانا اسمعه عاد اهني وين تحصليني ادموعي اربع اربع
لووووووول ... اقوله خبرني شو السالفه بس ارمس بصدق ويخبرني اقوله افا عليك انا موجود وتزعل ... وانصحه
واقوله انت غلطان سير راضها ومهما كان هذي مرتك وام عيالك ومن هالسوالف واطيب خاطره واقوله تراها تحبك
ولو ماتحبك ماهدت كل الناس عشانك سير راضها وخذ بخاطرها ويترخص منه وايبند لوووووووول
واييني ركض يكلمني ويراضيني .... ولليوم انا واهوا على هالقصه لووووول ... وعرفت سوالف وايد عنه وكل يوم
اكتشف سوالف عنه والحمد الله اشياء زينه واشياء كنت انا ظالمتنه فيها .. واستفدت من هالشي وايد ااشياء ...
1) يوم يعصب ما يطلع برع البيت ...
2) حصل احد يفضفضله ويوجه غلطه ...
3) مايدوم زعلنا اكثر عن ربع ساعه ...
4) صرت اتاكد كل يوم اشكثر يحبني ...
5) عرفت شو يحب وشو يكره وشو يلي يجامل فيه ... لني استويت صديقه فيكلمني بعفويه ...
6) عرفت وين نقط ضعفه ...
7) احس شي اكشن بحياتنا ...
8) اعرف منو يكلم على المسن وطبعا عندي الباس ماله واحدر واجيك ...
9) صارت حياتنا طبيعيه اكثر وبدون مشاكل ...

... ♥
واهم شي عرفته ان الريال تفكيره وعقله غير عن البنت ومهما كنتي قريبه منه داخله اشياء صعب يكشفها فديته ياربي ...

على العموم هذي قصتي قصدي نبذه عن حياتي لوووول لنه حياتي كلها اكشنات واول مره اعترف بهذا الشي حتى اقرب الناس لي مايعرفون .... يعني ايمو انتي اول من بيعرف بالسالفه لوووول حبيبتي انتي

شي ظرروري انا نسيت اخبركم عنه في قصتي انه اهوا مايكلمها كل يوم بس لما انا واهوا نتهاوش ... وثانيا اي مشكله تصادفه على طول يشكيها لي انااا ...
ولاتخافون علي قد هذا الشي يلي اسويه المهم اني مرتاحه نفسيا ... واعرف انه مابيتعرف على غيري لنه جدام اهله يقول هذي مو احبها اعشق الارض يلي تمشي عليها

أنطر ردودكم ... ♥

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[خوخة سمسم]

قصة غريبه اختي ...

بس انا ما أأيد هالشي لانه احس ان كأنج تجذبين ع ريلج يعني ابتكرتي شخصيه وهميه وخليتي ريلج يتعلق فيها ..انزين ليش ما حاولتي تعلقينه فيج انتي..
والخوف الاكبر ان ريلج يكتشف هالسالفه ..
الله يوفق بينج وبين ريلج ويحفظكم لبعض يارب

[* ام خماس *]

لا اله الا الله00 عزيزتي الين متى بتمين ع هالحااال ؟


ما اتوقع ردت فعله لو عرف ان ربيعه انتي!!!

0حبيبتي الرياال لااازم يتأسف من نفسه00وهااذي تعتبر اسراار

بين الرياال وحرمته مب اي حد يأثر عليه 0

وكيف يطلع اسراركم ونقول البعض منهاا لوااحد ما يعرفه !!

ما أدري انتي صح أو غلط لكن لكل شي نهاااايه وخاايفه عليج

من نهاااايه تزيد مشااكلج حبوبة

الله يستر عليج ويسخركم لبعض يااارب

[وسنْ]

الحمد لله والشكر

[شوشو_24]

وييييييييييييييييييييييه @@

احس مب حلوووو جييييييي مرض
بصراحة خيتوووو لاتستمرين بهاللعبة عقب حياتكم مابتمشي طبيعي الغالية
احس ماستفدتي شي بالعكس خليتيه مغفل بصراحة سوري ع الكلمة
ليش ما انتي اللي تسولفين وياه وتطيبين خاطره مب البوويه انتي حرمته وزوجته وشريكة حياته
مب شخصية وهمية !!!!!
خلاص ودري هالحركاااات احسن .. حتى لو اتحبين الآكشن والمغامرات ..!!!
وعيشوا حياتكم عادي مثل اي زوجين
عقب يوم بيتييبون عيال انتي شخصيا مابتتفيجين حق هالسوالف
وهو بتم مثل المينون يدور ع البوية عشان يفضفضلها وممكن يعوض باي شي ثاني
مثلا لاسمح الله يرمس غيرها يعووض
الله يسخركم لبعض ... واسمحيلي اختي

[Decaldo]

أمممممم !!
لـي عوده ان شاء الله : )

[سحوبة]

حبييييييييييت حركتج واايد ... الوحده تحتاج تعرف ريلها فشوو يفكر .. =) ..خاصتا فهالزمن ..زمن الخيانات لازم نراقبهم ...والي تبا تحافظ عريلها لازم اتكتك من تحت لا تحت ..وماتم الزوجه الغبيه الي ماتعرف ريلها شيسوي من وراها
ماشاء الله عليج ذكيه ...واذا مرتاحه لهالحركه لاتغيرينها ولاتسمعين كلام العضوات الباجيات ههههه

[خولـه]

شوشو كفت ووفت



انتبهي لانه لو كشفج بتروحين فيها

خلاص وقفي هالشي

[انثى بس غير]

اتحذري لو عرف ممكن ما يسامحج.

الله يوفقج ويسعدج ويحفظكم لبعض ان شاء الله

[زم_قمر_ان]

الصراحه قصتج غريبه عجيبه

أنتى شو الضمان لج انه ما يكلم بويات ثانيات

أنتى فتحتى عينه على موضوع علاقات وتعرف

الله يهديج الى تسويته غلط وأكبر غلط

يمكن استفدتى المهم الحين كيف لازم توقفين اللعبه

حاولى تخبرينه (البويه) انج توبتى لله

وماراح تكلمين حد

لانه اذا ماعاد كلمتيه على المسن بيدور على طريقه

ثانيه يتواصل معا ربيعتج البويه وهى الفون

وكذيه بيعرف كل شي

صدقينى انتى تلعبي بالنار أحذرج عزيزتى

لالا تحرقين نفسج بعد فوات الآوان

[روح ابوها]

حبييييييييييت حركتج واايد ... الوحده تحتاج تعرف ريلها فشوو يفكر .. =) ..خاصتا فهالزمن ..زمن الخيانات لازم نراقبهم ...والي تبا تحافظ عريلها لازم اتكتك من تحت لا تحت ..وماتم الزوجه الغبيه الي ماتعرف ريلها شيسوي من وراها
ماشاء الله عليج ذكيه ...واذا مرتاحه لهالحركه لاتغيرينها ولاتسمعين كلام العضوات الباجيات ههههه

بصرااااحة كنت اتوقع ان هالحركة تنفع انج تعرفين كل شي عن ريييلج

بس

لا و ألف لا ااااااااااااااااااااااااا

المفروض انت تجذبين زوجج لج اسمعي لمشاكله و حبي سوالفه شو ما كااانت حتى لو عن الموااتر و الصنااعية !!!!!!!!!!!!!

هذا المفرووض

و الله ان ريلي شوو ما يصير معااه يتصل و يشتكي و يفضفض (( الحمد لله رب العالمين))

ولو نحن تزاعلنا يرد يتصل علي و يتكلم و يتكلم و يتكلم بس عسب يطلع اللي ف خااطره و عقبها يرد عاادي و لا كانه صاار شي الحمدلله \

هذا كله لان عنده اقرب الناس يفضفض لهم و يرتاح و الاهم من هذا كله انه ما يطلع اسرار بيتنا برع البيت....


وهذا رايي و الباقي لكم

[توتة 22]

صدق الحركه حنـوهـ

بــس ..!!!!!!

عقب يوم بيتييبون عيال انتي شخصيا مابتتفيجين حق هالسوالف
وهو بتم مثل المينون يدور ع البوية عشان يفضفضلها وممكن يعوض باي شي ثاني
مثلا لاسمح الله يرمس غيرها يعووض

هنيه المصيبه ... ..


أنتي .. تـخليـن ريـلج يشـتكي لغـيرج .. لو مافضيتي عـقـب بيروحـ لغـير البويـه ..



بإيـدج تصححيـن غلـطج .. انـج تنهيـن قـصـة البـويـه .. ,وتخـليـه يشكي لـج انـتي ..

أنا عندي ربيعتي معرسـه .. مهما تكافخو هي وريلهآ ..لآ هو يطلع من غرفته ولا هـي ..
بس كـل وآحـد يـمسـك تليـفونـه .. ويكتب مسج لثاني .. هو بشو غلطـ .. وهيك شي
والله مايتم زعلهمـ أكثـر عن سآعـه ..

وخـلاص الريال على مـآ تعوديـنـه يعنـي أنتي عودتيه على المسـن وعلى انه يفضفض لغيرج .. والحين مستحيـل يخـلـي هالـشي ..
مشششالله والله يخليهم لبعض عشان مااصكهم عيــن

[أم موزانة]

بصراحه انا ما أأيد هالحركه لازم تتركينها لانه سبحان الله محد يعلم كشفج ولاشي شو بتكون ردة فعله ، الغاليه خلج انتي بطبيعتج ولاتمثلين ع ريلج لانه صدق حرام والله طول هالفتره يعيش وهو مخدوع  اتمنالج السعاده فحياتج !|!

[غلآكـ في قلبي]

الله يعينج اذا انكشفتي بتروحين فيها !!
وعقب بيدور حد ثاني يفضفض له

[دلع بو راشد]

حآولي تقطعين علآقج فييه بآي طريقه ..لآن لو اكتشف يوم من الايآم ..صدق مصيبه بتستوي ..يعني مثلآ تحججي بآي سبب مثلآ بسآفر او هلي مب مخليني ادخل النت . او اي شي ..وافتكي ..
ع رمسج استفتي وآيد اشياء واكتشفتي عنه اشياء مآ كنتي تعرفينهآ اظن يكفي ..وريحي نفسج ..