شاركي في تجمع The Book Club

[السنع و الزين]

هاي بنات شخباركم ؟
بصراحه متحمسه وايد ابي اعرف كيف بنتناقش نهاية الاسبوع هههههه
المهم,,, عندي بعض الاقتراحات ..
عزيزتي السنع والزين مثل ما قلتي الناس اذواق وكل انسان له اهتماماته,, انا شوي خياليه
..فهل ممكن نحط مع >>> كلاسيكية ، حديثة ، بيوغرافي ، كتاب عرب و أجانب>>>روايات و قصص..

انزين ما فهمت .. انتي شكلج ما دخلتي التجمع مال الاسبوع الاول .. كلها روايات .. و ترى اللي يشاركون اكثر هم اللي بيقترحوون الكتب حق الاسبوع الثاني .. و اهي كلها روايات و اشيا ممتعه .. و السبب عسب محد يمل .. لا تحاتين .. نحن بعد ما نحب السوالف الممله

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[MEAN-GIRL]

بصراحه شوقتوني اقرا السجينه مع اني مب من عشاق البيوغرافي
السنع شو رايج تحطين للاسبوع الياي واحد منهم السجينه او العتمه الباهره

[MEAN-GIRL]

انزين ما فهمت .. انتي شكلج ما دخلتي التجمع مال الاسبوع الاول .. كلها روايات .. و ترى اللي يشاركون اكثر هم اللي بيقترحوون الكتب حق الاسبوع الثاني .. و اهي كلها روايات و اشيا ممتعه .. و السبب عسب محد يمل .. لا تحاتين .. نحن بعد ما نحب السوالف الممله

هههههه لا حبيبتي ما فهمتي علي انا اقرا كل انواع الكتب وانا وياكم من الاسبوع الطاف وانا اللي كنت مقترحه طعام صلاه حب
بس انا اقصد روايات خياليه (خيال علمي ) (بوليسيه) مثل روايات اغاثا كريستي عرفتي

[السنع و الزين]

بصراحه شوقتوني اقرا السجينه مع اني مب من عشاق البيوغرافي
السنع شو رايج تحطين للاسبوع الياي واحد منهم السجينه او العتمه الباهره

ان شالله الاسبوع الياي يصير خير..

ما قلتي شو بتقرين ها الاسبوع؟

[السنع و الزين]

بصراحه شوقتوني اقرا السجينه مع اني مب من عشاق البيوغرافي
السنع شو رايج تحطين للاسبوع الياي واحد منهم السجينه او العتمه الباهره

ان شالله .. الاسبوع الياي يصير خير ..

بس هذا الاسبوع شو اخترتي من اللسته ...

[MEAN-GIRL]

eat pray love

[MEAN-GIRL]

up up up

[السنع و الزين]

gurls...

بخصوص الاسبوع الياي .. الاربعاء بنشوف أعلى اثنين مشاركاتهم .. و كل وحده منهم بتقترح كتاب و انا بقترح كتاب ,, بيستوون ثلاث .. و بنحطهم يوم الخميس .. عسب نقدر نشتريهم ...


حد عنده اقتراحات حق الاسبوع الياي ..

انا خاطري بشي non-fiction شي هيستوري ...

[MEAN-GIRL]

هاي بنات شخباركم؟؟
السنع والزين كيف يعني non-fiction ترا اصلا البيوغرافي تعتبر نون فيكشن لانها تعتمد عالواقع
..اما هيستوري فهل عندج اقتراح؟؟

[MEAN-GIRL]

عطينا امثله

[البرنسيسة]

استانست يوم شفت الموضوع حسيت بالولهة للقراءة لاني من زمان اقرا وايد الحين بسبب تدريس عيالي قلت عندي القراية ويوم شفت موضوعكم قلت اشارك هياكن علشان ارد اقرا مرة ثانية بشغف ....

[MEAN-GIRL]

the secret
a new earth
الرجال من المريخ ..النساء من الزهره

هالكتب جدا مفيده وممتعه في نفس الوقت

كتاب السر غني عن التعريف اكثركم سمع عنه
( يتكلم عن قانون الجذب) كيف توصلين لاهدافج بمجرد التفكير فيها
يعني (تفاءلو بالخير تجدوه)

الكتاب الثاني ..يتكلم عن( الأن , الحاضر) لأن مشكلة أغلب الناس
أنهم إما يعيشون في المستقبل أو الماضي بأفكارهم
فما يركزون علي الحاضر واللي هو كل الحياة
لأن الحياة مب الماضي ولا المستقبل إنما الأن اللحظة اللي نعيش فيها
.مشكلة الكتاب (الكتاب صعب كمحتوي وأفكار و ياخذ وقت جدا طويل)
وانا لين الحين ما حصلت النسخه العربيه عندي الانجليزيه

الكتاب رقم 3
كتاب جدا جدا جدا مفيد ...وايدات نصحوني فيه..الكتاب بيساعدج تفهمين الرياييل عدل سواء
اخوج ,ابوج,ولدج والاهم ريلج ما بيكون بينكم سوء تفاهم والعكس اذا الريال قراه بيفهم الحرمه

بس حبيت افيدكم ببعض الكتب اللي ناويه اقراها يوم من الايام

[كيت كات]

انتوو بديتوواا ؟؟
انا انا بعد ابا اكون وياكم
خاطري ارد اقرا وهالموضوع ياي بوقته
لان توني يوم الخميس اقول حق اخوي انا لازم اسير المكتبه محتاية جرعة كتب يديدة
يالله حطوا اسماء الكتب خلوني استفيد منكم

[اشراقة أمل]

انا عن نفسي للحين اقاتل في قصة eat pray love

بس اقترح امممممم


في كتب حلوة لاستاذ ابراهيم الفقي

مميزة عن التنمية البشرية

انا اشتريت واحد

اسمه حياة بلا توتر

اظن مفيد كثير

وفي كتاب لا تحزن لطيف

وتحس بروحانية يوم تقراه لعائض القرني

وفي كتاب Secret

يتكلم عن قانون الجذب عندي ياه بس ماقريته كله

في كتاب اشتريته اسمه اللاهوت العربي

يتكلم عن نشات الديانات الاسلام المسيحي واليهودي بس

ليوسف زيدان

وهو صاحب رواية عزازيل تتكلم عن نفس الشئ

ايضا في كتاب NEW Earth

في كتاب الطريق الى الربانية للدكتور مجدي الاهلالي

يتحدث عن اهمية العبادات تقريبا وحاجتنا الى الربانية

بس المشكلة اني مو من هواية الببلوغرافي ابدا

بس اذا في منها حكمة

يعني انسان كان شي

وصار شي ثاني

ام فوق او تحت

[أم مطر]

من زمان ما قريت ..

الموضوع يا في وقته من كم يوم افكر اقرا وابا اسير اخذ لي شي يديد

احب الروايات والقصص وبعد الكتب التاريخيه والدينيه

ببدأ في كتاب طعام صلاة حب وان شاء الله اخلصه خلال هالايام ^^