.. الحرمة اكبر من الريال .. و بعدين؟ ..

**قطعة رهــش** · 2010-10-05, 23:29

بصراحه حاليا وانا بهالعمر ما افكر اخذ واحد اصغر مني لاني بروحي صغيره بس اا بعد سنتين ثلاث الاحتماليه المتوقعه اني ممكن افكر فيه ..

وعمووما ترى العمر مو عيب اهم شي العقل والاخلاق والدين

**قطعة رهــش** · 2010-10-05, 23:31

واي صح اعرف وحده بتزوج من واحد اصغر منها بـ 10 سنواااات ..!!!

ما شاء الله الله يسعدهم يارب

**أحلى غراام** · 2010-10-05, 23:39

حلوو رد AD classic

**حرمة المطوع** · 2010-10-05, 23:40

ريلي اصغر عني بسنتين
والحمدالله ع كل حال
والعمر مايفرق

**$فراولة حلوة$** · 2010-10-06, 03:58

احممم ريلي اصغر مني بثلاث سنواات عمري ماحسييت

بفرق بالعمر بشخصيته القوية احسن اني انا اصغر منه

والحمدلله على كل حااال عاايشين مرتااحييين

**MAHA21** · 2010-10-06, 09:43

ما اعتقد اني بوافق ع واحد اصغر منيه
الحمد الله تزوجت وفرق العمر بيننا اوكي

**اناناسة** · 2010-10-06, 10:06

طبعا اوافق بس على شرط مخه يكون كبير و مب ياهل

مثلا تخيلي البنت عمرها 25 و هو 20 في هالحاله لازم يكون عقله اكبر من سنه

بس ان كان فوق ال 25 اكيد عقله كبير و عادي

عندنا بالعائله كمن وحده الزوج اصغر بين 5 و 7 سنين و عااادي

لما كنت ب 17 حد بغى يتقدم و عمره 16 طبعا ما وافقت

بس لو كان عمري 22 و هو 21 ممكن كنت بوافق

عرفتي شو اقصد؟؟ البنت عادي تتزوج 17

بس الولد مب عادي يتزوج 16 او 12 خخخخخ

سالتي سؤال جاوبتج عشر هههههههههه

**المغتربة** · 2010-10-06, 10:13

لو بيوم اصغر عني ما برضى

لان رياييل ها الزمن يعايرون لو بيوم هههههههه

**ALIAA99** · 2010-10-06, 18:20

ممكن آخذ أصغر عني لين 3 سنين بس ... لاني انا شكلي كيوت و صغير ما يبين عمري ....
بس بينا انسجام و تفاهم و يكون قد المسؤولية ..

**الغاويـــة** · 2010-10-06, 22:31

انا اعرف 6 حالات مرت جدااااااااااامي ^^

والحمدلله الله يسر ...

**نجمة الفجر** · 2010-10-06, 23:14

هو عادي مع أني مأخذه ريلي أكبر عني 4 سنوات..^^

بس المشكله بتم هالموضوع يضايج يوم يقولون فلانه أكبر عن ريلها..

بتحس أحساس صعب...!! وهذا الشي المنتشر عندنا ...المعاير...

وكله ترأ قسمة ونصيب.

**اصايل الشامسي** · 2010-10-06, 23:45

انا اكبر عن ريلي بسبع سنين والحمد لله
احس اني اصغر منه ماشاء الله عليه ولا مره حسسني اني انا اكبر منه
مع انا معرسين من ثمان سنوات
وعندنا 2 بنات 2 اولاد
الله يخليه لنا يارب ولا يحرمني منه

**عيوني UAE** · 2010-10-07, 09:34

عمر السعــآده ماتي بالعمر

دام ريال ونعم فييه ليش ارفضه

الله يرزقنا الخير ان شاء الله

**hanoOOody** · 2010-10-07, 13:23

المشاركة الأصلية كتبت بواسطة AD Classic

[FONT="Simplified Arabic"]
ممم .. انا كنت مثلج يا فينو .. معارضه هالموضوع نوعا ما ..

بس لو ييتي للواقع انا اشوفه يعتمد من بيت لبيت .. اذا هم اساسا متقبلين الفكره او لا!
واقتناع الطرفين بعد مهم وايد ..

يعني مثلا , اختي اكبر عن ريلها بسنتين ..
والثانيه لظروف ما وخاصه .. تزوجت اصغر عن ريلها .. يمكن صدمه ومتاكده بتقولين وايد!
اكبر عنه ب10 سنين! ماشاء الله ,الله لا يغير عليهم ..

وحرمه اخوي اكبر عن اخوي ب4 سنين تقريبا ..

واخوي الثاني .. كان مصّر ياخذ وحده خبرنا عنها .. بس هي اكبر عنه بسنتين تقريبا ..
وكان مستعد يوافق ع كل شروطها!! واللي تباها هي بيسويلها ... بس ماصار نصيب ..
ع فكره, شي وايد بنات غيرها بس كان عنده اصرار عجيب لهالبنت ..
كنا نقوله البنت اكبر عنك كان يقول شو يخصه؟! واذا اكبر عني شو يعني؟!!

وعدنا وحده في العايله .. اللي ماخذها اصغر عنها بعد ..

اقولج اول شي واخر شي يعتمد ع تفكير الريال وعقليته .. وايد ناس اصغر بس عقولهم توزن بلد ...
و وايد ناس اعمارهم وكبيره بس للاسف .. لا عقل ولا اسلوب ولا حسن تدبير !

واللي تقولج بيعايرج ومادري شو ..

عيل اساسا ليش ييي يخطبها ويطلبها هي من بت بنات البلد كله! فكري فيها بالمنطق .. ليش!!

شو اللي يحده ع هالشي .. ؟
لو هو يبا صغيره جان خذ بدال الوحده 4 وكلهن صغار!
ومستحيل يعايرها اذا هي ماحسسته بهالفرق ..

واللي تقولج انا ابغي اتدلع عليه مب هو يتدلع عليه .. ارد واقول يعتمد ع اسلوبج وياه ..
الريال ع ماتعودينه في اللبس في الاسلوب في كل شي ..

اذا انتي تلبسين لبس عيايز وكله جلاليب اكيد بيقول اللي خذيتها عيوز وابتلشت فيها !!
بس انتي يومنج تتدلعين وكل مره بيجامه شكل ولون ..
وكل فتره ستايل وصبغه غير ..
مستحيل يروم يتحمل هالمنظر ويتدلع عليها بالعكس بتشوفينه يدلعج

خلنا واقعياات شوي ...
بذمتكن ماشي حريم اصغر عن رياييلهن بس اشكالهن جنه كل وحده عمرها في الخمسين من قله الاهتمام ..؟؟ لا ويعرس عليها بعد ..

انا اشوف الاقتناع بهالموضوع وايد مهم عشان تمشين حياتج

[/FONT]

انا عيبني ردج صراحه
وعن نفسي ما تفرق ابد
تهم شي التفاهم والشخصيه والعقليه

**class_lady** · 2010-10-07, 13:30

العمر هب ميزات لرجولة الريال اهم شي عقلا طبعا انا ريلي اصغر عني ب 3 سنين بس ريال وناضج واحسا في مواقف وايدة اعقل عني فاحس الريال بعقلا هب بسنا وبعدين حتى الشكل يهم يعني ما يكون يبين عليه ياهل طبعا وانا عيووز هب حلوة خخخخخخ المهم بالمختصر انا وافقت شفتا رزين ولد عرب وسمعتا طيبة ومثقف وصلاتا ما يودرها هذا اهم شي والحمدلله ^_^

الموضوع: .. الحرمة اكبر من الريال .. و بعدين؟ ..

أدوات الموضوع

عرض

المواضيع المتشابهه

منو المفترض يدلع الثاني ؟ الحرمة ولا الريال

ليش الريال مايرغب فى الزوجة الى اكبر عنه سنا ....؟

بنات شرايكن ف الحرمة اللي اطرش الريال ل...

تعرفون انه الريال احلى عن الحرمة...ادخلوا وشوفوا..

معقولة الحرمة شرات الريال؟؟؟(للنقاش)