اللف وبنتي

**إنسانة حساسة** · 2010-10-05, 00:19

أولاً:بنتي ماشاءالله عمرها الحين 9شهوووووووور واللحن قبل ماتنام لازم الفها بقماط عشان تنام بس اريد اعودها تنام بدونه كيف؟

ثانياً:ماتنام بس يمكن ساعه وتقوم والله إني متبهذله وياها كيف اتصرف سمعت عن الناس أنه تعطي عيالها دوى بس عشان تنوم عيالها انا ماريد اضرهم اريد طريقه كيف طريقه أرقدها فيها مع العلم رضاعه طبيعيه فيدوني الله يعافيكم

المزيد من آخر المواضيع من نفس القسم:

**إنسانة حساسة** · 2010-10-05, 01:22

ولا رد

**كلي2وفا** · 2010-10-05, 01:54

حاولي اتحطين فا يدها شيلة بيت وتخلينها تقبضها وترقدينها على ينب ينفع مع اليهاااال واايد استمري معاها لو عااندت آخر شي بتخضع لج لأنج عاندتي معاها .... وربي يسهل عليج........
أما عن النوم المتواصل ما اقدر افيدج جوفي هي شو اللي يخليها تواصل رقادها... يعني الهدووء ولا .. لازم تكون شبعانه ومغيره لها ويمكن لو تسوين لها مساج بالبيبي اويل او زيت الزيتون .................

**إمنوره بيتي** · 2010-10-05, 03:13

الغاليه خليها تشبع قبل النوم وبخصوص القماط ماعندي خبره

وربي يوفقج ويحفظ لج بنوتج ^_^

**TeswA 3yonI** · 2010-10-05, 07:49

انتي عوديها

مثلا الظهر لاتقمطينها

او يوم ترقدينها لحفيها بس رصيه عليها ويوم تتأكدين انها نامت بطليه عنها

وتمي جيه بالتدريج وبتتعود ان شاء

او رقديها على طرفها

**قلوب العذارى** · 2010-10-05, 09:29

الغلا انتي وااايد تأخرتي فيها مع القماط !!!! انا بنتي من كملت اربع شهور خلاص ما قمت اقمطها

الحين فديتج حاولي انج يوم ترضعينها ما تقمضينها (( بحزه الرقاد )) انتي يودي ايدها وحطي ريلج ع ريلها علشان ما تتحرك ،، مب قو طبعا عالخفيف . .

وان شاء الله تستفيدين

**Fafi** · 2010-10-05, 09:38

أول شيء .. ابتدي انج اطلعين أيد وحده و قمطيهااا .. و خليها اسبوع .. و بعدين ةقت رقاد النهار حاولي انج ما اتقمطينها موول .. وو شوي شوي بتتعود ..

ووو بخصوص الرقاد المتواااصل .. اليهال ينشون من اليوع أو البلل أو الخوف أو الألم ..

**::ملاك::** · 2010-10-05, 11:47

الغالية خففي القماط شوي شوي،، يعني لا ترصين وايد،، عشان تعطينها المجال تظهر ايديها،، شوي شوي الين تظهر ايديها الثنتين و بس جسمها بيتم مقمط،، هالوقت خلاص بتودر القماط إن شاءالله

بخصوص الرقاد،، مممم الصراحة يتمون على هالحالة،،
شوفي أول شيء شبعيها عدل قبل الرقاد،، سيريلاك وماي ،، يعدين يوم بترقد رضعيها،،
بتقوم بعد ساعة رضيعيها الين تشبع وبعدين إن شاءالله بتقوم كل 3 ساعات أو ساعتين،،
بس لأن الحليب الطبيعي ينهضم بسرعة،، ومرات الياهل بس يبا يرضع مب عن يوع

الدكتور قالي يوم البيبي يقوم عطيه ماي ،، بس بنتي ماتاخذ المرضعة فالله يعين

**SPY** · 2010-10-05, 12:10

مثل ماقالن خواتي خففي القماط وبزيد عليهن بنقطة وهي أنج لا تقمطيها إلا ف النومة الطويلة يعني الظهر وبالليل، وإذا نامت وقت ثاني لا تقمطيها وعوديها تنام بلحاف معين، وإن شاء الله بتتعبي أول شي بس بترتاحي بعدين...

**إنسانة حساسة** · 2010-10-06, 14:54

يعطيكم العافيه خواتي ماقصرتوا إن شاء اللع بجرب وياها

**باتشن** · 2010-10-06, 17:32

كل يومين أو أربع أيام وسعي عليها القماط

**أم يوســـف** · 2010-10-06, 18:24

بخصوص القماط وسعي لها كل يوم وبس خليه بلليل وشوي الشوي لين ما تفتحها هي يوم ترقد
وبخصوص الرقاد احس اليهال لازم ينش كل ساعتين او ثلاث ما شاء الله على ولدي كمل سنة وبعده لازم يقوم بليل
الله يحفظهم من كل شر

الموضوع: اللف وبنتي

أدوات الموضوع

عرض

اللف وبنتي

المزيد من آخر المواضيع من نفس القسم:

المواضيع المتشابهه

الهدايا وتنسيق اللف صور

تعبت من اللف والدوران

اللف ودوران.......عند الريايل