ليش يا ابوي رضيت بالاربعه الاف مقهوره

**كرهت الحال** · 2010-09-29, 04:30

السلآم عليكم

مرآآآآآآآآحب

انا عضوه جديمــــــــــــــــــــــــــه في المنتدى من زمان مشتركه وياكم بس ماقدرت ادخل بالمعرف الجديم مالي مادري ليش

لا حد يسالني ليش والله مب عشان اني هب واثقه ولا شي بس ابا اطرح موضوعي بدون اي نقص او زياده

بنآآآآآآآآآآآآآآآآآت انا انخطبت

بس وايد متضايجه متضـــــــــــــايجه ,,,,,,,,,,,,,,,,,,,,,,, نحن بدون

وانا خطبني ولد عمت ابوي بس ياليته ماخطبني وابويه قالهم ادفعوا اللي تقدرون عليه

وتتوقعون كم دفع

كم

بصصيح والله

بس 4000

اربعه الاف بس بنات هاي شو تسوي او شو تسوي شو بشتري وشو بخلي

قلت لابوي هاي ماتكفي ابوي قال عيب هذولا اهلنااا

بنات مقهوره بموت من الحره ابوي مايعرف عن الاسعار قالي بوديج السوق واشتري بالاربعه ااالاف الي تحبينه اوكي انا ابا ذهب حتى لو عقد صغير قلت له شو اشتري وشو اخلي قلت له ابا اتعدل يوم عرسي وابا فستان وابا ملابس ومغربيات وجلابيات وبدل واكسوارات ونعل وعبي

قال انتي مسرفه ماتوقعتج جيه @@

والله انا مب مسرفه بس ابا مغربيات وابا عبي وابا جلابيات حلوه وابا وابا وابا تعرفون

وفوق هذا خواتي ابوي قالهن لبسن اي شي الا هو يوم والله اني قلت لهن مابستانس الا ااذا لبستن يديد وكشختن بعد

ترى خوات اللي خطبني كلهن متزوجااااااااااااات ناس راهيين ومب بدون بس انا ماروم اتحمل هن يشوفن اني ماشليت ولا شي ولا يشوفناا محتايات او اقل منهن

وامي قالتلي شي زاد الطين بله قالت بيمع لبسج ولبس خواتج اللي مب جديم وبنغسله وبعطره وبيرد ييديد عشان تشلين وايد ملابس وماتزعلين

قلتلها اميي شو من لبس بغسله والله كله ملبوس ومعفن قالت راعي ابوج

الله يهدي ابوي يعني هو مايشتغل ويالله يالله حياتنا ماشيه وبعد مايتشرط في عرسي ليش

بنات صج شي يقهر انصحوني عطوني حل

كيف هالمبلغ يكفي لي ويكفي لخواتي والله يمعاتهم اهل اللي خطبني مايلبسون الا مغربيات راقيه ولبس حلو وانا شو البس بنات انا مب طماعه او حقوده او اني اشوف لفوق

مستحيل في حل

سامحوني اكتب مستعجله

المزيد من آخر المواضيع من نفس القسم:

**عمري زايد** · 2010-09-29, 04:35

غريبه ولله طبع ابوووج ..شو يسون ال 4 الاف
الحين يالله يالله تخلص اغراض جمعيه ...!

الله يسهل عليييج ...

بتواصل ويااج على الخاااص ان شالله بس متى بتعرسين ؟؟

**ماسة شرجاويه** · 2010-09-29, 04:40

يوم ان اهل ريلج يعرفون يلبسون ويعرفون يكشخون وخواته ماخذين مواطنين بعد يعني اكيد يعرفون الدنيا كيف اللحين
ليش ما فكروا فيج والله حرام
ولا ما صدقوا ابوج يقول اللي تقدرون عليه
اففف من الناس اللي جي
مسكين ابوج يمكن ما بغا يضغط ع الناس وما بغا يبين للناس انه طمعان فالبيزات وجي
بس العيب مب منه من أهل اللي خطبوج يوم انهم عطوه بس 4000
اللحين هااي شو تسوي؟؟
صدقج والله ترى مووول ما تسوي شي
وانتي حالج حال البنات خاطري ف ذهب ومغربيات وجلاليب ومخاوير وعبي الـــــــخ
الله يعينج
انتي بتكونين حرمه ولدهم كانوا لازم يفكرون فيج بعد
ويحطون ف بالهم انج بتقبلين ع ناس ع اساس حرمه ولدهم يعني ف ويهم

اممم انتوا عندكم فتره ملجة ولا لاء؟؟
ولا على طول عرس؟؟
كيف نظامكم متى عرسج؟؟
اذا عندكم فتره ملجه حاولي تقولين له وتفهمينيه اذا كنت بترمسينه انج تبين بيزات تتزهبين بها ولا قولي له الزهبه عليكم لوول
او حاولي تسوين شي لعمرج من مصروفج كل شهر شوي هذا بعد لو عطوج مصروف

حبيبتي اتمنى الله يفرجها عليج ويهدي اهل ريلج

**عمري زايد** · 2010-09-29, 04:51

صح كلامج ماسه شرجاويه ..

اختي بليز تواصلي معايه على الخاااص ...

**! بنت الورد !** · 2010-09-29, 04:59

الحياه صعبه والله يعينج ويعين امج

**كرهت الحال** · 2010-09-29, 05:23

المشاركة الأصلية كتبت بواسطة عمري زايد

غريبه ولله طبع ابوووج ..شو يسون ال 4 الاف
الحين يالله يالله تخلص اغراض جمعيه ...!

الله يسهل عليييج ...

بتواصل ويااج على الخاااص ان شالله بس متى بتعرسين ؟؟

اآآآآآآآآآآآآمين والله تعرفين شيبه مايعرف ان الاسعار ناااااااااااااار

وتسلمين على الدعوه

**قطوه متوحشه** · 2010-09-29, 05:24

ارفضي الزواج لا ترخصين عمرج
انتي عروس وراج مليون شي

**كرهت الحال** · 2010-09-29, 05:39

المشاركة الأصلية كتبت بواسطة ماسة شرجاويه

يوم ان اهل ريلج يعرفون يلبسون ويعرفون يكشخون وخواته ماخذين مواطنين بعد يعني اكيد يعرفون الدنيا كيف اللحين
ليش ما فكروا فيج والله حرام
ولا ما صدقوا ابوج يقول اللي تقدرون عليه
اففف من الناس اللي جي
مسكين ابوج يمكن ما بغا يضغط ع الناس وما بغا يبين للناس انه طمعان فالبيزات وجي
بس العيب مب منه من أهل اللي خطبوج يوم انهم عطوه بس 4000
اللحين هااي شو تسوي؟؟
صدقج والله ترى مووول ما تسوي شي
وانتي حالج حال البنات خاطري ف ذهب ومغربيات وجلاليب ومخاوير وعبي الـــــــخ
الله يعينج
انتي بتكونين حرمه ولدهم كانوا لازم يفكرون فيج بعد
ويحطون ف بالهم انج بتقبلين ع ناس ع اساس حرمه ولدهم يعني ف ويهم

اممم انتوا عندكم فتره ملجة ولا لاء؟؟
ولا على طول عرس؟؟
كيف نظامكم متى عرسج؟؟
اذا عندكم فتره ملجه حاولي تقولين له وتفهمينيه اذا كنت بترمسينه انج تبين بيزات تتزهبين بها ولا قولي له الزهبه عليكم لوول
او حاولي تسوين شي لعمرج من مصروفج كل شهر شوي هذا بعد لو عطوج مصروف

حبيبتي اتمنى الله يفرجها عليج ويهدي اهل ريلج

اميـــــن

هيه على طول عرس والعرس بنسويه في خيمه هم بيسون جدام البيت

**كرهت الحال** · 2010-09-29, 05:42

قطوه متوحشه : تسلمين على مرورج وماروم ارفض ابوي عطاهم كلمه

بنت الورد : تسلمين على الدعــوه

**كرهت الحال** · 2010-09-29, 05:44

تسلمون خواتي

على المـــــــرور

**عسل وقشطه** · 2010-09-29, 05:47

انتي استخرتي ؟
ولا ترفضينه عشان الفلوس بعدين يوم بتكونين حرمته بيشتريلج شوي شوي
حاولي تشترين من القراج سيل مع شرح الوضع للبنات
خذي شووووووووووووووووووووووووووووووي على 2 من كل شي
واذا سالج الريل ليش ثيابج شوي عقب طالعي الارض وقوليله ماعطوني الا اربعه انا اشتري ريال وانته عوضي في الدنيا

**يحـــــ ام يى** · 2010-09-29, 05:48

الله يعينج حبيبتي

**عمري زايد** · 2010-09-29, 06:16

انا طرشتلج رساله فديييتج وانتظر ردج علي ..

**الحمدالله1** · 2010-09-29, 07:18

مااااااااااصدق

ليكون انتي الي كنتي اول مسجله بنك شما وكل يوم اسوين قصه !!!!!!!!!!!!!!!!!!!!!

*** ام خماس *** · 2010-09-29, 07:26

لا حول ولا قوة الا بالله

الله يعينج وايسر امورج ياارب

الموضوع: ليش يا ابوي رضيت بالاربعه الاف مقهوره

أدوات الموضوع

عرض

ليش يا ابوي رضيت بالاربعه الاف مقهوره

المزيد من آخر المواضيع من نفس القسم:

المواضيع المتشابهه

طفلة بريدة تفاجئ القاضي: رضيت بالثمانيني براً بوالدي

قصة حلوة لا تفوتكم ..ابوي ابوي لو صد عني ما ترجيته..

ابوي ابوي لحقوا علية