حد حس بهالشي !!

[يدتي حياتي]

السلام عليكم

بنات انا يوم كنت مالجة كنت وااااايد متحمسة حق ليلة عرسي وكيف بتكون طبعا شعور عااادي اي عروس اتحس به لكن يوم قرب العرس هالشعور بدا يخف والله استويت ما اهتم يتصل فيني مال الكوشه يقول ما شي ورد برتقالي بنحط اوف واايت اقول اوكي مع اني يوم سرت اختارها لزمت اني اباه برتقالي وزفة المعرس تعبت عليها واااايد قبل ما يدخل بشوي اتصل مال الفرقة حق اختي قال الزفة ما تشتغل هههه ما اهتميت قلت خل ايحط اي شي وووووواااايد اشياا مثلا شهر قبل العرس اقول حق ريلي لا اتبوسني ع يبهتي يوم اخوانك بيكونون يوم بيسيرون ارفع عني الغشوة وبوسني ع يبهتي لكنه من التوتر باسني ع الغشوة فاضطرينا عقب ما ساروا انعيد الحركة عشان المصورة اتصور هههههه
وللحين احس عاااااادي الاشيا اللي كانت تهمني قبل العرس ما اتهمني الحين وما اتذكر العرس وااايد يعني يوم ردينا من السفر ما سالت حد شو العرس كان حلو والا لا خواتي اتستغربوا مني ههههه لاني من النوع اللي ادقق واااايد في اعراس الناس واذا العروس تطلع اتخيل عمري انا مكانها بس الاغنية اتكون غير والمسكة اتكون شوي جيه ههه وليش الكراسي جيه وهكذا يعني

ف من باب السوالف يعني حبيت اعرف في حد استواله جيه قبل يعني قبل شي وعقب شي

^_^

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية