افيدوني افادكم الله

**فاطمة الكعبي** · 2010-09-26, 20:54

السلام عليكم ورحمة الله وبركاته

اخواتي في الله انا وحدة متزوجة وعندي 4 اولاد ذكر 2 وبنتين 2

هذا عدا عن بنتين يتيمتين بنات زجي ربيتهم من يوم صغار والحين لكبيرة عمرها 14 والاصغر عنها عمرها 13

طاف على زواجي 12 سنة وانا عايشة على حسب اعتقادي حياة كلها حب وتفاهم بيني وبين زوجي ما احس اني مقصرة في شيء من جهة اللبس والتزين والاهتمام والطاعة

وفي مرة من المرات وانا فاتحة الكمبيوتر مالي لفت انتباهي سجل المحادثات فحبيت استرجع مكالمات لكني صدمت بان المحادثة كانت بين زوجي ووحدة ثانية

ويا ريت الامر وقف عند هالحد الا اني تفاجئت فيه ذامني لها باني زنانة حنانة وهو على العكس تماما

لكن يا الله ( الله المستعان )

من الصدمة اتصلت له على شان هو كان مداوم وقلت له كل الي في بالي ساعتها من لوم وغضب والم
وحلف لي 100 مرة انها كانت نزوى وانتهت

صدقت في البداية لكن في اشياء خلتني اكذب وما اثق فيه

تليفونه الي دايما يكون في ايده

اللاب ماله لا تفتحيه لانه فيه اشياء تخص ربعه على حسب كلامه

طلبت منه رقم البنت الي يكلمها وعطاني اياه بس ما ردت علي

وهذه كلها شكوك ما مخلتني اصدقه

قولولي جيف اتصرف

المزيد من آخر المواضيع من نفس القسم:

**دلوعة21** · 2010-09-26, 20:59

حبيبتي ودري عنج هالسالفه وكانه شي لم يحدث
اول شي انتي مب مقصرة فيه والحمد لله
وداام انه خاايف منج وقال هاي نزوه ماقاال جي الا لانه عاااااااااااارف انه غلطااان
وكل الرريااااييل يسوون جي سوالف وشات وهالخراابيط
وبالاخير ينظروون لهاا بنت شاات وحقت سوالف مااصخه
حبيبتي ديري بالج ع عمرج وعيالج وقووووولي له مااابي هالسوالف ببيتي واذاا تبي هالمصااخه تسويهاا سوهاا خاااااااااااارج بيتي
وصدقيني بيععرف انج يضايقج هالحركات

**فاطمة الكعبي** · 2010-09-26, 21:03

الله يعطيج العافية اختي دلوعة 21 والله ريحني كلامج
ان شاء الله بس اخاف اتفاجئ بشيء ثاني باجر

**دلوعة21** · 2010-09-26, 21:07

لاا تخااافي ولا شي
تري كل الجريم جي مع ريااايييلهم محد مرتاااح يالغاليه
ولا تخلي الشك والغيرة والقهر يخرب بيتج
اهم شي تهتمي بعمرج وببيتج وبريلج وعياالج وبنااات الحراام خليهن يوولن ترى ماامنهن الا السوالف والهرجه البطاله ..
ربي يسعدج حبيبتي

**lo0nely** · 2010-09-26, 21:11

مافي احد مرتااح

والله يكون في عوونج الغاااليه

وخلاص طنشيه وسوي واجباااتج مع بيتج وعيااالج واحتسبي الاجر

**فاطمة الكعبي** · 2010-09-26, 21:15

اختي دلوعة 21 الله يجزيج كل خير ويعطيج العافية

وانت اختي loonely الله يعطيج العافية ويجزيج كل خير يا رب

ريحني كلامكم ربي يريحكم من الشر

**ام سمسمة** · 2010-09-26, 21:22

الغاليه و لا يهمج دامج مب امقصره معاه
والريال عشان الوحده اتكلمه ايذم في مرته
و أول ما يسكر التيلفون عنها ايسبها و فرقاها ابيزه
لأن اللي اتكلمه اتكلم عشره غيره

**أم اشجان** · 2010-09-26, 21:28

لاتهتمين وانا اختج ..
عليج بنفسج وبيتج وعيالج ودامج مامقصره معاه ربنا مابضيع تعبج ان شاء الله ..
وبنات الماسنجر والجات والنت بس حق السوالف ولو هن بنات فيهن خير ما رمسن رياييل ..
عليج بنفسج وهالله هالله بعيالج ولاتعورين قلبج معاه وهوو بيعرف غلطه ان شاء الله وبيندم عليه ..

**حبيته بجنون** · 2010-09-26, 21:37

الغاليه لا تصدعين راسج ع الفاضي

والله بتعورين قلبج وانتي ماتستاهلين اللي يصير لج

نصيحتي لج طنشيه وثقلي عليه وخليه يحس بغلطته

مب تثقلين عليه كمن يوم وعقب تردين له وكانه شي لم يكن

لا هاي عشرة عمر بينكم وهو ماقدرها...خليه ينقرص منج ويحس بتقصيره صوبج وبغلطه

عاد كيف... هو ريلج وانتي ادرى به من كل البنات وانتي تعرفين شو هي نقاط ضعفة وتقدرين تمسكينه من ايده اللي تعوره..

والله يسخره لج ان شاءالله ويهديه ويرده لج مرد جميل اللهم امين

**dnyailwalah** · 2010-09-26, 21:41

خلاص دامج واجهتيه ومتندم وقالج نزوة صدقيه

لو كان الشيطان راكب راسه

بيقولج هيه اعرفها واباها وماعليه منج

لو كان هب محاتنج وعادي يخسرج

بس كلامه في محله

استهدي من الله واحفظي بيتج وريلج ^_^

**LouisVuitton** · 2010-09-26, 21:55

حبيبتي .. قوليله عفوا تعف نساؤكم ... قوليله عندك بنات واذا ماصنت نفسك وتميت ترمس بنات الناس الله بيبليك في بناتك ( الله يحفظهم ) بس هالشي صدق .. وانتي خلاص انسي السالفه لانه هاي آفة القرن .. الله يعينا يارب .. ادعيله بالهدايه واتصدقي .. الله يهديه

**فاطمة الكعبي** · 2010-09-26, 21:58

المشاركة الأصلية كتبت بواسطة LouisVuitton

حبيبتي .. قوليله عفوا تعف نساؤكم ... قوليله عندك بنات واذا ماصنت نفسك وتميت ترمس بنات الناس الله بيبليك في بناتك ( الله يحفظهم ) بس هالشي صدق .. وانتي خلاص انسي السالفه لانه هاي آفة القرن .. الله يعينا يارب .. ادعيله بالهدايه واتصدقي .. الله يهديه

قلت له وان شاء الله يأثر فيه كلامي

والله نصايحج درر

الله يجزيج كل خير

**فاطمة الكعبي** · 2010-09-26, 21:57

ان شاء الله

الله يجزيكم كل خير

اختي ام اشجان وانتي اختي حبيته بجنون dnyailwalah ربي لا يحرمني منكم ولا من نصايحكم الحلوة

الف شكر

**A+k** · 2010-09-26, 22:07

يمكن نزوة نفس ماقالج..

اهم شي اهتمي ف بيتج وعيالج

وربج كريم منو هالايام مايخون..والله كلهم بس شو نسوي

الله كريم ياختي وبيفرجها وبعطيج ع قد نيتج..

**زم_قمر_ان** · 2010-09-26, 22:12

إدعى ربي يسخره لج ويحفظه من بنات الحرام

ولازم انج تنبيه علشان ما يتكرر الغلط

الموضوع: افيدوني افادكم الله

أدوات الموضوع

عرض

العرض المتطور