بآجر ببدى علاجي الجدي

**كلي برآءه** · 2010-09-26, 00:35

شحآلكم بناات
خلاص انآ وريلي قررنا انه نبدى علاجنآآآ ..
قبل كنت اسير بس اطبهم كل مره اروح موعد واكنسل موآعيد

ومن بآجر بسير ... بآآذن الله

بس حبيت اسآلكم
يوم اروح لهآ
شو من الفحوصآآت اللي اقول لهآ سوي لي ..
انآ وضعي الحيين : في اليوم العآشر من الدوره ..

دورتي بعد اجهاضي الاول قامت تخررف ..

شو اقول لهآ اتسوي لي فحووصآآت ؟؟

انآ ابيهآ تتابع معآي تبويض
شو الفحص اللي اقول لهآ تسوي لي
عسب يطلع كل شي دقيق ..

ولاآزم ريلي يفحص الحيين ولأآ خلني انآ اول اششوف لو ما نفع اخلي ريلي يفحص

بنات بليز ردوآ عليه بآجر بطل ع الموضووع وبآخذ معلوماات وبسير لهآ الساعه 10 او الساعه 9 صبح .. ابي اسير لهآ وانآ عندي خلفيه مب طمه مب عارفه شي

المزيد من آخر المواضيع من نفس القسم:

**روضة بوظبي** · 2010-09-26, 00:40

الغالية متي اجهضتي... وكم كان عمر الجنين....

**ام حمني و طمطم** · 2010-09-26, 00:43

اختي انا ما عندي فكره عن الفوحوصات اللي لازم اتسوينها بس اهم شي تكون الدكتوره فاهمه و شاطره

وانا اقول ان انت و ريلج ابدوا الفحوصات مع بعض لا تضيعون وقت احسن

مع اني اشوف في توقيعج انج معرسه من 9 شهور انا اقول تو الناس عالعلاج

الل اعرفه ان قبل السنه محد يتعالج

والله يرزقج انشاء الله

**كلي برآءه** · 2010-09-26, 00:47

انآ سقطت من 3 شهور وكان عمر البيبي ما كمل الشهر

ام حمني .. انآ قلت لريلي بنكمل سنه وبنفحص
قآلي لو حسبتي مع ايآم الملجه بنكون كملنآ سنه واكثر يلاآ بآجر بنرووح
مع انه كان رآآآآآآآآفض فكره العلاج بس شكله ربيعه حن عليه لانه عالج حرمته وحملت الحين ..

لو حد تعرف اكثر تخبرني ..

واهم شي دعواآآآتكم لي

**bint_alzaabi** · 2010-09-26, 03:06

ما يحتاي تعالجين شي لانج ماشاء الله حملتي وريلج مايحتاي يتعالج
بس افحصي شو سبب الاجهاض

**newmama** · 2010-09-26, 04:18

ربنا يرزقك الزريه الصالحه حبيبتى
اب اب اب اب

**أم اشجان** · 2010-09-26, 07:05

دامج حملتي قبل ماله داعي تخلينهم يلعبون فيج فديتج ...
بس روحي لها وقوليلها انج اجهضتي من قبل وتبين تتفادين ها لشي مره ثانيه وخليها تعطيج الحل ..
بس ريلج مايباله فحص دامج حملتي من قبل انتي روحي وخليها اتابع معاج وان شاء الله خير ..
مع اني انا بديت علاج من بعد ماكملت سنه وكم شهر من عرسي لانه الدكتوره كانت تقول لي ماشي علاج قبل السنه وانا بعد كنت اقول ع الله ..

**ياقوته** · 2010-09-26, 07:42

الغاليه

فعلا انتي ما كملتي السنه

فلا ادخلين عمرج بعلاجات وغيره

ويفضل انج دام حملتي بس تعرفين سبب الاجهاض
يعني سوي فحوصات للاجهاض فقط

مثل الاجسام المضاده والجينات

وربي يرزقج في القريب العاجل ان شاء الله

**عنيده بطبعي** · 2010-09-26, 12:43

شرات ماخبرروج البناات ......

انا شراتج حملت من كم شهر وطااح اول اساابيع وكملت سنه وشوي ...

ماعلييج الا تتوكلييين ع ربج .

بس عند اي دكتوره بتتعالجين ؟؟؟؟

**nano1984** · 2010-09-26, 13:06

ربي يوفقج ان شاء الله وتطمنينا عليج اليوم ...

بخصوص الفحوصات .. دامج اخترتي دكتورة مقتنعه فيها ان شاء الله

هي بتكون الأكفأ عنا ... بخصوص الاجهاض في الأسابيع الأولى

مش شرط يكون في سبب رئيسي عادي أغلب الحريم في بداية زواجهن يحملن ويجهضن

في الأسابيع الأولى وهذا يعتمد ع جسم المرأة والتغيرات الي تحصل عليه في بداية الزواج

أهم شي تتأكدين من سلامة الرحم .. والمبايض .. والتبويض ...

ولا يمنع انه ريلج يسوي فحص من الحين ...

عشان ما تبتدين علاج قبل ما تتأكدين من سلامة ريلج ان شاء الله ....

**هجورا** · 2010-09-26, 13:48

الله يرزقج الذرية الصالحة المعافية

**ام جيهان** · 2010-09-26, 15:58

خليها تسويلك فحص لهرمون الحليب
اللى تسقط ويخترب مواعيد دورتها
بيكون ارتفع معاها هرمون الحليب
وعلاجه بسيط ان شاء الله
الله يرزقك الزريه الصالحه يارب
يارب ارزقها الأبن البار الصالح البار لوالديه

**hind25** · 2010-09-26, 16:11

كفوا ووفوا البنات وان شاء الله نسمع عنج الاخبار الطيبه اختى كلى براءة

**مياسوه** · 2010-09-26, 16:25

الله يرزقج فالقريب العاجل ,,,, وبالنسبه للفحوصات هيه الى بتطب الفحوصات اللازمه والضروريه ^^

**đł3.šтчłıšн** · 2010-09-28, 14:41

كيف تحسبييين ايام الملجه اختيييه >.<

الموضوع: بآجر ببدى علاجي الجدي

أدوات الموضوع

عرض

العرض المتطور

بآجر ببدى علاجي الجدي

المزيد من آخر المواضيع من نفس القسم:

المواضيع المتشابهه

بآجر بآجر بأجر بإجر /‏ ببدأ ‏‏!‏‏!دخيلكن ‏الفزعه بدعيلكن والله

..||ازاله الشعر بمراره الجدي..فيديو..~

لا تنـــــــسي (( ليـــــــلة الجدي ))

ما هى اخر امنية لك؟؟؟؟؟؟؟؟ للنقاش الجدي

باجر ببدى ساعدوني