حالي من حال الخداامه

**al3yo0on 2009** · 2010-09-25, 17:39

حبييييبتي الريال دوم اول شي يحط نفسهـ

وانتي حاطه نفسج اخر شي !!!

يعني حريمه الثانيات عايشات حياتهم كشخة ورزة ووظيفه

وانتي لااا !! عشان ريلج

ليش هم سوو عشان ريلج جي !!

لا طبعن ريلج يبا الحرمة القوية الكشيخة

المزيد من آخر المواضيع من نفس القسم:

**انثى بس غير** · 2010-09-25, 17:59

الله يعينج

**الأمل الساطع** · 2010-09-25, 18:02

حبيبتي مابا اعق اللوم عليج بس بصراااحه انتي غلطتي يوم تخليتي عن كل شي عسب ريلج..
يعني ودرتي كشختج .. ودوامج .. واهملتي كل شي عشااانه ..

لكن الرياال مايبا الحرمه كخداامه للاكل والشرب وبس ..!
يباا وحده اول ما ايي يشوفها كاشخه ومهتمه بعمرها عشاانه .. يبا وحده لها كيانها وشخصيتها بين الناس..

اصلا هالشي لو انتي سويتيه انتي شخصيا بترضين عن ذاتج..

حبووبه قوومي راجعي روحج وابدي بالتغيير ..

**نـادره** · 2010-09-25, 18:58

والله اختي محد قالج !! انتي روحج اعترفتي انه شكلج اكبر من سنج

ليش انتي تشوفينه اهم وهو مايشوفج اهم !!

حبيبتي الريال مايحب الحرمه اللي تهمل عمرها حتى لو كانت مب مقصره معاه .. يبا يشوف الانوثه فيها

حاولي تغيرين عمرج

**المـHــآ** · 2010-09-25, 19:57

للرفع

**بنوتة اماراتي** · 2010-09-25, 21:35

الخوات ما قصرن

حلو اهتمامج ببيتج و نظافته والطبخ بس مب معناته تنسين نفسج و تنسين انج انثى؟
مهما كان لازم توازنين بين الامور
ولا تخلين اهتمامج به او بغيره يطغى ع اهتمامج بنفسج
حبي نفسج ،، لا تحرمين نفسج من اللبس و الكشخه ما اعتقد في وحده ما تحبها
وهالشي طبعا المكان الوحيد اللي ترومين تاخذين راحتج فيه هو بيتج!
البسي ونوعي في لبسج من تنانيرو بناطلين و في الالوان لبسي الوان فرفوشيه وخلج اخر ستايل
صدقيني حتى نفسيتج انتي بتتغير
وهالاشيا سويها سواء كان موجود او عند زوجاته الثانيات لا تحسسينه انج تسوين هالشي عشانه ابد
ردي اشتغلي اذا في مجال و اذا ماشي دخلي دورات يعني طلعي لج شي تشغلين نفسج فيه و ينفعج في نفس الوقت

بعدج صغيره و الله و لا تخلين كلامه ياثر فيج وينزل من ثقتج بذاتج
وولدج علميه يحترمج و لو قال شي لولدج عنج مره ثانيه ردي في وقتها علميه يحترمج و علمي ولدج انه هالشي مب مقبوول ابد

والله يوفقج

**الملاك الحالم** · 2010-09-25, 21:38

الغالية عطي الريال حقوقه بس لا تنسين حقوقج ، يلستي تراكضين ورا رضاه وراحته ونسيتي عمرج وشو النتيجة يا ترى ، بشو يازاج بحرمتين ، ترى في مجال للثالثة إذا تميتي على هالحال

الله يصلح حالج ويهدي ريلج

**أم اشجان** · 2010-09-25, 21:43

الله يهديج ياقلبي انتي روحج تقولين عن نفسج انج ماتهتمين ولا شي فكيف تبينه هو ايي صوبج
عليج براحتج ونفسج اول شي وماعليج منه اهم شي انج تعطينه حقه حالج حال الباجيات وهب لازم تسوين كل شي عنده غيرج خلهن هن يسون له ..
وولدج علميه من الحين يحترمج ومايقولج جذيه لانه عقب مابتقدرين عليه وكلمي ريلج مايعلمه ها الكلام ..
والله يهديه لج وايسر امرج ويصبرج ويفرج عليج

**مــزون** · 2010-09-25, 23:00

32 عمرج وعيالج يعطونج 40 ويزقرونج يدووووه حرام والله

هذا مال اول انه الحرمة تهمل عمرها وما تتكشخ وتعيش حياتها حق ريلها وعيالها

الحينه الحرمة لازم تهتم وتستوي اميرة وملكة وعندها خدم يهتمون بالبيت
هيه تامر خدمها انهم ينظفون ويعدلون وهيه تحط لمساتها بس

باجر ان شاء الله قومي سيري الصالون سوي فيشل وقصي شعرج سويلج تسريحه وصبغي لونه باللون الدارج ولا تسيرين اي صالون سيري صالون راهي واللي فيه يعرفون حق القصات والصبغات

وعقب سيري السوق واشتريلج لبس لونه فاتح وفرايحي ، ويوم بتردين البيت البسيه وافتحي شعرج وحطيلج الميك اب وعطري عمرج باحلى العطور والدخون والبسي طقم مجوهرات خفيف ، وايلسي شربي العصير وطالعي قناة روتانا سينما واضحكي

وقولي حق عمرج كل يوم بيكون ( حقي انا ) وشويه ( حق عيالي ) و اللي بيبقى من يومي ( حق ريلي )

ويوم حد بيغصص عليج ولا بتحسين بضيج ولا شي يكدر عليج ، قولي حق الريل عطني بيزات ، ولا اتصلي باي ربيعه من ربيعاتج وقوليلها ابا اسير الكوفي شوب ، اتعدلي واكشخي ولبسي حجابج واظهري معاهن واشربوا كوفي لاتيه وكلي جيز كيك وما عليج من حد لا ريل ما يقدر ولا عيال ما يحترمون

^___^

**نجمة الفجر** · 2010-09-25, 23:58

الريال يحب الحرمه اللي ما تعطيه سالفه وبعد بيركض وراها.

أما اللي تخدمه بعيونها أبد ما يسأل عنها لانه ما راح تقول شي ..

طنشيه وأهتمي بنفسج ترأ نفسج لها حق عليج .. حب نفسج دلعي عمرج

ودعي ربج يهدي ريلج ويحنن قلبه عليج.

**لقائنا فالجنة** · 2010-09-26, 00:58

الغالية انتي مب كبيرة ولا شي.. 32 بعدج .. فيه حريم أكبر عنج بعشر و15 سنه وماشالله اللي يشوفهن يقول بنات في العشرين.. لانهم واااااااايد يهتمون بأعمارهن.. وعمرها الحشيمة والأخلاق الطيبة ما تأثر على كشخة الوحدة ودلعها في البيت.. حشمتج وسترج مطلوب برع البيت وجدام المحارم.. بس جدام ريلج لالالالا وألف لالالالالالا..

والله لين اللحين اتذكر كلام ام ربيعتي "وهي مصرية" من كم سنة يوم ربيعتي كانت مالجة.. قالت اللها : "ترى الريال يحب زوجته تكون له في البيت ........ "بما في معناه صايعه".. وتكون أستر وحدة لما تطلع معاه جدام الرياييل.. وانا فعلا حسيت ان كلامها صدق من خلال تجارب كل ربيعاتي.

وبعدين اذا انتي بتمين تفكرين في بطن ريلج ما بتخلصين.. حطيلج شغالة وعلميها طباخج.. واهتمي بعمرج وعطي نفسج حقها.. انتي ما بترومين توفين ما بين تربية اليهال ورعايتهم وتطعيمهم وتغيير ملابسهم وغيره وغيره.. والاهتمام بزوجج والاهتمام فالبيت.. ترى واالله واااااايد عليج.. وحرام ربنا قال "لا يكلف نفسا إلا وسعها".

اهتمي بنفسج وسيري اللعبي رياضة وسويلج جدول للصوالين.. مرة بدكير ومرة حمام زيت واستشوار ومرة صبغة شعر وقص شعرج وتغيير ومرة حنا ومرة تنظيف بشرة.. وبتشوفين شكلج شو بيستوي ونفسيتج بتتغير 180 درجة.. خذي الكلام من ناس مجربين.

سامحيني الغالية اذا رمستي كانت ثجيلة عليج.. بس والله بغيت لج راحة البال والسعادة.

**roqaya99** · 2010-09-26, 01:01

حبيبتي الاحتشام برع البيت مب داخله

**دلع العيم** · 2010-09-26, 08:54

يا الغالية اذا انتي تقولين عن نفسج خدامة !!!!
ف شو بيكون ردة فعله
حسسيه انج ملكة ، الريال مب همه بطنه
تغيري تغيري للاحسن اكشخي واطلعي وسوي لج حياة خاصة
غيري من نفسج علشان يتغير نظرته لج

**ديــايــه** · 2010-09-26, 09:27

انتي بروحج قلتي شو غلطتج ..

وتعرفينها .. بس بعد متجاهله ..

الغاليه الريال مايبا الحرمه اللي مالها كيان ..

ماسحه شخصيتها عشانه .. تبوس ريله .. تركض وراه

هاي يطفش منها .. ماتدخل مزاجه

الريال يبا الحرمه اللي يركض وراها .. اللي يدلعها

لها كيانها وتفكيرها الخاص ..

عنبوه بروحج اتقولين ماهتم بعمري .. واللي يشوفني يقول اربعين .. وولدج يزقرج يدوه

وفوق هذا كله بعدج تشوفين عمرج ماسويتي شي غلط ..

اقولج دشي مواضيع ناعمه الهاشمي وبتعرفين انا شوه اقصد ..

وروحج بتعرفين غلطتج انتي وين ..

**سنفونية** · 2010-09-26, 09:39

اهتمي في نفسج انت 32 بسسسسسسسس مب52

الموضوع: حالي من حال الخداامه

أدوات الموضوع

عرض

العرض المتطور

المزيد من آخر المواضيع من نفس القسم:

المواضيع المتشابهه

أنا ولا على بالي وهو يتقطع ياويل حالي من حالي

حالي لا يرثى له

حالي من بعد فجر؟

حالي صعيبه......................!!!!

يا ويل حالي على ......الطاااف !!!