حالي من حال الخداامه

**ام رشوودي** · 2010-09-25, 01:43

المشاركة الأصلية كتبت بواسطة mahra ahmed

حبيبتي

اللي اقدر اقولج اياااااااااااااااه

حبي ذاااااااااااااتج .. واكشخي لنفسج .. وعيشي حياااااااااااتج.. لاتقهرين نفسج ..

شي الثاني .. الريااااااااااااااااااااال يحب الجمال والكشخه .. فعرس عليج لان يبغي يكحل عيوونه بالحلال .. لانج اهملتي نفسج واهملتي ريلج..

وداااااااااااااااااام تعرفين ريلج يحب المظاهر والكشخه .. اهتمي في هالسوالف

**momo88** · 2010-09-25, 01:57

مرحبا ختيه كريزي سمحيلي على كلامي اللي بقوله ولا تعتبرينه تجريح لشخصج الكريم لكن كثر ما هو محاوله لتفتيح عيونج ...

-رخصتي من قدر نفسج في سبيل اسعاد ريلج وراحته والاهتمام بأكله وشربه ونظافة البيت حتى تملين عينه لكن للاسف النتيجه يت عكسيه تماما ...تخليتي عن شغلج ووظيفتج عشان تسهرين على راحته وتجابلينه (وما استبعد انج لو استمريتي في الوظيفه كنتي بتعطينه راتبج بارد مبرد لنج تحبينه) هل بين في عينه ابدا ...حتى من كلامج يدل على عدم احترامه لج ويقلل من قدرج بإنه يعلم ولدج يناديج بيدوه طنازه على أصولها ,,,,
-اول شي ياختي رفعي قدر نفسج عند نفسج نعم وعزيها وحبيها أكثر شي ,,,أكثر من ريلج وعيالج إذا إنتي أهنتي نفسج بالله عليج وصغرتيها كيف تبين الناس تحترمها وتقدرها !!! لا تنتظرين من حد الاهتمام أبدا اهتمي انتي بنفسج ...
- علمي الخدامه تسوي الاكل مب انتي كل الوقت ساكنه داخله متى تتفيجين حق نفسج وحق اهلج إذا اغلب الوقت تتفنين في الطبخ ومهمله نفسج !!!!!!! راجعي حساباتج ووازني
- في يلسه هاديه وبكل ادب اطلبي من ريلج يحترم نفسه لنج ما ترضين حد يهينج ما عليه عرس لكن مب يعلم ولده الصغير يناديج بلفظ انتي ما تحبينه وبيني له انج متضايقه من هالشي
-اشتركي في نادي رياضي او خلي مدربه تييج للبيت ادربج 3ايام في الاسبوع وقت ريلج ما يكون عندج
-سوي بدكير ومانكير وتنظيف بشره بين فترة وفتره مب عشاااااااااان ريلج لا عشان نفسج لا تنتظرين منه كلمة مدح
-لا تخلين ريلج محور حياتج وبس وتنسين اهلج وربايعج عشان سي السيد لا سيري وطلعي وزوري ربعج وتواعدن عيشي حياتج بما يرضى الله
-حافظي على الورد اليومي من القرآن الكريم والأذكار في الصباح والمساء وصلى على النبي كل يوم عشر مرات عقب كل صلاة وإلزمي الاستغفار لنه يفرج الهم .
-حاولي انج تقرين كتب تنمي الشخصيه وترفع الهمه حتى تزيد ثقتج في نفسج أكثر
-قدمي على وظيفه مره ثانيه واشتغلي حتى تكون لج شخصيه
-لبسي واكشخي في اللبس لنفسج مب عشانه هو ...دخيلج فتحي الكبت وغيري ثيابج ابدي من يديد رح تتغير نفسيتج صدقيني يمكن تنحرجين وتقولين لا كيف ألبس جي واستحي بيعلق عليه ...دخيلج خلج قويه والبسي وإذا علق تعليق سخيف قوليله أنا لابسه لعمري حق نفسي
-عودي لسانج على الرمسه الحلوه والكلام بحس خفيف وواطي ادربي لا تقولين ما أقدر
,,,,, أساس أي علاقه في الدنيا هي الاحترام ولازم تعلمين ريلج انه يحترمج ،،،،،

والسموحه إذا طولت بس حسيت بحرقه عليج وإنتي أكيد غاليه عند أهلج بس انتي أهملتي عمرج والله يسر أمرج ويفرج همج .

**العوف** · 2010-09-25, 02:05

اللہ المستعان

**Asooma** · 2010-09-25, 02:23

اهتمي بعمرج مب حق ريلج بس حق عمرج بعد

وخلي هالشي عاده عندج

انا اقووول سوي له لووك يديد وشوفي رده فعله

**or_nahyan** · 2010-09-25, 02:28

الله المستعان

**Maria_Louisa** · 2010-09-25, 02:40

سوي مثلهم

**иσ0σиα** · 2010-09-25, 02:43

يفضل المتبرجات عليي انا المتحشمه . . ؟

.........؟؟؟؟؟؟؟؟؟؟؟؟

شو فيها لو تبرجتي حبيبتي ؟؟؟

ترآج مآ تتبرجين حق خلق آلله ..!

ترآه ريلج .. حلج وحلآلج ..

زمآن آول آلريآل يبآ آللي تترس بطنه ..!!

أحينه آمبلآ بس 90% يبآ وحدة متعدلة متكشخة متزقرته مبتسمة ..

تفوح عطر .. ولآ فيهآ أي شي لو لبستي قصير ..!!

ترآج فـ بيتج .. سوي لج نيولوك ..

غيري آستآيلج .. غيري أسلوبج أصلآ ..

وعن آلطبآخ آطبخي .. محد قآل لآء حبوبة ..

بس مب 24 سآعة يآلسة تحآولين ترضينه بأي طريقة ..

هآييل آلريآييل .. مآينعطون ويه ..

حقريه .. أدي وآجبآتج آلأسآسية .. غير جيه .. لآء ..

وهيه صح ..!! أبدآ أبدآ لآ تخليه يهينج أو ينزل من قدرج حتى بعيون ولدج ..

ترآ عقب لي كبر ..! مآبيحترمج .. سيري آلصآلون ..

صبغي شعرج وقصيه قصه .. بدلي ثيآبج آلجديمة ..

خذيلج عطرين يدآد .. سوي منكير بدكير .. حطي لج منكير احمر صآرخ ..

تحني .. أول شي آنتي آللي بتحسين بثقة بنفسج ..

آنتي أولآ .. وولدج ثآنيآ .. وآلبيت ثآلثآ .. آخر شي ريلج ..

وسوري وآيد رمست ..!

**أول العنقود** · 2010-09-25, 03:03

غلط غلط غلط اللى تسوينه اكبر غلط
عيشي لنفسج عيشي لذاتج لا تعيشين عشان حد !
اهتمي بنفسج وحبي نفسج وذاتج ,,,, الريال يحب الحرمه المهتمه في عمرها وبيتها وعيالها وركزي على (عمرها)
هذاك اول الريال مايشوف غير الطباخ والبيت اللحين الزمن تغير والمغريات فكل مكان فالدوامات فالسوق فالتلفزون
حبيبتي حبه حبه حاولي تغيرين من نفسج وبنفس الوقت لا تهملين بيتج ,,,
وصدقييييني عمره الريال ماحب الحرمه اللى عاقه بعمرها عليه ومالها هم غيره

**الجـــوريـــ** · 2010-09-25, 06:30

والله يا اختي انتي السبب .. تتحرين شي زين انه الحرمه تنسى عمرها عسب ريلها !!!!!!!!!!!!!!

**قلوب العذارى** · 2010-09-25, 06:57

ردي اشتغلي وتفصخيله فالبيت اذا هالشي عايبنه لانه حلال عليه

**فاندين** · 2010-09-25, 07:32

كلام الحق ما يزعل بس عزيزتي انتي الغلطانة... ابصراحة ريلج ما ينلام زين منه انه ما ودرج وبعدج على ذمته...

ترا الرياييل ما يحبون الحرمة المسكينة والطيبة والي مسخرة عمرها حق بيتها وعيالها...

واكبر غلطة انج ودرتي شغلج عشانه... الوحدة يوم اتداوم مش عشان الراتب بس ... بالعكس الشغل يعطيج كيان واحترام وشخصية... ويخليج تهتمين بمظهرج وكشختج...

انا عن نفسي فالبيت اتعدل له واكشخ ومستحييييييل البس جلابية او دراعة حتى لو فخمة، كل ملابسي دلع حتى بجاماتي....حتى يوم اظهر من البيت وياه اكشخ عالآخر واتعطر واتخنن مع انه الحمدلله محد تارس عينه غيري...

وصدقيني الخوف هالايام مش من الرياييل الخوف من البنات الفاضيات الي يتمشن فالمولات لاشغلة ولا مشغلة الا انهم يتصيدون الشباب...

**فلونة** · 2010-09-25, 08:17

طرحتي مشكلتج والإجابات تخللت الموضوع

فديتج

تقولين ريلج يباج تكشخين

اشعنه ما تكشخين له؟؟

وشي ثاني.. هالزمن الريال ما يحب الحرمة اللي تسوي له كل شي

يحب الحرمة العنيدة اللي يخاف منها

رياييل آخر زمن

الحرمة الساكت يدوسونها.. والحرمة اللي تمد ايدها عليهم يحترمونها

عيشي لنفسج

هو فكر في نفسه

ما فكر فيج

**βĔŇt ûǻĘ** · 2010-09-25, 08:53

اكشخي وحبي نفسج
شوفي كيف بيركض وراج

**اعياد راضيه** · 2010-09-25, 09:00

نصيحتي لج تركي شغل البيت ويالله لأقرب صالون
سوي نيولوك
لااتخلين شي
صبغه شعر حف ويه منيكير كل لي عندهم ‏
محد احسن عن حد فديتج ‏
وشو انتي كبيره توج حرام عليج ‏
ولج الاجر ع صبرج ومعايرته لج

**رنوسي** · 2010-09-25, 10:10

الغالية بخبرج شي
( حبي نفسج ) ( حبي ذاتج )
لا تهتمين بالريال صدقيني طنشيه تفرغي لنفسج واكشخي وتعدلي وريحي راسج
وجربي شوفي ابو العيال شو يسوي
أهم شي دوري لج وظيفة وتوظفي وتكشخي وتعدلي ولبسي مفصخ وغيره
انتي ماراح تلبسين مفصخ برع البيت ، راح تلبسينه لريلج
وجربي فترة وعقب بتشوفين تغير ريلج
..

سيري سوي رياضة واهتمي بأكلج
اهتمي ببشرتج وجسمج
اهتمي بمكياجج وريحة جسمج
حطي عطور
اهتمي بلبسج وكشختج
لبسي جنزات وضيق وبرمودات وبلايز ومن هالسوالف
دبري لج وظيفة وروحي وظيفتج داومي

..

يعني بإختصااااااااااااااااااار اهتمي بذاتج الريال يحب الحرمة اللي مهتمة بنفسها
الريال يحب الحرمة المستقلة مايداني الحريم اللي يالسات ع جبده

وربي يسخر لج ريلج ويهديه ويهدي ولدج

الموضوع: حالي من حال الخداامه

أدوات الموضوع

عرض

المواضيع المتشابهه

أنا ولا على بالي وهو يتقطع ياويل حالي من حالي

حالي لا يرثى له

حالي من بعد فجر؟

حالي صعيبه......................!!!!

يا ويل حالي على ......الطاااف !!!