معاشي ما يسدني يا حرمه..!

**~ على مستوى ~** · 2010-09-24, 03:09

خليفه : شو تبين بعد..؟

حفصه : والله ابا عباتي الي فمحل .........

خليفه : بكم هاي..؟

حفصه : بـ2500 درهم .. و لا تنسى خواويري الي فالسوق ..

خليفه : وع كم بعد ..؟

حفصه : تقريبا هن 4 مخورات ووثنتين تلي بـ3000 درهم .. ولا تنسى تييب لي 4000 درهم عيديه حق هلي ،، تعرف انا ما اعيد اقل من 50 درهم للصغاريه وللكبار 100 درهم ،، وبغيتك تمر الجبره تشتري الخضره والفواكه .. وباتشي بعد بـ1400 درهم ،، ومر على هيل وزعفران وخذ عنه بـ1000درهم .. هيه ومر عليه بسير المول باخذ لي بدله للكشخه البنوتيه ..

خليفه : زين ..باي باي .......

حفصه : بلاك ترمسني بها الشكل....

خليفه : انتي خليتي شي ما بغيتيه .. اقول انتي تتحسبين عمرج ماخذه ولد الغريري.؟
حتى لو ولد الغرير بيشرد لو جيه مصاريفه ..@_@ .. انتي شو رايج تحلبين لج بقره من ذهب ،، يالله يسدج بعد .. لا وهذا من غير الحنى و الصالون والخ .. اقول لو طايحه على كنز شو بتسوين به ..
ابويه اسمعي معاشي ما يتعدى الـ35 ألف وانتي هات وهات وهات وكل مشترياتج بالآلاف المؤلفه ،،،، لا بركةٍ فيج من حرمه ،، لا ردج الله ..الله يلعن الحريم الي مثلج ...................الخ من السبات والشتايم

ويتم خليفه متهمم ،، أنا احينه بصرف على شوه وإلآ شوه .. مصاريف الحرمه الي ما تخلص ،، وملابسها الي فوق الـ500 درهم ،، لا والي باط جبدي العباه فوق الـ2000 عاد ما ادري يمكن الحرمه مركبتلها ذهب وإلآ شي...!
لا ومن غير الشنطه الي شارتنها فوق اـ24000 ...
لا ومن غير السياره يبالها تبديل آيل وتركيب تواير .. توايري من سنتين مب لاحق اركب لي يديده ،، مب رايم ابيم السياره ........ ولا برايم ايمع لبيت المستقبل ........!!

لا حول ولا قوة إلآ بالله لا حول ولا قوة إلا بالله ...
ويتم الريل يضرب الكف بالكف........

شو رايكم بموقف حفصه ،، وهل انتوا من ها النوعيه..؟ وإلا لا واذا هيه شو تحسين اذا قصر فيج لو شويه.؟ ^^واذا تعرفون حد جيه خبرونا عن مواقفكم وشو صـآر لهم عقب..

بانتظآركم

المزيد من آخر المواضيع من نفس القسم:

*** ام خماس *** · 2010-09-24, 09:10

الحمد لله مب لهادرجه اصرف ^^

ان المبذرين كاانوا اخوان الشياطين والعيااذ بالله0

**سوارة** · 2010-09-24, 09:38

معاشه 35 الف خخخخخ يا بخته
مصروفي انا وبنتي وولدي 2500 درهم والحينه وحده في الطريق وبيزيدني 500 يعني بستلم 3الاف والحمدلله يارب يسدني لين اخر الشهر ومستحيل اطلب من ريلي

**احلى بلوشية** · 2010-09-24, 10:26

خواتي شي فرق امبين التبذير والاسراف
الاسراف انج تشترين اشيا مثل ملابس واكسسوارات وغيره ونصهم ماتلبسينهم و اتعقينهم
اما التبذير مثلا تشترين اشيا محرمه .. مثل الزقاير وغيره

حبيت اوضحلكم مب اكثر

**بنتـ DXB** · 2010-09-24, 14:19

الحمدلله ما اصرف بهالطريقه يعني إذا بصرف بشكل كبير بيكون 3000 درهم لكل شي بس مب شهريا للملابس والعبي والشنط وهالسوالف اما المصروف الشهري حوالي 1500 وإلي يزيد احطه في الحصاله

**أم خالد الحلو** · 2010-09-25, 10:48

هلا حبيبتي

للاسف وااايد ناس جيه .. اهم شي عندهم يلبسون ويفصلون من أغلى الاشياء
وما يرتاح بالهم إلا اذا سووا جيه

يوم بتكملينهم .. بقولون احنا عندنا الحمدلله

المشكلة مب انه عندهم ولا ما عندهم .. بس هذا اللي يصير شي ما طبيعي

لين متى الواحد بيركض وراء الدنيا وبحاتي نظرة الناس

الواحد يعيش ويلبس في حدود ما يرضى رب العالمين ^_^

**البنوووتة** · 2010-09-25, 10:53

حرااااااام الاسراااف لهالدرجة من حقه يطفر ويشاتم

المفرووض الوحدة تراعي ريلها....صح ماتحرم عمرها بس بعد ماتكلفه فوق طاقته

والله يعيييييين

**ميعاد الحمادي** · 2010-09-25, 13:24

انا ممكن اصير جيي بحالة وحده...هههههههههههه اذا ريلي بفكر يتزوج الثانية خخخخخخخخخخخخ..

**أم محمد بلال** · 2010-09-25, 15:06

هههههههههههههههههههههههههه
ما اتخيل

بس تبون الصدق
اللي شافطة دم ريلها متادب و لا يفكر يتخلى عنها و اللي مهتمة و تراعي ما يسون لها سالفة

الله المستعان

بس نصيحتي
يا ايها الناس عليكم انفسكم

و اذا عنده فلوس مب شرط تصرفينهم كلها
فتحي لج حساب و وفري فيه الزايد من الفلوس

خو بعض الرياييل من تزيد فلوسهم يخف عقلهم

**دانتيلا _كيوت** · 2010-09-25, 15:42

ع حسب المناسبه بس الحمدلله مااصرف جي لول

**rozee** · 2010-09-25, 15:54

التخطيط والأتفاق بين الزوجين على وضع ميزانيه يحل مشاكل كثيره

**❥~S** · 2010-09-25, 16:03

هههههههههههههههههههههههه
فقر

**Asooma** · 2010-09-25, 16:24

لا حشى مب جييه

اصلن استحي اطلب منه بيزات خخخ

وبعدين ليش اكسر ظهره

**ريـف الصبآ** · 2010-09-25, 16:31

@_@

تصير وايد هالاشياء و وايد حريم يصرفن وبالهبل ومسكين الريال آخر الشهر يصفق اليمني على اليسرى خليه . .

الله يعين الرياييل ع مصاريف الحريم والله الوحده يسدنها 3 الاف شهريا وان تطلب الامر يقدر يزيدها باللي يروم عليه مب تكسر ظهره بالمصاريف اللي مالها داعي وانا اعرف وايد حريم من هالنوعيه . . .

والله المستعان

**شوق الدار** · 2010-09-25, 16:35

مصختا هاي بااال مب لهدرجه عاده الحمدلله ع النعمه والله ما نصرف هالكثر الله يعين الرياييل اللي حريمه شراتها

الموضوع: معاشي ما يسدني يا حرمه..!

أدوات الموضوع

عرض

معاشي ما يسدني يا حرمه..!

المزيد من آخر المواضيع من نفس القسم:

المواضيع المتشابهه

ما اشوف شي من معاشي.. ريلي ياخذه كله

بنات خطيبي يبي يسدد ديونه من معاشي بعد الزواج اتركه ولا لا؟

سادعـوني في تجزئة معاشي