حدث لصديقتي

[القصواء]

السلام عليكم بناااااااااااات
اللي ماعرسوا عندي لكم سالفه إن شاء الله تكون عبره للبعض
عندي صديقه عزيزه علي المهم تعرفت على واحد وحبته وهو حبها واستمرت العلاقه بينهم مده وبعدين ربيعتي إنخطبت واجبروها أهلها على الريال وهي ماكانت تبغيه وتبغي حبيبها..
المهم بعد الزواج إستمرت هي في علاقتها مع حبيبها(بالتيلفون بس لايروح بالكم لبعيد)وقامت تفتعل المشاكل بينها وبين زوجها وتتبلى عليه وتلصق فيه العيوب بس عشان تطلب الطلاق وتتزوج الحبيب..
المهم ترى زوجها كان ريال محترم ومتدين لكن الحب أعمى..
حصل الطلاق وبعدين ظغطت على أهلها عشان تتزوج الحبيب ..
تزوجوا ولكن....
بعد الزواج ظهر الوجه الحقيقي لهذا الحبيب اللي باعت زوجها الأولي اللي إختاروا أهلها من أجله..
طلع الريال سكير وأخلاقه زفته ودايما يسبها وينعتها بالعاهره والق.....
ويقولها إحمدي ربج إني خذتج عقب ماريلج طلقج يالساقطه ....ودايما يشك فيها ومايصرف عليها ويقولها إنتي اللي ركضتي وراي...
الخلاصه هذي نتيجة الزواج عن طريق العلاقات الهاتفيه والعلاقات الغير مشروعه ...
الوحده تحفظ كرامتها ولا إنه ريال يذلها لأنها كلمته قبل الزواج..
وربيعتي الحين تعض أصابعها ندم لأنها فرطت بالزوج اللي إختاروا لها أهلها...


إحذروا من الشباب اللي يقولون إنهم يبون يتعرفون عشان بعدين يخطبون كلهم جذاااااااابين ونذلللين
وما في شاب يتزوج وحده كلمها بالتلفون ولو تزوجها بيراويها الويل...

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فديت اماراتي]

صدقج ياختي الحينه بناات هالزمن هن اللي يلحقن الرياييل ..
تقوول أباااه حتى لوهو مايباني اباااه..
وآخر شيىء تنصدم..
مشكوورة اختي ونتمنى البنات يتعظن..

[Om 7aMda]

هذا شي طبيعي ...

البنات الحين يتحدون ويتنافسون على البوي فرند

الله يهدي الجميع

[شوفي_شموخي]

مب شرط يالغاليه

انا اعرف وايدين متزوجين عن حب والحمدلله عندهم عيال وعايشين بآخر راحه الحمدلله

والله لا يغير عليهم

بس اربيعتج غلطلت بهالشي عندها ريل واتروح تطلق منه وتاخذ غيره! هذي اكبر غلط سوته وشي طبيعي اتييها من هالرمسه وزود

الله ايسر امورها ان شاءالله

[دلوووعة أمها]

الله يهدي بناتنا .. والله يصبر اربيعتج ما لها غير الدعاء .. وها نصيبها فالدنيا .. الله يكون بعونها ..

[الحياة]

الله يستر علينا دنيا اخره
يهدينا على الصراط المستقيم

[سود المدامع]

صدقتي نعم

اللهم احفظ بناتنا يارب العالمين

[أحلى_عنيده]

الله يعينها على مابلاها..

[...(مريّة)...]

ما أبى أشمت فيها ، بس اللي استوى لها من خبز ايدها ،
الله يهدي بنات المسلمين جميع ويستر عليهم ،
تسلمين أختي على القصة ،

[مرت يوسف]

لا حول ولا قوة الا بالله العلي العظيم

الله يهديها ويستر عليها وعلينا يارب

[دمعة شقى]

ما جذبتي والله ..
حتى انا اربيعتي تزوجت اللي تحبه والحينه ريلها لمه اسير اصلي يفقل عليها باب الشقه
يخاف انه تواعد او شي من هذا القبيل
الله يحفظنا ويحفظ خواتنا وبناتنا من الذئاب البشريه اللهم آمين ..

[العنـــــود]

لا حول ولا قوة الا بالله العلي العظيم

[شذى دبي]

لا حول ولا قوة الا بالله العلي العظيم

الله يهديها ويستر عليها وعلينا يارب

[!! غرور !!]

الله يهديها ويستر عليها وعلينا ويحفظنا ..

[Alnajla]

الله يهديها بس هي اللي جنت على عمرها ...وهذا اللي الله كاتبنه حقها
خلت الريال المحترم وراحت عند الشراب
الله يعينها بس الشراب بيتم شراب وبيضربها وبيلعوزها وبيتم يشك فيها هم الشرابين جيه
حرام اتم معاه لأن لو يابت عيال بيضربهم وبتنجلب حياتها فوق تحت
والله كاسره خاطري