اقلهن مهرا .. اكثرهن بركه

[درة دار زايد]

السلام عليكن خواتي
ما عرفت وين اطرح موضوعي .. فحبيت اني اعرضه هني كونه من اكثر الاقسام اللي يتواجدن فيه العضوات ..
اول شي حبيت اوضح .. هاي مب مشكله اتخصني .. هي مشكله بسيطه اتخص اخت اربيعة امي <~ بس نحن واايد وياهن .. ووااايد انحبهن <~ فحبيت اني اساعد البنت

البنت بتعرس عقب كمن شهر الحمدلله .. بس لانها وايد وايد ملتزمه ما شالله عليها .. فما طلبت المهر والزهاب وايد .. يعني كان مهرها مع زهابها 30000 وريلها بعد ظروفه مب لهنااك وما يبى يحط ع راسه ديون .. يعني كل شي ع قد ميزانيتهم وبس
وهي الحمدلله مرتاحه .. <~ بس يالسه اتحاتي من وين بتيين فستان العرس !!
اي مكان انسير اقل ايجار 6000 .. والميك اب اقل شي 3000 .. شو بجالها من البيزات !!
بليز اللي تقدر اتوفرلنا فستان يكون راقي وفيه شغل بسيط على 3 او 4 او بالكثير بالكثير 5 اتراسلني <~ وبتكسب اجر في البنت
يعني يكون مثل هالستايل > مثلا < مافيه كريستالات واااااايد ويكون خفيف وبسيط


يعني مب شرط يكووون وايد كريستالات .. المهم شي خفيف وبسعر مقبول ..
ومشــكورات

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر