مشكله صعبه..

[شعش]

السلام عليكم

خواتي بعرض عليكم مشكله بعيده بعض الشئ عني ولكنها تاثر علي وعلى حياتي بشكل كبييييير جدا..

ام زوجي وايد طيبه وحبوبه بشكل كبير والحمد لله.. وابصراحه ما كنت اعرفها عدل الا بعد ما عرست وعشت وياهم فالبيت..
المهم.. بعد وفاه زوجها ب3 سنوات تقريبا.. اتقدم لخطبتها ولد خالتها..( طبعا مستغربين.. لان خالتي كبيره ويمكن بعضكم يقول انها لازم ما تتزوج بعد وفاه زوجها.. )
والريال اللي تقدم لها ريال محترم ومتزوج طبعا وعنده عيال كبار ومتزوجين بعد.. ومطوع

المهم.. عيالها رفضوا رفضا تاما.. وبالاخص زوجي
لانه ما يرضي يدخل اي ريال على امه بعد ابوه المرحوم.. ولانه معروف وسمعته ما شاء الله وااايد طيبه والكل يمدح فيهم وطبعا اذا صار هالزواج الكل بيشمت وبيرمس..
وغير كذا..
حرمه الريال اللى متقدم لخالتي تحترم خالتي وايد ويوم اتشوفها اتسلم عليها واتقول لها اختي..
وعيالها بعد يحبون خالتي ويبوسونها على الراس دوم
فكيف بكون موقفهم اذا عرفوا انه ابوهم يباخذ خالتي؟؟؟؟

المشكله ان خالتي مصره على هالزواج وتتحجج بالوحده والملل وانه ما فيه ريال مسوول عن البيت وعيالها مشغولين وما عندها حد تشكيله غيري..
وعرفت من كلامها انها ما راضيه على عيالها ويالذات زوجي
وطلبت مني اني افتح الموضوع وياه واشوف رده فعله

وفعلا.. انا يبت له الموضوع بطريقه غير مباشره.. وهو قال انه مستحيل يرضا
وعسا يموت قبل هالنصيب. (الله لا قال)
واذا هالشئ بيصير فهو ما راح يرضا انه هالريال يدخل البيت عندنا..
وانه امه لازم تطلع من البيت

ووصاني اقولها انه رافض نهائيا

وابصراحه اخافها تسالني واقولها واتصير مشكله كبيره وانا ما ابا هالشئ
هي خالتي ومثل امي
وهو زوجي وما ودي انه يتضايق او يستهم

شو رايكم يا بنات.. انصحوني

اختكم ف الله

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[حبيته بجنون]

فعلا مشكله عويصه ><


ماعندي حل للاسف غير اني ادعي لكم

ربي اييسر اموركم ان شالله ويكتب اللي فيه الخير للجميع

[قهر السنين]

الافضل منج ما تدخلين في شي ابدااااا ..
قوليلها انتي وعيالج تتصافون وانا احبج بس ماقدر ادخل بالمواضيع ..!
شوفي كوني محايده لافصف ريلج ولا فصف امه ..

افضل صدقيني اذا صار شي عادي يحطونج انتي في الواجهه .. وانتي في غنى عن هالاشيااء ..

[نجمة الفجر]

أممم صعبة....!!

بصراحه ما أنصحج تدخلين فيهم... عقب بطيح ع رأسج..

خليهم بروحهم يتفاهمون ويا أمهم ... والله يقدم اللي فيه الخير.

[bellegirl]

لا حول ولا قوة إلا بالله العلي العظيـــم

الله يهديهم ^^ !!

ليــش يدخلــون فحيـــاة أمهم ,, هذا برهـم بهـا !

أحــس من حقهـا تعرس صراحـة !

ومحــد له دخـــل عسب يمنـــعها عن الزواج ..

الولد مب ولي عن أمــــه ,, لكــن للاسف أمهم سمحـــت لهـم يتعدون حدودهـم

الزواج زينة الحياة , وحلال

ومافيهـا شي لو الحرمـة كبرت وقررت تعــرس دامهـا أرملـة الدين ما يخالـف هذا الشــي

سامحينـتي لكــن أحس ريلـــج وايـد تجرأ علــى أمـه الله يهديــــه

أنــا الي شغلنــي حرمـــة الريــال الي يا يخطــب بس ..

لإن ماشاء الله في بينهـم عشرة وعيـال

بيكـون الخبر وايد صعـب عليها ..

بس بالنسبــة لج غاليتي

أنا أنصـــحج تطلعيـــن من الموضــــوع

عسب ما تستوي بينك وبين عمتج حساسيـة أو بينـج وبين ريلـج لا سامـح الله

خبريها انج اتعزينهـا لكن هذا الشي خاص بج وبعيـالج وما اقدر أدخـل فيه لمصلحتكم ..

والله يوفــق أمهم للخيـــر ويسر لهـأ وتستـــانس ياربي

[Asooma]

موقف صعب بصراحه

انا اقول خلج بعيده احسن لا تدخلين بينهم

[دمووووع]

الافضل منج ما تدخلين في شي ابدااااا ..
قوليلها انتي وعيالج تتصافون وانا احبج بس ماقدر ادخل بالمواضيع ..!
شوفي كوني محايده لافصف ريلج ولا فصف امه ..

افضل صدقيني اذا صار شي عادي يحطونج انتي في الواجهه .. وانتي في غنى عن هالاشيااء ..

حبيت هالرد وانا وياها في كل كلمة تقولها

[شعش]

الله كريم ياخواتي

والله الموضوع اماثر على حياتي الزوجيه وااااااااااايد.. زوجي طول الوقت مهموم .. ما يحب ييلس فالبيت ويتنرفز بسرعه وصار حتي يدور راحته برع البيت

وحتى هو نايم والله يتكلم ويقول امي امي

وفنفس الوقت خالتي وحيده وملانه وزعلانه ومصره على هالزواج

الله يعين.. وازيدكم من الشعر بيت
هي خالتي
وهو زوجي
واللي متقدم لخالتي يصير..... خالي بالرضاعه ويحبني واااايد وانا كبر بنته

الله المستعان.. وان شاء الله تنحل السالفه على خير وانا مالي خص
بس هاميني كلهم.. الله كريم

[الوجود]

احس صعب جدا

انا حاسه بريلج...

لانه انا بعد ما اتخيل امي تتزوج عقب ابوي احس صعبه نا بنت واحس صعب كيف عيل ولد

ما اعرف الموضوع معقد

الام لها حق في الزواج لانه وحيدة بس صعب على العيال انهم يتقبلوا هذا الزواج

الله يعينكم

[دانتيلا _كيوت]

انتي ماايخصج في الموضووع
اذا ردوو سألووج تهربي من الموضوع

[خاتم من ذهب]

لا حول ولا قوة إلا بالله العلي العظيـــم

الله يهديهم ^^ !!

ليــش يدخلــون فحيـــاة أمهم ,, هذا برهـم بهـا !

أحــس من حقهـا تعرس صراحـة !

ومحــد له دخـــل عسب يمنـــعها عن الزواج ..

الولد مب ولي عن أمــــه ,, لكــن للاسف أمهم سمحـــت لهـم يتعدون حدودهـم

الزواج زينة الحياة , وحلال

ومافيهـا شي لو الحرمـة كبرت وقررت تعــرس دامهـا أرملـة الدين ما يخالـف هذا الشــي

سامحينـتي لكــن أحس ريلـــج وايـد تجرأ علــى أمـه الله يهديــــه

أنــا الي شغلنــي حرمـــة الريــال الي يا يخطــب بس ..

لإن ماشاء الله في بينهـم عشرة وعيـال

بيكـون الخبر وايد صعـب عليها ..

بس بالنسبــة لج غاليتي

أنا أنصـــحج تطلعيـــن من الموضــــوع

عسب ما تستوي بينك وبين عمتج حساسيـة أو بينـج وبين ريلـج لا سامـح الله

خبريها انج اتعزينهـا لكن هذا الشي خاص بج وبعيـالج وما اقدر أدخـل فيه لمصلحتكم ..

والله يوفــق أمهم للخيـــر ويسر لهـأ وتستـــانس ياربي

اختي الغاليه اسمحيلي
شو من حقها تتزوج ؟!!
لو كانت امج مكانها مابتقولين هالرمسه
بتسوين المستحيل عشان تمنيعنها ولا تفشلج جدام الخلق
ومثل ما للأم حقوق على عيالها ، تراهم هم بعد لهم حقوق على امهم
ومن حقوقهم عليها انها تحترم وضعهم الاجتماعي وتقدرهم ولا اتيبلهم الرمسه اللي ماتسر

حرمه يده عيوز عيالها اطول عنها وتبا تعرس !!
لا لا ، شي مب معقول >.<
لو هي عانس او مطلقه ماعندها عيال او ارمله ماعندها عيال بنقول تبا تعرس وتبدد الوحده اللي تعاني منها
بس هالحرمه وضعها مختلف ، عندها عيال واحفاد وحياتها مليانه ، عيب علهيا في هالسن وتفكر في العرس والريل
ع الاقل عشان عيالها ، ليش تحطهم في هالموقف المحرج جدام الناس
لا وبعد حرمة الشخص المتقدم لها تعرفها وتحسبها حسبة اختها
عنبوه بنااااات شاابااات ترملن وهن صغار ومافكرن في العرس عقب رياييلهن وآثرن العيش على ذكرى ازواجهن وتربية عيالهن ولا انهن يعرسن

الله يهديها ويسخرها لعيالها وتشل هالفكره من راسها

[ام راكـان]

قوليلها انا خبرته وهو قالي لا تدخلين في الموضوع يعني اسمحيلي يا خالتي ماروم اساعدج

وقوليلها احسن انتي وياه تتفاهمون لاني ماقدر اتدخل في هالمواضيع

[مشوطه]

الافضل منج ما تدخلين في شي ابدااااا ..
قوليلها انتي وعيالج تتصافون وانا احبج بس ماقدر ادخل بالمواضيع ..!
شوفي كوني محايده لافصف ريلج ولا فصف امه ..

افضل صدقيني اذا صار شي عادي يحطونج انتي في الواجهه .. وانتي في غنى عن هالاشيااء ..

انا بعد مع الاخت

[ابتسامة قمر]

خلج عنصر محايد

لا هني ولا هناك

عسب ما تتمشكلين


والله يكتب لكم اللي فيه الخير ,,

[عيون أبويا]

أبعـــدي عن المـــوضوع أحسسسن شىء ولا تتدخلين ولو فاتحتج في الموضوع قولي لها يا خالتي هذا الموضوع بينج وبين عيالج وأنا مالي كلمه فيييه
ولي فييه خير رب العالمين بيسره

حاولي تهدين ريلج عن ينفعل ولا يسوي شى وعقب يتندم علييييه خليييه يأخذ امه بالسياسه حرمه عيوز وصدقيني بيحن قلبها على عيالها
وخلييه يذكرها بعيال الحرمه لو عرفوا شوو بيكون موقفها هييه الحين الله يهديها لها عائلتين عيالها وعيال هذيج الحرمه ولو استوى الي تباه بتخسر عيالها وعيال هذيج الحرمه صح ولا أنا غلطانه

الله يجدم إلي فييه الخيير