شحاتة آخر زمن ................

**غلا@** · 2007-06-14, 18:33

خواتي العزيزات إذا شفتو هذا النوع من الشحاته في الشارجه

في بيبي شوب مره وفي الجمعيه مره حريم من الجنسيه العراقيه بعد مايشترن من اجود انواع النعل كرمكم الله واحسن المشتريات في الجمعيه ........ تيج تركض اتقولين مستوي شي ....... انا اتحسب انه خذيت مكانها لكن ايقولكم في شي صاير اكبر

:
اتقولي لوسمحتي ادفعي عن هذي المشتريات لأنه ماعندي المبلغ الي يكفي
قلت لها كم المبلغ الي عندج قالت عندي 50 درهم وهي شاريه النعــل بـــ320درهم بعد مش واحد حقها وحق العائله الكريمه

شورايكم بهذا النوع من الشحاته ؟؟؟؟؟؟؟؟؟

المزيد من آخر المواضيع من نفس القسم:

**LAMAR2006** · 2007-06-14, 18:44

اختي عندنا في سوبر ماركت نفس الحكايه

كانوا بنات ثنتين كل وحده تاخذ لها سله وتمليها من الى ومن الشوكلت السويسري كراتين << واثقه

واذا شافت احد جاء عند الكاشير عشان يحاسب قالت له حاسب عني مامعي وانا وانا
اعتقد انهم نيجيريات ومتغطين كنهم سعوديات

ومع انو كلمنا المسؤول وقال انه شايفهم جينا بعد مده وحصلناهم بعد يعني شكلهم متفقين يسرقون مع المسؤول استغفر الله ..

**3yo0on_Al_Maha** · 2007-06-14, 19:48

الله يعينا..

**rooza** · 2007-06-14, 20:26

لا بعد بزيدج من الشعر بيت مره كنت طالعه من العياده وسايره الصيدليه طبعا خذت الأغراض وأنا ماكان معاي بيزات يعنى مش ساحبه يتنى وحده عربيه الجنسيه وتمت تدعى لى وتقول كلام المهم هيه شحاته طبعا يالفشله

ماعندي بيزات عسب أعطيها وإذا عطيتها درهم ولادرهم مابيعيبها فقلت لها الله يعطيج وعطول صديت على أختى وقلت لهاعطيها الله يخليج لانى حسيت أنها بدت ترمس وتقول كلام مش أوكيه بصوت عالى وطبعا شافتنى طلعت البطاقه عسب أشخط قيمة مشترياتى إلا أشوفها تطلب من وحده تحاسب بس كيف ان تدفع قيمة مشترياتها أنتو تتخيلون قيمة الأدويه 420 الحرمه أنحرجت ودفعت لها طلعت من الصيدليه وأحنا راكبين السياره يت ورانا ونست أنها طلبت منى فى الصيدليه أوقولج أول مانزلت لها الدريشه أتخيلوا شوه قالت هذا الخير كله وتقولون ماعندكم ياأهل الإمارات أتخيلوا والله أنة عصبت جان أقولها تبين أزقر لج الشرطة أول مره أعصب :12 (44): على شحاته جيه هاي شحاته وتشرط ولا أجوفها دخلت محل سيدار جان أختى تقول الله يعلم شو بتطلب من الناس أهناكى....
لا بعد عند الجمعيه وبالذات إلى فى حلوان إتيج وحده نفس الشي بس تبيع لج

أيات قرآنيه تعلقينها فى السياره ولا على الجدار أتخيلوا بنات خذت من عندها على 10 دراهم الحبه أتخيلوا الأيات مكتوبه بطريقه ماعرف كيف لا بعد مجلوبه اللوحه وإذا ماخذتى من عندها تلصق لج فى الدريشه ماتخوز؟؟؟
الله ييعينا على الشحاتات أخر زمن

**دبويه2007** · 2007-06-14, 21:15

الله يعينا على الشحاتين

**3ali_mustwaha** · 2007-06-14, 22:53

هي ماره علي هاي الشحاته اللي تبيع ايات قرانية والله مره كنت واقفه عند ستي عيمان اتريا اخواني الا تيني تأشر علي اتحرى تبا شي مادري انها شحاته وشوي يبدا شريط المسلسل مالهم واطلع لي الايات قلت لها الله يعطيج ورفعت الجامه والحمدلله ان الباب مقفول وشوي اشوفها تبا تفتح الباب مالي..يوم ماشافتني اسوي لها سالفه يتني من جدام السياره بعد تأشر علي عنبوه ما تستحين؟؟ سويت لها اكبر طااف وشوي اشوفها سايره عند واحد من الشباب.. الله يعينا والله من هاي الاشكال

**غلا@** · 2007-06-15, 13:08

لازم نقضي على هذا النوع من الشحاته .......... في جمعيات خيريه في للبلاد ماشالله مم قصرين وي حد ان كان وافد او مواطن

**3solah** · 2007-06-15, 13:14

صدق إنها طرارة آخر زمن ..

**ع الابداع** · 2007-06-15, 17:00

والله هذيلا شو شايفينا ياسين ع بنوووووك

تلقينها تدعي عليج من وراج عطيتيها ولا ما عطيتيها ما ينفع وياهن

احسن شي طنااااش

**عالية الغالية** · 2007-06-22, 16:29

وانا بعد استوت لي هالسالفة كنت في مركز الشارقة صحي - عيادة حكومية - ومعاي بنتي الصغيرة

اشوف وحدة دبة و كبيرة في السن ويلست حذالي وسلمت وتمت تدعي لي وشوي قالت لي انا سرت مستشفى الزهراء والاشعة اللي طلبوها وايدغالية ع 1600 درهم

فساعديني

وانا والله ان ما عندي في شنطتي ولا فلس

قلت لها ماعندي

واستلمت وحدة ثانية

الله يفكنا من اشكالهم

**ليلى العامريه** · 2007-06-22, 17:59

أنا خواتي سالفتي سالفة مع الطلاّبات

مرة يتني وحدة وأنا مندمجة في الكمبيوتر أطبع

وفجأة تدخل وحدة متنقبة تسلم وعندها شنطة كبيرة :1 (3):

شكلهم مميز حتى قبل ما يكلمونج تعرفين الاسطوانة لي بتقولها

المهم انا بلعت ريجي من الخرعة شفتها تدخل ايدها في شنطتها

فكرت بطلع مطرقة ولا سكين :1 (4):

من وين بشرد عنها انا محاصرة هي واقفة عند الباب :1 (29):

الحمدلله في النهاية طلعت اوراق الطرارة :1 (8): :1 (8):

قلتلها اتوكلي على الله روحي الجمعيات الخيرية فاتحين ابوابهم

خفت اقولها طلعي بطاقة الهوية ولا الاقامة

خفت صدق تطلع المطرقة من الشنطة وأودع أهلي

والسموحة ،،،

**همسه طاعه** · 2007-06-22, 18:37

هههههههههههههههههههههه انزين سمعوا سالفتى غير مره كنت فى منتزه الجزيره فى الشارجه ولا لي بالعاده اروح بروحى بس كنت متضايقه وكان اليوم للنساء المهم كانت عندى بنتى سنتين ونصف واختها 3 شهور طلعت من الحديقه عشر ونصف فليل والوقت متاخر وريلي ما رد على التيلفون مدرى ذاك اليوم شو صارله ما يي قلت البيت جريب وبروح فى تكسي والشارجه امان المهم وانى على الباب الا خواتنا من الاردن رمستهن جيه شخبارج وشحالج ووووو المهم وين ساكنه وانى على نياتى ما تعاملت مع ها الشريحه عبالي الناس كلهم صادقين الغايه عطيتهم عنوان البيت وانا اتريي التكسي وكل ما يمر تكسي يروح واقول فى خاطرى شو بلاهم يمجن عبالهم كلنا بنروح مع بعض المهم بعدت عن البنات شوى الا تكسي وقف ودخلت معه واقوله العربانه وهو متضايق والبنات لزقه على باب السياره اونه يتعرفون المهم وين بيتج بنيج بيتي فى ......... هههههههههه والتكسي يحرك السياره بسرعه قبل لا اسكر الباب عنبوه شو فيه هاى وبعد كم متر يقولى انت شو فيج اى واحد في طريق تعطيه بيتكم وتيلفون ؟؟؟؟خخخخخخخخخخ عاد ان سكت وودى اضحك معقول شو يقول قالي ماتعرفينهم هاى بنات كل يوم يروح بيت ناس يتمسكن ياخذ صدقه الف الفين ما يخلوج ههه رمست بتانى المهم وانا عاد معقول .....المهم وصلنى ونزل العربانه داخل البيت وقال شوفى ماما مره ثانيه لاتروح بروحج ولا تعطي رقم بيت اى احد والله يزاه الله خير والله فيهم الامان عاد من يومها وانا ريلي على ريل ريلي

الموضوع: شحاتة آخر زمن ................

أدوات الموضوع

عرض

شحاتة آخر زمن ................

المزيد من آخر المواضيع من نفس القسم:

السلام عليكم ورحمة الله وبركاته ،،،

المواضيع المتشابهه

شحاتة الصغاريه في الجمعيه