طلقني ..

*** نور الهدى *** · 2010-09-17, 21:47

لا تندمي لأنك حاولت ترجعي لزوجك
لأن الله يحب الذي يبدأ بالسلام أولا ويصالح أولا ً والاثم على الذي لا يرد ولا يصالح
كسبت أنت الثواب وهو تحمل الاثم
والآن امسحي دمعتك يا غالية
لأنك دمعتك جدا غالية غالية
وفكري كيف تبني شخصيتك من جديد وتطوري ذاتك
استمتعي بحياتك لان الحياة قصيرة وهي أثمن من أنك تضيعيها بالأحزان على رجل بصراحة لا يتساهل منك ان تفكري بذكرياته لثانية
مثل عندنا في بلدي
لا تزعلي على الذي راح لأن القادم أجمل
ولك مودتي أخيتي

**ام حلوين** · 2010-09-17, 21:57

المشاركة الأصلية كتبت بواسطة الوفيه

قوي ايمانج بالله ولا تذلين عمرج عليه
ليش تشترينه وهو بايعنج ؟ اذا مايباج
خليه مصيره بيندم ، وخاصة اذا السبب
كان تافه ويوم بيجرب غيرج بيعرف قدرج
خليه على راحتج واحمدي ربج ان ماعندج
عيال منه ولا جان تلعوزتي اكثر واكثر
الحين حاولي تشغلين وقتج باشياء
ثانيه ، قضي وقتج باشياء تحبينه
اطلعي ويا ربيعاتج ، خواتج ، اهلج
يلسي عالنت ، اقري ، مارسي
هوايتج ، سيري البحر اي شي
المهم ماتفكرين فيه واذا بغى يردلج
لا تردين له بسهوله لاااا استخيري
مره ومرتين وثلاث ، صح كلام اهلج
يمكن طلاقج منه خيره لج ، والله
يعوضج وايسر امرج ويسعدج

**عبير الشوق8** · 2010-09-17, 22:42

لا حبيبتي....الريايين هب شراات بعض...فيهم الزين وفيهم الشين...وفيهم النذل ...وفيهم المخلص....من دام انه باعج برخيص بيعيه ببلاش...انا بعد اتطلقت كم من شهر....ومريت بنفس الحاله والسبب الطلاق سخيف....بس حبيبتي هي مشاعر طبيعية أي بنت تحس فيها....حبيبتي صلى وقومي الليل وادعي ربج انج تنسيه لانه اصلن ما يستاهل وحدة شراااتج....مشكلة شباب اليوم واااااايد مستخفين بالزواج.....عبالهم لعبة....وحاولي تتذكري مساوئة واغلاطة....وانت ما تتنازلين تفكرين بواحد شراته لانج عندج عزة نفس وكبريااااااء....لا تحاتي حبوبة....انا بنات المنتدى يزاهم الله خير نصحوني يوم كتبت عن موضووووعي والله كلامهم عسل .....اخليج عندهم ان شاء الله وبفيدونج ....وان شاء الله ربي يرزقج برياااال يحبج ويقدر مفهوم البنت....ولا تحطي في بالج الرياااايل كلهم نفس الشي....ترا قلت لج....ربي يوفقج بحياتج حبوبة وسمحليلي طولت عليج الغلا....

**مسايل55** · 2010-09-17, 22:47

لا تزعلين اختي كل شي قسمة ونصيب وبعدين خليه باجر بيعرف قيمتج واخاف الا شايفله شوفه

**عمري زايد** · 2010-09-17, 23:06

الله يعينج والطلاق شي صعب عن تجربه بس فتره ان شالله وبتعدي حاولي تقوين نفسج ..

**القبيليه** · 2010-09-17, 23:06

الله بيعوضج سيد سيده والله انه اخيرلج دامنه مايحبج ترا بيي يوم انتي تكرهينه وبتندمين عالساعه اللي عشتيها وياه ودام ماعندج عيال حمدي ربج وابدي صفحه يديده لاتخلين الماضي ياثر عليج المستقبل احلى وكشخي واهتمي في عمرج وبييج اللي بيعوضج الاول والتالي بس اهم شي لاتفكرين ورا فكري فالمستقبل وابدي صفحه بيضا
والله يوفقج يارب

**شمسه المرر** · 2010-09-17, 23:06

مااعليه

الله يعوضج بخير منه ياارب

**x_sweetya_X** · 2010-09-17, 23:13

لا تذلين عمرج حبيبتي

و انسي و ربي بيعوضج بالي احسن عنه

يسعدج و تيبين ذرياتج و انتي بسعاده و وناسه

كمن كلمه حطيهن في بالج :

لـــــي مــــــــــــا يـــــــــبــــــــــــاكــــــــــ لا تـــــــــصــــــــــيــــــــــــــــــح تــــــــــــــبـــــــــــاهـــــ

و عيشي دنيج سعيده و مرتاحه لو انتي بس حسستي عمرج بهالشعور صدقيني بترتاحين عقي همج وراااااا

في غيرج مطلقين لكن عندهم عيال و متلعوزين حتى ينحرمن من الزوااج مره ثانيه عشان ما ينشل العيااال منها ...

**كيمة براتا** · 2010-09-17, 23:25

فديت رووحج لاتضايقين ,,خليه يولي هذا مافيه خير لوفيه خير ماطلقج ع سبب تااافه .. وهوو مايستاهلج والله بيعوضج بوااحد احسن عنه

**AL-jawaher** · 2010-09-17, 23:31

والله الفراق صعب وخاصه اذا تعودتي على الشخص وتمسكتي فيه

الله يكون بعونج الغاليه ويصبرج على بلواج

**اللبوة البيضة** · 2010-09-17, 23:34

عزيزتي اللي مايباك لا تصيح تباه ومهما كان سبب الطلاق تراه صار مادامه باعج مثله مايشرفج يكون لج زوج واحتسبي امرج عند الله ولا تقولين احبه حاولي تنسينه وخليه ماضي وعيشي حياتج والله يعوضج خير وبالزوج الصالح

**ريحه المسك** · 2010-09-17, 23:44

وعسي ان تكرهوا شئ وهو خير لكم

يمكن هذي بدايه حياه يديده ........

**فيء** · 2010-09-17, 23:46

هونيها و بتهون ...

لا هو اول ريال و لا اخر ريال بالدينا ...

هذي هي الحياة ...

لا حزن يدوم و لا فرح يدوم ...

و عسى هالتجربة المؤلمة تكون خيرة لج ...

ما تعرفين باكر شو بيصير ...

اهم شي رضا رب العالمين ...

و لاتكدرين خاطرج ...

و خلج قوية و شجاعة ...

الانسان التجارب القاسية تقويه ...

و الحمدلله ما بينكم عيال و الا أموركم بتتعسر أكثر ...

ما عليه الغلا ....

تفاءلي بالخير ...

و بإذن الله نسمع عنج اخبار حلوة قريب

**نجمة الفجر** · 2010-09-18, 00:05

الله يعوضج خير حبوبة..

رب ما كاتب لج ما تستمرين وياها.. كله نصيب والوحده ما تعترض هالشي.

اللي يشوف مصايب الناس أتهون عليه مصيبته.

**ملكة الاحاسيس** · 2010-09-18, 00:09

معرف شو اقولج بس اكيد حالتج النفسية مبينة من خلال كتابتج لوضعج المعنوي

لكن اقولج ما بعد العسـر الا يسر .. وعد الله المؤمنين واتوكلي على الله .. وادعي .. بس ماله حق ياخذ الاطفال ابدا ً

الموضوع: طلقني ..

أدوات الموضوع

عرض

المواضيع المتشابهه

طلقني

اذا انت ريال طلقني ..

ماكفاه طلقني.............

طلقني وانصدمت؟؟

طلقني قبل ساعة