استفسار بخصوص الحمل

**h2h** · 2010-09-14, 11:30

السلام عليكم

شحالكم بنات وامهات ^_^

انا الحين كملت سنه وشهرين

بس للحين ما حملت .. ربنا مب رايد للحين

راضين بقضاء الله ومتى ما الله راد بيرزقنا ان شاءالله

بس قلنا بنسير نطمن

وسرنا عيادة اوراس عقب ما كملت سنه يعني قبل شهرين

سوت لي فحص عالمبايض وقالت ما فيهم شي والحمدلله

وسوتلي انا وريلي تحليل وعقب التحليل قالت كل شي اوكي وما فيكم شي

وعطتني فيتامينات لاني وقت الدوره وايد اتعب من النوع اللي مول انتهي واموت ههههه

المهم قالت لي صبري شهرين وان ما صار حمل تعالي

وانا كملت شهرين بس مادري اسير لها ولا اصبر بعد شهر او خلاص

وقالت بسويلج فحصل لقناة الفالوب فالرحم

سؤالي هاي كل الفحوصات ولا في اشيا ثانيه لازم اسويها ؟

ونتصحوني اسير واشوف شو بتقولي للمره الاخيره ولا خلاص اصبر

المزيد من آخر المواضيع من نفس القسم:

**أحبه الغالي** · 2010-09-14, 11:37

بالعكس أشوف هي باديه معاج صح وبالتدريج غيرها على طول منشطات ودامها أول شي تأكد من التحاليل والسونار مافي شي لازم تتأكد بأشعة الصبغه من الانابيب وشكل الرحم إن مافي إلتصاقات إن شاء الله وإذا ماصار حمل يفضل تسوين منظار رحمي هي عمليه بسيطه تحت البنج مثل الفحص النسائي بس بيدخلون كاميرا يتأكدون من كل شي وإن شاء الله مافيج إلا العافيه والله يرزقج الذريه الصالحه قرة عين

**.. محتارهـ ..** · 2010-09-14, 12:02

..

ان شالله ما فيج الا العافيه و ربي يرزقج عاجلا غير اجلا ..

يقولون الدكتوره حسنيه قرقاش وايد شاطره بها السوالف .. و حتى اوراس شاطرهـ ..

..

**h2h** · 2010-09-14, 12:57

شكرا حبوبات ^-^

عيل بمرها هالايام وبخليها تفحص لي قناة الفالوب

وعسى خير ان شاءالله

بما اني مخلصه من الدوره من يومين وكملت شهرين من الموعد اللي طاف

وبشوف شو بتقولي وبخبركم

**هدااااااااوي** · 2010-09-14, 13:37

كملي العلاج عندها لان ربيعتي كانت تتعالج عندها وحملت ان شاءالله بتحملين جريب والله يفرح قلبج ويرزقج بالذرية الصالحه

**روح الشامسي1** · 2010-09-14, 13:43

احسن شئ تسوين بعد فحوصات الهرمونات
والله يرزقنا ان شاء الله

**وردتبسم** · 2010-09-14, 13:55

اااااااااااااااب

**nano1984** · 2010-09-14, 14:01

مثل ما قالن الأخوات ...

أهم شي انج بخير وفحوصات الهرمونات أوكي ...

باقي قناة فالوب .. اطمني عليها وان شاء الله كل أمورج أوكي تكون ...

وفي وايد حملن بعدها ...

وخليها تشوف لج هرمون الأنسولين ... ترا أحياناً يكون مرتفع ... وكثير من الأطباء يهملون هـ الفحص ...

وان شاء الله ما عليج باس .. وربي يرزقج الحمل السليم المعافى ويرزقنا وياج اللهم آمين آمين آمين ...

**أجمل اللحظات** · 2010-09-14, 14:54

اختي كملي العلاج وياها وتراها دكتوره شاطره تعالجت عندها وقالت لي انتي لازم تجربين التلقيح الصناعي او اطفال الانابيب
وان شاء الله الله بيرزقج وبيرزقني وكل صابره بالذرية الصالحه عاجلا غير اجل

**نهر الحياه** · 2010-09-14, 15:08

استخيري ربج وشوفي نفسيتج مرتاحه تكملي

بس ماخبرتينا عمرج كم اذكر وحدة من الأهل تاخرت سنتين

قالت لها الدكتورة انتي صغيره لما دخلي 23 روحي شيكي ع نفسج

سبحان الله من دخلت 23 حملت ..

الله يوفقج

**^%سمر%^** · 2010-09-14, 15:28

ربي يرزقنا الذرية الصالحة ...

**بنت المسافر** · 2010-09-14, 15:31

سوي فحص الهرمونات
للرفع

**3yoon Ba3'dad** · 2010-09-14, 15:35

توكلي على الله وسيري لها ولا تخلي الوقت يمر عالفاضي وإن شاء الله تكون هي سبب والله يكتبلج الحمل بالقريب العاجل آمين يا رب العالمين

**الجريحه_555** · 2010-09-14, 16:24

للرفع

اللهم ارزق كل وحدة تتمنى الحمل بالذرية الصالحة عاجلا غير آجل اللهم آمييييييين

اللهم عاملنا برحمتك

وبشر الصابريييين

اللهم إني أحمدك على كل المحامد ما علمت منها وما لم أعلم وأشكرك على كل النعم ما علمت منها وما لم أعلم.

ربي لا تذرني فردا وأنت خير الوارثييييييين

**وفية حق زوجي** · 2010-09-14, 18:31

اتوكلي ع الله وسيري كملي علاج عندها وانشالله الله يرزقج الحمل الغالية

الموضوع: استفسار بخصوص الحمل

أدوات الموضوع

عرض

العرض المتطور

استفسار بخصوص الحمل

المزيد من آخر المواضيع من نفس القسم:

المواضيع المتشابهه

بخصوص حبوب منع الحمل

بخصوص الحمل والدورة

سؤااال بخصوص الحمل

بخصوص موانع الحمل

عندي استفسار بخصوص الحمل ؟؟؟؟؟؟؟؟؟؟