ريلج مع الشعر الطويل ولا القصير خخخ

**al-jo0oharh** · 2010-09-12, 01:31

ياااااااحي الله من حدر صفحتي قربن قربن اتقهون خخخخ

ششو العيد وياكن

وشحال فلت الشعر ههههه

عطاري فلة الشعر

تعالن اباكن شوييه

قربن اذونكن

ريااااييلكن يحبن الشعر الطويل ولا القصير

افكر اقص شعري هالفتره

بس امايتي طبعا مانعتني اتقولي يازين الشعر الطويل

ستر للمره يوم القيامه

واخوي يوم بغا يتزوج وندور له تشرط ان مرته يكون شعرها طويل

واخوي العود متحلف لمرته انها ماتقص شعرها مع انه مكعت

حلوه مكعت هههه

بس مايباها تقصه

هااااااااااااااااا

وانتن

يلا كل وحده ادش اتخبرنا

وتقبلو لقافتي

هع هع

المزيد من آخر المواضيع من نفس القسم:

**x_sweetya_X** · 2010-09-12, 01:37

مرحبااااااااااااااااااااااااااااااااا aljoOoharh حبيت أول من يرد على موضوووعج

يالي مواضيعج طررر خخخخ بما أني من الملاقيف الي تبا اتعرس هههههه

بس حبيت أقولج حلات البنت الي بشعرها الطويل فديتني احم احم قبل كنت ابا اقص بس

الوالده رافضه ف ما احب اعصيها او اكدر خاطرهااااا

الصرااااحه البنت الي شعرها طويل لها هيبه كبيره الصرااااحه

و السموحه أشكرج على الطرح المميز

**al-jo0oharh** · 2010-09-12, 01:42

المشاركة الأصلية كتبت بواسطة x_sweetya_X

مرحبااااااااااااااااااااااااااااااااا aljoOoharh حبيت أول من يرد على موضوووعج

يالي مواضيعج طررر خخخخ بما أني من الملاقيف الي تبا اتعرس هههههه

بس حبيت أقولج حلات البنت الي بشعرها الطويل فديتني احم احم قبل كنت ابا اقص بس

الوالده رافضه ف ما احب اعصيها او اكدر خاطرهااااا

الصرااااحه البنت الي شعرها طويل لها هيبه كبيره الصرااااحه

و السموحه أشكرج على الطرح المميز

وانا اقوووووووول صفحتيه اشقايل منوره اثاري الزينه راده عالموضوع يازينج زيناه ويازين لقافتج

ترى خويتج شراتج ملقوفه بس نبي نتعلم ونشوف هالرياييل شو يحبن عقدو بنا هههههههههههههه

صقتي والله

البنيه اللي شعرها طويل الها هيبه عسب جي تنصك بعين بسرعه خخخخخخخ

لازم انحافظ عشعورنا ومانفلها الا قدام بعاليلنا هههههه حلوه بعاليلنا

تسلمين ياعيوني عطلتج الطررررررر

**الغر الحشيم** · 2010-09-12, 01:51

انا مب متزوجه بس احب الشعر الطويل ^.^

شعري وايد طوييل و غلييظ ما شاء الله و ما افكر اقصه .. و احب افلّه في الاعراس بس يهزبوني العيايز لول

اتذكرت قصيدة الشاعر المرحوم راشد الخضر :

سنقباسي ناشـل الراسـي
والهوى يلوي على ازلوفـه
خوروا له ثـوب مدراسي
واستحى الخوار مـن يوفـه

نتريا تجارب المعرسات

و تسلميين يا الجوهرة على الموضوع الغاوي

**اذكروا الله** · 2010-09-12, 01:52

انا شعري لين الركب و مستحيل اقصه

**Lotus5** · 2010-09-12, 01:52

موضوع خفيف لطيف أختي الجوهرة

همممم انا مب متزوجة ولكن مرت علي وايد مواقف من أهلي تخص الشعر ,عمي مثلا يكره شي اسمه شعر طويل ههههههههه و مخلي حرمته تقص شعرها لين تحت الأذن بشوي تخيلي ,يموت على الشعر القصير و نفس الشي أخوي أبد ما يحب الشعر الطويل و مشترط نخطب له وحده شعرها قصير ...شي عجيب , أما الوالد و الوادة الله يحفظهم و يقومهم بالسلامه يحبون الشعر الطويل , بس يوم سويت مسح كامل في العائلة و احصائيات مكثفة اكتشفت ان عايلتنا غير الناس ههههه يفضلون الشعر القصير !!!
صحيح و للناس فيما يعشقون مذاهب

حفظك الرحمن من كل شر

**Dubai's pearl** · 2010-09-12, 02:04

الشعر الطويل تاج جمال البنيه

صدق رووعه ..اذا انا بنيه و اتخبل على الي شعورهن طويله وين الشباب ؟؟؟

عن نفسي ريلي وايد يحب شعري لانه طويل وما يخليني أقصه ولا أصبغه ( لونه أسود) مع انه دوم في خاطري أصبغ ..

لو تلاحظون البنت يوم تكون عاديه او حليوه الشعر الطويل يزيدها جمال ...

^_^

**pretty girl..** · 2010-09-12, 02:13

أنــآآآ عن نفسي أتخبل ع الشعر القصــــير..ههههه.. لكن ريلي يحب الشعر الطويل... فطولتــه حقــه ومــآ يخليني أقصــه مــووووول....لكن ربيعتي ريلهــآ يتخبل ع الشعر القصير يقولهـآ جآن ترومين تقصينه زياده قصيــه...يحب الشعر البوووي مررة @ــ@ وعلى حسب رغبة كل وآآحد الرياييل ومتطلبآتهم مآ تعرفين لهم..^ـ^

ربي يحفــظج حبــوبــه..^ـ^

**دلوعه بيبي** · 2010-09-12, 02:14

انا يوم كنت بنت شعري طويل ولا احب اقصه...
ويوم انخطب ريلي استانس انه شعري طويل ...
بس من عرست كل مرة شي ...
مره ريلي يحب الطويل ولا برضى اقصه ومرات جي يدق فباله يبى قصير...
على حسب يعني ^_^

**ليتني قربك** · 2010-09-12, 02:18

طبعا طوييييييييييييييييل حلووو

و لااااااا

قصييييييييير ..
المهمــ أنااا

فدييتنية

**elle** · 2010-09-12, 02:27

انا احب الشعر الطويل بس شعري وايد خفيف و منتف حتى فروة راسي تبين

فاقصه لاني ف كل الحالات ما اطلعه

**القلب 2009** · 2010-09-12, 02:34

أنا شعري قصير
بس ريلي يحب الطويل
أنا اقصه للتغير

لانه لو طويل احس أني بفتحه وبستوي هندية وناقص الوردة عند الأذن خخخخخ
بالقصير حركات ودلع وغير الصبغات

لأني احس اذا صبغتيه وهو طويل مايبرز

وبث

**غرشوبة السمر** · 2010-09-12, 02:36

طبعا نحن الملقوفات لازم نحدر مواضيع المتزوجات

الحين السؤال ريلج شو يحب؟؟

الحين من وين اييب لج ريل عشان ارد ع السؤال

هههههههههههههههههههههه

ثوالف

الشعر الطويل حلو

انا شعري كان طويل ركزو كان طويل ومع الايام تحلل مدري شو ياه منتف يالله نمشي عالموضة

صار الشعر المنتف موضة خخخخ

وبعد فيه بنات الشعر القصير وايد حلو عليهن مب كلهن طبعا

وتسلمين عالموضوع الحلو الخفيف

^^

**al-jo0oharh** · 2010-09-12, 02:49

فديييييييييييتكن والله

وشحلاتها فلات الشعر

اختي الغر الحشيم عيبني مقطع الشعر ما تقصرين

اختي اذكرو الله ماشاء الله تبارك الرحمن على شعرج

وتسلمن خواتي عطلتكن الاروع

**الروح }--** · 2010-09-12, 02:57

انا اموووووت واتخبل ع الشعر القصير
صح الشعر الطويل حلو عليه بس عوقي القصير
عاد المشكلة انه هو مايحب الا الطويل
وكل مرة يشوفني فيها يشوف شعري يقصر انش هههههههههههه
اخر مرة جكني قالي انا كل ما اشوفه يقصر مايطول شو بلاه

الموضوع: ريلج مع الشعر الطويل ولا القصير خخخ

أدوات الموضوع

عرض

ريلج مع الشعر الطويل ولا القصير خخخ

المزيد من آخر المواضيع من نفس القسم:

المواضيع المتشابهه

لــفـافـاـت الكيرلي مقاسات الشعر القصير - الطويل ودعي الفير الحار

لــفـافـاـت الكيرلي مقاسات الشعر القصير - الطويل ودعي الفير الحار