تجارب الشراء من النت

**joury_** · 2010-09-10, 17:04

السلام عليكم ورحمة الله وبركاته
كل عام وانتوا بخير وايامكم سعيده

مشرفاتي العزيزات السموحه مادري اذا فيه موضوع مشابه او لا لاني دورت ومالقيت (يعني بليز لاتمسحونه)ههههه

شخباركم مع مشتريات النت

اقصد تجربة الشراء من المواقع وبالاخص الاجنبيه لان جد والله الاسعار تفرق وااااايد بين الموقع والمحلات...والتنزيلات بعد

من وين طلعتوا بطاقة الشراء من النت مثل المدفوعه او الفيزا او غيرها وشو تجربتكم بهالخصوص(بالتفصيل)

وشو تجاربكم ويا شركات التوصيل اللي تفتح بريد في بريطانيا وامريكا وتوصل الطلبات

بليييييييييييييييييييييييييييييز نريد تفاعل عشان نستفيد من بعض اقوى شي(^_^)
واللي عندهم تجارب مع مواقع وسوالف حلوه بليز حطوا المواقع اللي جربتوها هني

++++++++++++++++++++++++++++++++++++++++++++++++++ +
ببتدي فنفسي اول:_
_____________________
1-طلعت بطاقة حكومة دبي الالكترونيه ب100 من بنك ابوظبي الوطني
10 رسوم
90 رصيد فالبطاقه
وعلى كل اضافة للرصيد فالبطاقه من مكينة ابوظبي الوطني(مكينة ايداع) 5 دراهم رسوم
والبطاقه تنتهي بعد 5 سنين تقريبا
2-فتحت حساب في ارامكس ب130 درهم وفيه بريد في امريكا وبريد ثاني فبريطانيا ومافيه تجديد للحساب او تاريخ انتهاء للحساب بس يوم يوصلون طلبيتج من الموقع اللي يكون طرشهم على حسابج في بريطانيا او امريكا يحسب لج على الوزن
مثال:-
نص كيلو ب شي وثلاثين درهم....وبس..
ويتواصلون وياكم بالريد الالكتروني والتليفون

الشي الاخير هو بس انج تفتحين الموقع اللي خاطرج تشترين منه وتسوين ساين اب وتدخلين البيانات المطلوبه وتبتدين فالشراء..
________________________
واللي عندها خبره اكبر فهالمجال خذوا راحتكم وضيفوا
__________________________________________________ ____
وحيا الله كل وحده بتنور موضوعي وبتتفاعل وترد وتفيد وتستفيد

المزيد من آخر المواضيع من نفس القسم:

**joury_** · 2010-09-10, 17:08

اذا شفت تفاعل(^_^) بحط لكم مواقع حلوه

**marayeem** · 2010-09-13, 00:47

المشاركة الأصلية كتبت بواسطة sweety sweet

اذا شفت تفاعل(^_^) بحط لكم مواقع حلوه

انا بعد ابا المواقع

**طلوع الفجر** · 2010-09-10, 17:15

انا في خاطري اشتري من النت بس متخوفة شوي

**أم كنه** · 2010-09-10, 18:45

انا دوم اتشرى بس مش من اي موقع لانه في مواقع بس تتقبل بطاقات امريكا حتى لو عندج حساب فامريكا لازم دايما تتاكدين من الموقع هل يوصل انترناشيونال قبل ماتطلبين من عنده

انا قبل كنت مطلعه سيرفر كارد من بنك ابوظبي الوطني وشفت تلعوزت وياها لازم اروح البنك علشان اعبي رصيد ودايما يخلونها على المكشفوف وتوهقت وياها فقطعتها

فصرت اسحب من نفس الحساب استخدم بطاقه السحب الالكتروني مالت المكينه هي ماستر كارد واقدر اشتري من النت بعد وهني اعرف حسابي شو فيه واقدر احول من الحساب بدون ماارجع للفرع

وفاتحه شراتج حسابات فارمكس امريكا ولندن بس لازم تحاسبين من بعض المواقع شي منها يتلاعبون وينزلون صور ماتخص بضاعتهم ويوم تطلبين يوصلج شي ثاني

**النقبية80** · 2010-09-10, 19:42

للرفع

**الوزيرة** · 2010-09-10, 23:59

انا نفسج بالضبط .. استخدم بطاقه ابوظبي الوطني .. حكومة دبي الالكتورنية وفتحت بريد من ارامكس ..

بس ممكن المواقع اللي عندي الغالية

**red apple** · 2010-09-11, 00:12

آنا عن نفسي

طلبت من النت شنط ^^

بس خليت تآآجرة في المنتدى تطلبلي

يعنى أنا اختآآر كل شي

و هـي تشوف اذا متوفر ولا لا

و تحسبلي قيمة الشحن و كل كل كل شي

و أنا احول حقهآآ الفلوووس و هـي تطلب و اطرشلي <<< فآآآكه عمري من عوآآر الرآآس خخخ

الي عندهآآ موآآقع تبيع شنط حلوة و لا اشيآآء ثآآنية بليييز تحطلنآآ ^^

**أخت جديدة** · 2011-08-11, 10:26

السلام عليكم ورحمة الله وبركاته.. أخواتي العزيزات في منتدى سيدات الإمارات، أولاً أحب أهنئكن بشهر رمضان المبارك أعاده الله على الجميع بالخير والبركة والعافية..
لدي سؤال:
وقبل السؤال قصة: أنا سويتلي بطاقة الدرهم الإلكتروني من بنك أبوظبي الوطني بعد ما قريت هذا الموضوع، عبيت البطاقة وفتحت لي بريد في الأرامكس في أمريكا ودول ثانية، عقب فتحت لي حساب في ال paypal وسجلت بيانات البطاقة وعنواني في دبي، لين هني كل شي تمام، يت المرحلى الثانية اللي هي مرحلة الشراء من النت، اكتشفت أن أكثر المواقع طريقة الدفع فيها هي paypal واكتشفت إني ما أقدر أغير الـ shipping address وأنا ماكنت أبا البضاعة ايطرشونها لي على عنواني في دبي، كنت أبا أسجل عنواني في أمريكا وما قدرت وكلمت الباي بال وقالوا لي مايستوي اتغيرين العنوان وكل يوم أراسالهم لين ما سكرت الحساب اللي عندهم لأني حسيت إني ما استفدت شي منه، المهم بعد ما سكرت الحساب قلت أحين بروم أسجل بيانات البطاقة وعنواني في أمريكا، لكن للأسف كل ما اسجل عنواني في أمريكا أو في الصين يظهر لي مربع إيقول: اني ما أقدر استخدم هذي البطاقة، راجعت البنك وقالوا: ما شي مشكلة في البطاقة، تحبطت لأني حسيت إني ما أقدر أستخدم البطاقة ولا أشتري شي مع إني جربت مع أكثر من موقع.. سامحوني ع الإزعاج لكن إذا في حد عنده فكرة واضحة، أو تقدر تشرح لي شو العنوان اللي كتبته في الباي بال أو الطريقة اللي تستخدمها عشات تشتري من المواقع الأمريكية ياليت إتخبرني..
وجزاكم الله خيراً..

**Pink Lily** · 2010-09-11, 00:50

انا ربيعتي تطلب لي من مواقع .. و الحمدلله التجارب ناجحه

**m&mz** · 2010-09-11, 00:54

انا ودي اخذ بس ما اعرف

**happy meal** · 2010-09-11, 01:40

عطونا المواقع الي تطلبون منها
انا جربت كم مره من amazon
و مره وحده طلبت منebay ( كانت سلسله افلام دزني الكرتون كامله)
و ناويه اطلب فرش من موقع sigma
بس ما اعرف مواقع وايد
من وين تطلبون ؟

**نورااااني** · 2010-09-11, 01:48

للررررررفع

**أحلام علي** · 2010-09-11, 02:00

ابي اسالكم شو احسن بطاقة تشترون منها اون لاين

^^

**LaurenChic** · 2010-09-11, 02:36

انا جربت اشتري من فيكوريا سكريت حقي وحق الوالده لأن وايد تحب اغراضهم ونظيفة
خذت شنطة حق استعملها للسفر من ماركة jessica simpson في موقع فيكتوريا سكرت

منو جرب يشتري من ebay وشو كانت التجربة ؟؟
ناويه اخذ غرض بسيط من عندهم

الموضوع: تجارب الشراء من النت

أدوات الموضوع

عرض

العرض المتطور

تجارب الشراء من النت

المزيد من آخر المواضيع من نفس القسم:

ما عرفت شو المشكلة؟؟!

المواضيع المتشابهه

تجارب الشراء من السوق الصيني في عجمان

الشراء من النت ؟؟

الشراء من النت ..

الشراء من النت

الشراء من النت