( ماتعرفين السنع!؟ ) @_@

**ملكان** · 2010-09-05, 21:52

سبحان الله وبحمده

**كتوف حبك كتوف** · 2010-09-05, 21:54

مثلن يوم حد يرد من العمره ويتصل ف البيت

مرحبا خالتيه شحالج شحال البنات ...

عمره مقبوله ...

جي

يعني ههههههه

**سعاده2** · 2010-09-05, 22:01

lo0ol

حلو الموضوع ترتيبيشن

خل عنج اول مارديت البيت اخوي تفشل مني قال لو مسفرينج الهند ماكان جذا حالج لول
اختلط ويابنات من جنسيات عربيه كثيرة

بس عقب اسبوع ردت رمستي واتيكيتي كان واضح هههههه

تسلمين حبيبتي عالموضوع الحلو ويزاج الله خير

**Baby-Batcha** · 2010-09-06, 07:43

هههههههههههههههه عافانا الله دشيتوا بدون لا تكتبون وين بيتعلمون الحين! خخخخخخخخخخ

ردوا اكتبوا يا حلوات!!!

ردوا على الي كتبته فوق! ف الموضوع خخخخخخخخ!

**Baby-Batcha** · 2010-09-06, 07:48

ههههههههههههههههههههه أم خماااس عليييييييييج سواللف خخخخخخخخ

**الخزآآآمى** · 2010-09-06, 07:56

لرفع ^^

*** ام خماس *** · 2010-09-06, 08:03

مرحباااا00مرحباا مليون او مرحباا ملااايين السااع

المعونه00عاانج الله ع طااعته

سلمي ع فلااانه00سلااامن يبلغ

فلااانه تسلم عليج00الله يسلمهاا ويسلم غااليج

مرحبااا00الله يرحبج ع فظله

واذا ربيعتج او اي انساان وصل جرييب له من السفر تقولين لهاا00تستااهلين النواال

واذا افتكرت اي حااجة تنيه حرجع للموضوع عنووني

**وحيده بزماني2** · 2010-09-06, 09:23

هههه ناايسووو
بكتب الحواار اوكيك لووول
رقيه:هلا ..مباركن عيدج
سبيجه:هلا فيج ..عساج من العايدين والسالمين
رقيه :شحاالج غلايه
سبيجه: طيبه طاب حالج من يداج؟
رقيه:بخير ربي يسلمج
سبيجه: مدييمه يااارب
رقيه: دامت انفااسج غناتي

وبث رقيه وسبيجه يعرفون السنع والحين بكتب الحوار الثاني (لدفشات )
صوومااا:الووووووووووه
جندراا:واللغثه
صومااا:حشى شعندج؟
هههههههه وهكذااا

**أمون @** · 2010-09-06, 10:24

اب اب اب

حلو

**alaserah123** · 2010-09-06, 11:30

السنع <<< في الافعال والاسلوب واللباقه ( ذرابــــــــــــــــــــــــــــــــــــــــــــــ ــــه) هاي الذرابه في الرمسه

إشحالج : يسرج حالي
شخبارج: بخير وسهاله \ بخير دامج بخير \بخير ربي يعافيج
علومج: تمام الحمدلله
شو امسويه: كل خير ان شاء الله \ مامن يديد
شو الدنيا وياج : نحمدالله
وين أرضج/وين دراج :موجوده طال عمرج
وين سماج: فوقي خخخخخخخ \ موجوده طال عمرج

هلا: اهلين وسهلين \هلا بالغوالي
لبيه :تلبين في الحج ان شاء الله \ لبيتي حاجه ( يعني يعل تلبين في بيت الله )
سلامات: الله يسلمج \ربي يسلمج
ماتشوفين شر: الشر ما اييج ...... نقدر نقول بدال ما تشوفين شر ( خطاج السوء \ اجر وعافيه \مامن شر ان شاء الله \ما عليج شر ان شاء الله )
صحة :على قلبج...... نقدر نقول بدال صحه (حلو) : حلاج ربي او احلوت ايامج
كل عام وأنتي بخير : وانتي بصحه وسلامه
مباركن عيدج : عيدج مبارك وعسى الله يعيده علينا وعليج
أكرمكم الله: رفع الله قدرج
مايدة عامرة : ...... نقدر نقول نعمه دايمه
أحسن الله عزاج : احسنت
ماقصرتي: من طيب اصلج تسلمين \ اسمحيلنا على القصور

متفرقات من عندي <<< يوم حد يقولنا يعله مديم او حالن مديم او مديمه يارب ... نرد عليه الدايم عزك ونبض قلبك او نرد عليه الدايم عز من رباك
تسلمين <<< يسلمج ربي من كل عوق \ من قالها سالم \ يسلمج ربي لغاليج ومغليج \يحفظج ربي لغاليج ومغليج
ربي يحفظج <<< اذ وحده سايره والرد عليها يكون ويحفظج من كل شر
اذا وحده بتتخرطف او على وشك انها بطيح او طاحت او صابها شي فجاه <<< نقولها سلمتي وترد من قالها سالم او ربي يسلمج ..
اذا وحده لبست شي حلو وشفناه عليها نقولها يازين اللابس والملبوس <<< ترد زانت ايامج ولا عيونج الحلوه
واذا شفنا وحده شرت لبس يديد من غير ما نشوفه عليها نقولها لبس العافيه <<< ترد ربي يعافيج
واذا كنا نرمس عن نعال ولا حمام ولا شي قذر او زباله لاااااااااااااااااااااااااازم نقول << اكرمج الله \عزج الله \وانتي بكرامه ..

السموحه عاده طولت عليكن خخخخخخخخ

**شيوخ الامارات** · 2010-09-06, 11:51

آمــــــــــــــــــــــــــــــــــــــــــــــــ ــــين ولج مثله يالغاليه

**أحلام علي** · 2010-09-06, 11:53

وت از ذس

**غلا بوظبي22** · 2010-09-06, 14:03

مووووووووضوعج روعة وانا دووووووووووم اطيح في مطباااااااااااااااات الردووووووووود

**أتعبني غلاهـ** · 2010-09-06, 15:02

هههههههههههههههههههههههههه بـلـآج دآآشــة حــرب . . !

الغالية بجآوبج ع الي أعرفــه و الي مآعرفـه بتركـه لج ^.*

المشاركة الأصلية كتبت بواسطة Baby-Batcha

يوم يسألونج ولا يقولون لج .. :

إشحالج : الحمد لله - الله يسلمج و يعافيج
شخبارج: يسرج الحآل
علومج: تماااااام ماشكي بآآس
شو امسويه: والله مآكووو يديد أخبآآري بايتة خخخ
شو الدنيا وياج :عايشـة بالدنيـآآآ
وين أرضج/وين دراج : --------- شو ها بعد ؟ مااااااعرف !وين سماج: -----------

[ شو هالأسئلة ؟ ههههههههههههه ]

.................(( متفرقات))...................
هلا: أهلييييييين / هلا و مرحبـآ
لبيه : -------- أمبيييييه ماااااااااعرف ! ههههههسلامات: الله يسلمج
ماتشوفين شر: الشر ماييج
صحة : على قلبج ههههه
كل عام وأنتي بخير : و إنتي بخير و صحـة و سلامة
مباركن عيدج : علينآ و عليج و عسآ ربي يعيده علينآ بالخير
أكرمكم الله: -------- هههههههه ماعرف !مايدة عامرة : ------------ ويييييييه ماعرف !
أحسن الله عزاج : أحسنتي يزآج الله خير

ماقصرتي: شكرن هههههههههههه لالا-->> السموحة ع القصوور

و الله الموضوع فنتكييييييشن الحين بآآشوووف ردود البنآآت هـ‘ع

**فطمطم** · 2010-09-06, 15:04

يزاكم الله خير الموضوووع حلو

الموضوع: ( ماتعرفين السنع!؟ ) @_@

أدوات الموضوع

عرض

المواضيع المتشابهه

أبا أتعلم السنع !!

يوميات الرجل السنع بالصور.....

محتاره ماتعرفين شنو جديد العطورات الفرنسيه؟؟؟؟

الشاي السنع