سرطان الدم والحنة

**SAUDI-PEARL** · 2010-09-05, 02:54

السلام عليكم ورحمة الله وبركاته ....
بما ان العيد قرب ومعظم السيدات والبنات بيتحنون فهذي معلومه جديده بالنسبه لي قريتها في الجريده ان نسبة سرطان الدم في دولة الامارات اعلى من اي دوله عربيه اخرى لدى السيدات والتحليل الطبي كان ارتباط سرطان الدم بالمواد الكيميائيه التي تخلط مع الحنه حتى تعطي اللون الغامق ... الله يكفينا الشر ويبعده عنا وماشاءالله على البنات هنا ايديهم ماتخلى من الحنه ابدا ....

المهم يابنات وياجماعة الخير كل وحده عندها طريقه مجربه تسوي فيها الحنه لليد تصبغ غامق بدون مواد كيميائيه تخبرنا عنها

انا سمعت الحنه تخلط مع منقوع اللومي اليابس وزيت ورد كم نقطه وبصراحه ماجربته بس ودي بتجارب ثانيه

المزيد من آخر المواضيع من نفس القسم:

**çϋтê мéмë** · 2010-09-05, 04:25

اعوووذ بالله والله خفت
على كثر ماكنت متحمسه ادورلي حنايه اتحنيني .. بس احسني هونت عقب ماقريت موضوعج

عن خلطات الحنا لا ماعندي فكره ان شاء الله البنات يفييدنج

**mischocolat** · 2010-09-05, 11:20

الحنا ماتسبب سرطان الدم أبدا اذا انعجنت بشكل طبيعي يعني ماي وليمون وزيت وهالاشيا ووصية الرسول بالحنا ما أعتقد انها من فراغ
السرطان ايي من المواد الكيميائيه اللي تنخلط ويا الحنا يعني أشيا غير طبيعيه
وبعدين لمعلوماتكم سرطان الدم منتشر بكثره في الامارات بسبب ارتفاع زواج الأهل وهالشي يزيد من العوامل الوراثيه اللي تلاحق العيال لين سابع جيل وأكثر بعد
يعني مافي داعي للتخويف والتهويل بهالاسلوب

**.Um Hamad** · 2010-09-14, 23:13

جزاكِ الله خير

**جمر بارد** · 2010-09-15, 11:57

هو حنا البلاد ويا لومي وماي

وعقب ما تشلون الحنا افركوا بلومي

حلاته لون الحنا يي لونه عنابي الغامج وايد مب شي وعاده يكون مخلوط وياه اشياء

**اناناسة** · 2010-09-15, 12:31

عافاننا الله

قريته و لكن يمكن المقصود اللي يخلطونه مع الحناء ماشاءالله يداتنا و امهاتنا
و نحن من يوم صغار نحني شعرنا

انا من احيد و امي تحني شعرها و شعرنا

الحمدلله رب العالمين

الحين كل شئ يسبب سرطان باجر بيقولون لا تشمون هواء ترى يسبب سرطان!

**موزة الغفلي** · 2010-09-15, 14:46

السرطام ياي من الغثايث الاكلات المعلبه والمطاعم العاثره لي مانعرف الزيت كمن مليون ديايه مقلاي فيه انا كننت اطلب لختيه من كنتاكي في الاوت ليت والله في ذمتي كنت بزوع قدام خلقله من ريحه قلايهم ووحرمت اكل من كنتاكي حتى لو في البيت راغبوا البشاكيؤ لومره على السريع والخدامه تطبخ بتحس انه راعيت البيت مهتمه

الموضوع: سرطان الدم والحنة

أدوات الموضوع

عرض

سرطان الدم والحنة

المزيد من آخر المواضيع من نفس القسم:

المواضيع المتشابهه

علماء يكتشفون سبب سرطان الدم عند الاطفال وعلاج البشرة بالليزر يفاقم سرطان الجلد

الحمدالله تشافت من سرطان ف الدم ..

مستحيـــــــل .. الحضانة و سرطان الدم ( مهم لكل ام )

وين يعالجلون سرطان الدم في الامارات