السفر لتركيا

**um hind** · 2007-06-12, 23:01

ممكن حد يعطيني معلومات التاليه عن تركيا
---------------------------------------------

1- الجو في الصيف يعني شهر 6 /7.
2- اسعار البلد و الفنادق.
3- معاملة الشعب .
4- كم محتاجه لو بروح لمدة 10 ايام مع زوجي + طفل
--------------------------------------------------------------
في انتظار ردودكم

:1 (40): :22 (5): :22 (22):

المزيد من آخر المواضيع من نفس القسم:

**ام عبدالله2006** · 2007-06-12, 23:09

انشاء الله البنات الي عندهم خبره يردون

ما حبيت ادخل الموضوع من دون ما ارد

**شيوخيه عسل** · 2007-06-13, 16:43

هلا اختيه من ناحية الجوو اوكي يعني شووي فطيس بس فليل يعتدل

واسعارهم مقارنه بالدول الاوروبيه ارخص ..يعني اقدر اقولج متوسطه

اما من ناحية السكن فافضل انج تسكنين ف شارع اسمه تقاسيم بغلتهم ..

وعن الصرف وغيره فأنا ما اعرف لانه بعدني عمري 15 سنه خخ

واحلى شي ف تركيا اسطنبول ..والسموحه

**القلـ‗×منى×‗ـلب** · 2007-06-13, 16:47

هلاااااااااااااااا

اختي انا رحت ل تركيا قبل وعقب اسبوعين بروح ان شاء الله

الجو هناك رووووعة وخاصة لو رحتي اماكن الارياف

ووو تبين الصدق الاسعار مش رخيصة هناك شوي غالية بسبت الضرائب (خاصة بالمراكز)

و الاسواق اللي برع ممكن تلاقينها رخيصة

ولو رحتي سوق الخليلي فاسطنبول قبل ما تشترين اي شي ساوميهم لان بعضهم يغلي اول ما يشوف خليجيين

واسالي كذا محل قبل ما تاخذين اللي تبينه لان بتلاقين نفس الغرض بمحل ثاني وبنص السعر بعد

بتقدرين الميزانية عحسب اللي بتشترينه هناك بس مش اقل من 10000 درهم

و معاملتهم تختلف من شخص لاخر

عاد انتي وحظج هناك

واذا بغيتي اي معلومات زياده حاضرين

**زيــنة الحلوات** · 2007-06-13, 20:25

أنا سرت تركية من ثلاث سنوااات وكان في شهر 8 وكان الجو فناان الصراحة ومثل ما خبرووج أحلى شي إسطنبول ..لإن فيها كثير متاااحف وقصووووووووووور وااااايد بتنبسطين فيها لو إنت من النوع اللي يحب الآثااار والحضارات القديمة

عندج بعد الأرياااف ( يالاوا ) هذي ما أقولج عليها وااااااااااااااايد حلوة وااايد

بخصوص معاملة الشعب...فالشعب بكل قوة ومعنى الكلمة حراااااااااااااااااامي درجة أولى مع إمتياااز في النصب

ديري بالج عدل على الأغرااض لما تشلينها ويااج..والشنط ديري باااااااااااالج..لإنهم لما يشوفون ويااج شنطة يحومون حوم حوليج..كم من مرة شفتهم بعيني يسرقون الريال وهو واااقف يتفرج في المحل...

بعد أنا عني حسيت عندهم لئم عجيب على العرب بشكل عاام يمكن لإنهم دولة علمااانية ويمكن لإني تعااملت ويا أشخاااص كانوا خرطي...لكن البلد رووعة

الأسعااار هناااج غااااااالية ( مب رخيصة أبد ) خاااصة مع درجة الإمتياااز مالتهم في النصب ما بتحصلين شي رخيص لما يشوفون ساائح بيضربون السعر ب 10

وعلى العموم مني وعلي ما حصلت عندهم ذاك الشي المميز..كل شي عنا في الإماااراات لكن مادري إذا في شي مميز عندهم إسألي البنات عن الأشيا الغريبة من تركية

ولا تنسين تركبين في الباااخرة ...هيه صح..بخبرج..يوم تسيرين إسطنبول وتريدين تروحين الأرياااف لا تسيرين بالتاكسي...بيقصووووووووون عليج قص..بيااخذون على النقلية الوحدة يمكن 400 دولار أو أكثر ويمكن ياخذون على الشخص الواحد بعد..والمساافة من إسطنبول للأريااف 3 سااعات بالتاكسي وساعتين بالباااخرة ...بالباااخرة بيشلون عنج عن كل شخص حسب ما أذكر بما يعاادل 5 دراهم عنا
( مليون عن كل شخص )...ممم

تدرين ..بطلعلج صور من رحلتنا وبحطهم لج..إصبري علي لو تحبين...وبسألج ريلي ترى هو خبرة في تركيا..دوم كان يسير هناااج هو وأهله ويقعدون الصيف كله

خبريني لو بعدج ما سافرتي

**أمووون** · 2007-06-13, 20:38

هلا اختي...

ماشاءالله البنات ما قصروا...

وانا ما بكون زود عنهم... الفرق اني سايرتلها شهر واحد... يعني عز البرد والثلج

والحرامية ما شفتهم.. يمكن موسمهم في الصيف.... ههههههه

اسطنبول غالية شوي ... المولات طبعا..

وشارع تقسيم احس ما ينسكن فيه... هذا حق المحلات والمياحش بسس...

انا كنت محطية شوية صور وتقرير عن تركيا هههه وما خليت حد الا خبرته عنه.. بدوره وبحط لج الوصله...

وتسيرين وترجعين بالسلامة ان شاءالله وتستانسين

**أمووون** · 2007-06-13, 20:41

تفضلي هذا تقريري عن تركيا...

ان شاءالله يعيبج...

http://www.uaewomen.net/showthread.php?t=32863

**أم-موضي** · 2007-07-20, 23:25

مرحبا الغاليه يمكن انا تأخرت عليج بالرد المهم أنا من الناس إلي أسكن في يلوا وبصراحه عمري ماسرت هناك وإنسرق مني شي وأنا حولي 12 سنه أسيرها وإلحينه عمري 26 سنه الغاليه أنا أحب أسير تركيا وااااااايد زينه وحلوه وبارده من يلوا في منطقه إسمها تيرمل أو يوكجيدره هاي المنطقه ريفيه وكلها عرب وبصراحه أسواقهم ومحلاتهم معقوله بالنسبه لدول أوربا وأما اسطنبول سيري إسكني في تقسيم بصراحه بعد اسعارهم شوي مرتفعه الغاليه في اسطنبول تحملي من الحراميه يمكن فيه مثل ما نسمع بس عني أنا عمري ما تعرضت لسرقه
الغاليه إذا تبغين عنوان ناس أتراك يعرفون يتكلمون تركي وهم مكتب سياحي محترم يقدرون العرب بسياعدونج وااااايد اما عن الصرف إنتي وزجج أنا سرتها مع زوجي بصراحه ما لفتنا من غير التذاكر غير 17ألف بصراحه والسموحه

**جدايل** · 2007-07-20, 23:43

.. هلا اختيه ممكن أعرف أسم المكتب .. لأني مسافرة تركيا بعد باكر

**أم-موضي** · 2007-07-21, 00:13

إسم المكتب حسين وهو إسمه حسين هو من سكان يلوا في تيرمل واااايد بيساعدج وعنده شقق وعنده مواصلات بعد وبرتبلج رحلات في تركيا عموما يقولون تركيا ها أيام شوي أسعارها مرتفعه عموما هذا رقمه00905324152109
وفي مكتب الخضر بعد وهو وااااااااااااايد زين حتى في أسعاره شوي أرخص من حسين وإسمه ابراهيم ورقمه 00905324152109

**جدايل** · 2007-07-21, 00:17

هلا حبيبتي ... لو تلاحظين أن الرقمين متشابهين ؟؟؟؟

**أم-موضي** · 2007-07-21, 00:21

عفوا" حبوبه سوري
ابراهيم : 00905324152109

حسين : 00905326163238

الموضوع: السفر لتركيا

أدوات الموضوع

عرض