ديكورات شقتي !!!!!!

**ولـآء** · 2010-09-02, 23:34

هلآ بنآت

آنآ آلحين نآويه أثث شقتي
آنآ عروس ..

فحبيت آستفسر شوي بمآ آني صغيرة ومآ آعرف آطلع مملكتي على قولتهم بآفضل صوورة

حبيت آسأل آني لو آروح آيكيآ بحصل عندهم غرف نوم
تكون كلآسيك وهآديه بس نفس آلوقت تكون رآقيه وفخمه تنفع يعني حق غرف عرسآن ^^
؟؟

وشو في آيكيآ يمكن يفيدني للبيت عسب آخذه ؟

وبحصل اطقم فراش كشخه !

آمم وبغيت آسألكم كيف آرتب ديكورآت الصآله بحيث آنهآ تطلع فنآنه

وغرفه النوم شو آحط فيهآ غير الشبريه والتسريحه والكبت !
يعني آشيآ تضيف عالغرفه جمال وتناسب غرفه النوم ..

دخيلكم تكلموآ عن كل شي فديكور آلبيت
وكيف آرتب هآلغنفه وكيف آرتب آلسرير مثلآ وآلحمآم وآنتوآ بكرآمه
ومن هآلسوآلف

آبآ شقتي تكون حلوة وآيد وتعكس شخصيتي
^^

ومشكورآت مقدمآ

المزيد من آخر المواضيع من نفس القسم:

**golden lens** · 2010-09-03, 01:05

مرحبا الغالية..

غرف نوم ايكيا وايد سامبل وهادية..

انتي شوفي وبتعرفين قصدي .. يعني حق عروس شوفي مال هوم سنتر..

اما الجلسات والكراسي ممكن تحصلين ستايلات حلوة..

شوفي ها رابط كاتلوج ايكيا 2010

تصفحيه وحددي من الحين..

http://www.ikea.com/ms/en_CA/virtual...Catalogue.html

موفقة

**نورااااني** · 2010-09-03, 04:24

الله يعيييييييييييينج

**نهال بركات** · 2010-09-03, 07:09

جمعى صور لاكثر الديكورات اللى انتى تحبينها وقلدي الصور

**وهج الإمارات** · 2010-09-03, 08:09

انا عن نفسي .. ريلي فرش الشقه كامله ايام الملجه على ذوقه وكانت حلوة .. والحين كملنا سنه ونص من تزوجنا وحبيت اغير الشقه .. طبعا بما ان الشقه لفتره مؤقته تقريبا 3 سنين او اكثر بشوي

حبيت اني اجدد وبنفس الوقت بشي معقول .. فصبغت صبغ عااادي ساادهة بس الوان جريئه مثلا :

الصاله .. صبغتها كامل بنفسجي والغنفات نفسها الاوليه بس سوينا لها تنجيد وطلعت روووعه وطبعا بنفسجيه وبيج والزوليه بنفسجه وبيج .. وطبعا عشان نستغل المساحه فالشقق لنها تكون صغيره التلفزيون لازم يكون معلق عالليدار وعلقت لوحات بوردرها اسود لنه انسب لون مع البنفسجي وطلع روعه ..

والمكتبه لاااااازم فالبيت فعند مدخل الشقه خذنا رفوف من ايكيا و وزعنا عليها الكتب والمجلات بطريقه مرتبه وفرشت تحت الكتب مفرش مزخرف نازل وطلع احلى ..

وبالنسبه لصالتي فيها فتحتين باب علقت فيها مثل ستارة كديكور بس ودريشة البلكونه غطيناها بستاره بنفسجي وبيج

وطبعا ترتيب الصاله فالشقه يعتمد على تصميمها في شقق يناسبها فرش عصري وفي شقق ما يناسبها إلا الاشيا البسيطه بسبب حجمها وطبتعا الصاله لها كم باب وممر الممر يفتح عالصاله وصبغته اخضر ساطع وطلع واايد حلو وكملت عليها غرفة بنتي .. وغرفتي انا صبغتها فوشي واثاثها اسود .. وماشي غير الاثاث الرئيسي وحاطه حركات مال الشموع فوق الكوميدينو .. وبس

**دانتيلا _كيوت** · 2010-09-03, 20:01

لا ايكيا ولا هوم سنتر

روحي اوبشن في الكرامه روعه عندهم اشكااال تجنن

**أميرة الشعر** · 2010-09-04, 00:13

للررررررررررررررررررررررررفع

**FoOoTy** · 2010-09-04, 02:22

ديكور الشقة يعتمد على حجم الشقة اذا كانت كبيرة او صغيرة

ايكيا ممكن اتحصين عنده الفناتك وكماليات البيت
بس اذا تبين اثاث انا عن نفسي احب يونيك وذا وان

وكل ما كان الشي بسيط كل ما كان احلى وارقى ^.^

**ذعذاع** · 2010-09-04, 08:04

غرفة النوم حطي الابجورات الارضيه الطويلة... وممكن كرسي شزلون ..برواز صور ..شموع باشكال حلوة ومخدات

صبغي الوان ساده وهاديه وكسري اللالوان بلون الكنب او المخدات او السجاد والستاير

انتبهي لا تخلين بيتج مزحوم بالاكسسوارات

**خفقـــة قلــب** · 2010-09-04, 08:06

جزاها الله خير اللي حاطه الرابط

ويعطيكن العافيه ^^استفدنا .."

**القمــــرة** · 2010-09-04, 08:34

اهم شي البساطه بس اتكون في نفس الوقت راقيه

والالووان اتكووون حلوة ومب كئيه

في بيووت صاارفين عليها صرف بس وع فخاااااااااامه وديكور جامك ومب حلو

**حب أحمد** · 2010-09-04, 10:25

Q home decor

**alaserah123** · 2010-09-04, 11:14

ايكيا اثاثه واااايد سمبل ماحسه مال عرسان
ان شاء الله الخوات يفيدونج

**فاطمـــــــة** · 2010-09-04, 17:17

بما انج عروس احس ايكيا لا مو لغرف النوم ممكن تاخذين الكبت بس من ايكيا

بس السرير خذيه من مكان راقي مثل الحذيفة او المولات

اممم الكفرات روحي المردف سيتي عندهم كفرات للعرايس تجنن

الله يسعدج حبيبتي

الموضوع: ديكورات شقتي !!!!!!

أدوات الموضوع

عرض

ديكورات شقتي !!!!!!

المزيد من آخر المواضيع من نفس القسم:

المواضيع المتشابهه

اكبر مجمـــــوعة ديكورات متنوعــة .. ديكورات جبسية،صالآت، مطابخ، غرف نوم، غرف استقبال

ديكورات حوائط 2011,تصاميم ديكورات جدران2011,ديكورات جدارية2012

ديكورات ناعمه متنوعه وجدران مرصعه بالكريستال ديكورات 2010

ديكورات غريبة جداا لتزين منزلك .. تشكيلة ديكورات كووووول‎