لوني اسمر..........

**سحابة غيث** · 2010-09-01, 00:06

حبيبتي هذول ناس مرضى

صدقيني انج اعقل منهم هم جهله

الحين الله سبحانه وتعالى ما بيفرق بين خلقه في الحساب هم يفرقون عسب شكل

نصيحه اي وحده ترمي عليج رمسه ردي عليها عشان نفسيتج ما تتعب

قوليلهم لو تقدرون تخلقون ضفري اخلقوا

لا تحطمين عمرج وفكري بطريقه ايجابيه لا الزواج ولا الوظيفه لها دخل بالشكل أو الألوان

كل شي نصيب وارزاق موزعه عزيزتي

والله يوفقج ان شاء الله وثقي بالله سبحانه وتعالى

كلام الناس جارح بس تأكدي غيره من شي معين ^^

تحياتي لسمارج الحلووووو

**q6rat 3esal** · 2010-09-01, 00:07

فديتج والله

عمره اللون والشكل مانقص ولا رفع من قدر حد الا عند الناس اللي يهمها الظاهر والمريضه في نظري

فديتج ياما ناس بيييييضه وحلوه لكن فاضيه من داخل او سوده من داخل وقلوبها مريضه ,, يعني شكلهم مافادهم

بالعكس مرات اشوف سمرات والله انهن يجنن لونهن ماعرف كيف حلوووووو ,،، ماشاء الله خصه يوم يحطن مكياج برونزي صدق روعه >>> كنت شايفه وحده فالصالون سمره وحاطه برونزي والله وايد جذبني لونها ماشاء الله لين احين اذكرها هههههههههه

وبعدين النصيب مايخصه باللون ,, انا اربيعتي سممممممممممممره خذت واحد قطنه من البياض والحمدلله مستانسه وياه

يعني مافيها شي هذا نصيب ومب معناته السمره محد يباها ,, ومب كل الناس نفس الشي ونفس التفكير في ناس عقولهم كبير تعرف ان الشكل واللون مب كل شي ,, تعرف ان النفوس والقلوب اهم بواااايد

خلج من هالناس الله يعينهم ع نفسهم وتفكيرهم المحدود ويشفيهم

حمدي ربج ع هالنعمه ولا تخلين كلامهم يأثر فيج ,, في ناس بس عايشه فهالدنيا للكلام اللي يغث وتتسلى بالناس وماتشوف عمرها قبل ماتشوف الناس ,, لكن مثل ماتقول عن الناس ترى بيي يوم وحد بيقول عنها وترى اللون مب كل شي الله خذ شي وعطا شي ومحد كامل فديتج

ماعليج من العوووووووووووذال هههههههه

**فديت ابوي** · 2010-09-01, 00:10

انا سمرررررررررره وافتخر

والي مب عايبنه ينتحرررررررررر خخخ

يا عوومري انتي يقولج

القشطه بيضا بريالين

والعسل اسمر وغااااااااااااالي

فديتج سوي طاف لا تشوهين تفكيرج فهنوعيه من الناس

الي فيهم مرض لان هم اصلا فيهم مرض

وعل طاري موضوعج انتي شوفي التلفزيون اليوم احس خلاص نسيت اللون الابيض

من كثر مايسوون تاان شفتي كيف يبون يوصولن مستوانا شجون وفاطمه الصفي وشهد الياسين ووو غيرهم من فنانات

**مناكير فوشية** · 2010-09-01, 00:12

المشاركة الأصلية كتبت بواسطة عليا القمر23

فديتج والله ماعليج من كلام غيرج وخلج واثقه من نفسج هذا اهم شي

وبعدين هذي خلقت ربج وايد بتشوفين وبتسميعن

**ابتسامة قمر** · 2010-09-01, 00:25

ليش معورة راسج .!!

انتي لازم اتزيدين ثقتج بنفسج
ومااتخلين كلام الغير يأثر فيج

طنشي حياتي
وعيشي حياتج فيما يرضي ربج

واشعليج من رمسة الناس
طاف وحياتجـ ..

**اشراقة أمل** · 2010-09-01, 00:33

وااااااااااااااع من وين ازيد هاي الثقة بالنفس

مرات يوم افكر بيني وبين حالي اقول يمكن عندهم حق مافي دخان من دون نار

بس الحقيقية انه مافي انسان مثالي وانا مؤمنة بهذا الشئ

بس العيب فيه انا لاني ادور الدعم والثقة من الناس

مالت علي

مرة كنت في مطعم كنتاكي

واحد من الجنسيات العربية يشتغل في المطعم كان يقول: كل ماشوف وش البنت دي استغفر الله

قام زميله في الشغل تخانق معاه

!
!
!

**العيووووون** · 2010-09-01, 00:34

الله خلقنا في احسن تقويم

ما علييييج من حد

ثقي في نفسج وخلي كلام الناس ورى ظهرج ^.^

**سحابة غيث** · 2010-09-01, 00:36

ردي عليهم بترتاحي لا تردي رد مال ضرابه

رد مال احراج

يقولج من راقب الناس مات هما

ولو كل وحده تمت تتسمع لكلام الناس ترا ما بنخلص

يقولج الي ما يطول العنب حامضن عنه يقول ^^

**ملكت الدونات** · 2010-09-01, 00:37

يعني مافي احد كامل الكمال لله سبحانه و تعالى

**غرنوقة M** · 2010-09-01, 00:37

الله يهدي الجميييع

**لمسات هادئه** · 2010-09-01, 00:44

المشاركة الأصلية كتبت بواسطة حياة بائسة

الدنيا ماتسوى

ولا الاشياء التي تسبب التفرقة و الزعل بين الناس

**عاشقة النرجس** · 2010-09-01, 00:45

واااي

خلج واثقة من نفسج وع فكرة ترى السمارة موضه الحين = هههع ،، عادي يعني

بس لا تزعلين مني اذا قتلج غيري تفكيرج بتتغير حياتجـ،،،

وأسمج ( حياة بائسة ) = سلبي جدااااا ،،، الحياة حلوه بس نفهمها..

والسموحه

ربي يحفظج ^^

**ماروني** · 2010-09-01, 00:53

اختي حطي في بالج انتي في الخليج العربي واكثر الناس اتسوي تفرقه
معنه مسلمين ويخافون الله ويعرفون الحديث هذا (( لا فرق بين عربي أو أعجمي إلا بالتقوى )) من يطرون الزواج طلعو الاصل والفصل ولون وكل شي في البنت والولد
راح اخبرج سالفه
ربيعت امي ولدها خطب وحده وبعدين الام اكتشفت انه بنت عم البنت واحد اسمر خذاهااا والام ما رضت انه الولدد ياخذ وحده فيها عرج معنه ما يخصه ابد بتاخذون البنت ولا العائله كلها يعني ناس صدق تافهين

ولا بنت جيراناااا بغت تذبح عمرها يوم عرفت اختها راح تاخذ اسمر دخلت المستشفى والله اختي انا ما اقص عليج بالقصص هذي صايره عندنااا

اذكر ابله كانت عندنا في المدرسه انخطبت وبعدين فسخت الخطبه تتوقعين ليش جد الولد السابع في عرج بلوشي والله قعدنا نضحك على عقليه الناس وين وصلو لها درجه

اعرف وحده طبعا من جبيله اللي يقولن عنها انهم من سلاله الرسول صلي عليه وسلم الكل يعرفها ما راح اقولها
وطبعا مستحيل مستحيل يعطون اي بنت من عندهم الا من نفس الجبيله يعني مستحيل تاخذ واحد من جبيله ثانيه
( بس البنت خذت واحد مب من نفس الجبيله طبعا ليش لان ولد عز وما يتفوت ) حتى الفلووس عمتهم

يعني ايام الرسل ما يصير كل هذا منو حنا عشان نفرق ونقول لا ما يصير ولا فيها دم ولا فيها ولا فيها

عندناااا مثل والكل يطبقه اللي هوو (حلات الثوب رقعته منه وفيه )

**فديت ابوي** · 2010-09-01, 00:54

المشاركة الأصلية كتبت بواسطة حياة بائسة

وااااااااااااااع من وين ازيد هاي الثقة بالنفس

مرات يوم افكر بيني وبين حالي اقول يمكن عندهم حق مافي دخان من دون نار

بس الحقيقية انه مافي انسان مثالي وانا مؤمنة بهذا الشئ

بس العيب فيه انا لاني ادور الدعم والثقة من الناس

مالت علي

مرة كنت في مطعم كنتاكي

واحد من الجنسيات العربية يشتغل في المطعم كان يقول: كل ماشوف وش البنت دي استغفر الله

قام زميله في الشغل تخانق معاه

!
!
!

اوييييييييييييه لا تقولين هارمسه

لانج انتي مقتنعه و حاطة فبالج انج مب واثقة من عمرج

عسب جي اتقولين بس لو اتكررين كلمه انا واثقة من عمري انا واثقة من عمري

مليون مرة حتى لو مب مقتنع صدقييييني بتقتنعين

يما نااس مافيهم جمال بس قدرووو يخلون بصمتهم في الناس لا تقولين هارمسه حبيبتي

ليش جي اتسوييين ..

**اشراقة أمل** · 2010-09-01, 00:54

لا تذكروني بنك نيم حاولت اغيره بس مافي فايدة وصعب اسجل باسم ثاني لان التسجيل متوقف

زيييين ماحد قالي ويييين الغلط بالسمار يعني الاسمر اقل من الابيض بشو كلها الوان.

الموضوع: لوني اسمر..........

أدوات الموضوع

عرض

المواضيع المتشابهه

اختي سمرا + زوج اسمر= العيال؟؟

اخذوا البنت منه لانه اسمر البشرة

رجلي لونين من فوق ابيض ومن تحت اسمر !!!!!!!

يا عيني عليك.............. يا اسمر اللون رمشك سحرني