لوني اسمر..........

**عيمانيه** · 2010-09-01, 03:21

ما عليح منهم

هاذيله تفكيرهم سطحي

**غرنوق** · 2010-09-01, 03:29

انا سمرااااا ومستانسة ع لوني موووووووت

احس اني مميزة

**روح حساسهـ** · 2010-09-01, 03:36

اهئ اهئ
انتي تعدلي ،، انا اشوف سمر ، بس حلوين صدق ماشاء الله ،،
يعني متعدلين ،، ومتكشخين ،، انا بنت خالتي سميرة بس تحب تتعدل بحدود المعقول خطبها واحد احلى عنها بوايد ،،
بالعكس مستانس وياها ،،

**Davinci Code** · 2010-09-01, 04:49

انا من فترة كنت افكر... ليش السمر مرفوضين من بعض الفئات في المجتمع؟؟!!
ترااا هم بعد بشر مثلنا... بس ليش في ناس تفرق بين البيض والسمر؟
لو لاحظتوا هالشي موجود من 1000 سنة وأكثر.... يا ترى شو الحكمة؟؟
الله أعلم

أهم شي القناعة فديتج

وادعي بهالدعاء: (اللهم كما حسّنت خَلْقي، حسٍّن خُلُقي)
واي شي مايعيبج بخلقتج .. تؤجرين عليه ان شااءالله

**ريــــم** · 2010-09-01, 04:50

والله والله والله والله والله

اني اموووووت على السمر و اتمنى ان ريلي يكون اسمر عادي بالعكس

انا بيضاء و اغلب ربيعاتي سمر و فديتهن ماشاء الله اخلاق و تعامل .. غير يوم تييج وحده رافعه خشمها و على شو البياض عندنا و الجمال عندنا و الخير عندنا انزين على شوه انا ما ادري ...

معليج منهم خلج واثقة من نفسج ... البسي الي تبينه و الي في خاطرج ما عليج من كلامهم خلهم يولون هذيلا فيهم مرض نفسي

فديييييييتج و الله .. حسيت بج ياغناتي ...

**دانتيلا _كيوت** · 2010-09-01, 04:52

نحن الحمدلله في مجتمع عااقل مب مثل الاجانب يسون تفرقه

كلنا سواسيه وكلنا عبيد الله

**meme 4** · 2010-09-01, 09:13

كل الشعووب في الدنيا تطورت ,, الا نحن ( الخليجيين) .,
اوبرا هاي اغنى امراة في العالم و خالة وملامحها ابد مب حلووة بس شوفي كيف الاجانب يمووتوون فيها
وسالفة التوظيف يمكن في الملامح يرفضون بس عسالفة اللون ولله مايخصه,, اختي تعرف وحدة كانت ربيعتها صومالية ,, والصوماليات معروف عنهن الملامح الحلوة بس لونهن اسمر ولله توظفت اول ماتخرجت من الجامعة واختي و بنات دفعتها يلسن فالبيت 3سنوات

**ماحد شراتي** · 2010-09-01, 09:25

ما عليج من حد غناتي
كلنا للتراب لا ابيض ولا اسمر بتخلد فهالدنيا وهالنظره مب عند الكل..احس اللي يفكر بهالشي انسان مريض!!!

ربي يوفقج ويسعدج الغلااا

**Ayesha** · 2010-09-01, 10:32

المشاركة الأصلية كتبت بواسطة دانتيلا _كيوت

نحن الحمدلله في مجتمع عااقل مب مثل الاجانب يسون تفرقه

كلنا سواسيه وكلنا عبيد الله

لا حبيبتي الخير عدنا وعندهم بس اهني بزياده ..اهنيه ايشوفون اللون و الشكل وآخر شي يسألون عن الاخلاق..بس انا مستغربة اكثر من استخدامج لكلمة " المجتمع العاقل" هذي معنه معروف مجتمعنا بالتفكير السطحي و المادي و حبه للمظاهر و انه اكبر مقصه على يد الاجانب!
بس سويته مره وحده عاقل..مشكورة والله؟!!

**احلى بلوشية** · 2010-09-01, 10:37

السمر للسمر

والبيض للبيض

**صكلولوة** · 2010-09-01, 11:02

تعالي شوي

جربي من الشاشة

أقولج جربي بلاج خايفة

بعد شوي

طااااااااااااااااااااااااااااااااخ >>>>> أونة عطيتج واحد روسية محترم

ههههههههههههه

بلاهم السمر أن شاء الله

صح أنا كاتبة موضوع مشابه بس خلاص تفكيري أتغير

أنا سمرة

بس الكل يقولي انتي سمرة بس دمج مثل العسل ...... اقولهم لو سمحتو لا تغلطون قولي دمي نفس الدبس لا تخبرطون الواقع

يا اختي حطي بالج أن بلال بن رباح كان أسمر و مب أسمر بس لا أسود و كان من أحب الناس لرسول عليه الصلاة و السلام

واااااي بس لو أكون أغمج من لوني و أوصل أقصى درجات الفحم بس أكون ممن يحبهم رسول الله واااي كم تسوى

يا أختى التعليقات أنا بعد مب سالمة منها

بس دوم أقولهم على الأقل ما نجعد بسرعه و ما تصيبنا أمراض واايد

سوري البنات القطنة ما أطريكم أطري الي يمصخها في الرمسة

و أقولهم أي واحد ألذ الوايت شوكلت و له ملك شوكت نفسنا

ههههههههههه

سوي طااااااااااف نفس ما أنا مسوية

و أي حد يعلق قوليلهم ها الشعر

When I born, I black
When I grow up, I black
When I go in Sun, I black
When I scared, I black
When I sick, I black
And when I die, I still black

And you white fellow
When you born, you pink
When you grow up, you white
When you go in sun, you red
When you cold, you blue
When you scared, you yellow
When you sick, you green
And when you die, you gray

And you calling me colored?

يعني أحنا صامدون

و قلناكم البنات البيض الحلوين لا تزعلون دخيلكم أنا شو حلوين

يله سيري حطي روب على ويهج و طنشي الناس المهم ربج شو شايفنج

و سمعت و الله أعلم إذا صح أو لا

أن الله يعطف و يكثر من رزق الأقل جمالا في الدنيا

شو تبين أكثر من ربج يميزج عن غيرج

يله حبوبة

خلني أستمتع بلوني الدبسي

أحبكي في الله

**خواطر قلب** · 2010-09-01, 11:34

عن نفسي ما اشووفها مشكله

انا حنطييه ومب سمراا بس بعد مب عايبنهم لوني ,, طاااف يبوج ما بناخذ من ورا الناس غير عوار الرااس

ربيعاتي سمرر وفي منهن بيض وحنطيات عاااااااادي جدا الموضوع

بس اللي شااايفين نفسهم ع السمر مادري على شوو يظنون انهم احلى.؟!

اممم لا تحطين الفكره في بالج حبوووبه

وياما ناااس ملكووا الجمااال والبياااض بس فقدووا الاخلاااق .! شو استفادوا من جمالهم . ولاشي ^^

واااثق الخطى يمشي ملكا

ماعلييييج من حد

**Stylish 5o5a** · 2010-09-01, 12:17

عاادي ترى مافي انسان كامل
والله ياخذ ويعطي
الغاليه شوفي انتي الله شو عطاج ؟
وبعدين هذي مجرد حياه بتنتهي يعني ليش كل هالتفكير فهالامور
بكره بنروح عند ربنا وبنتحاسب وكلن على حسب اعماله
الالوان مابتغير شي في يوم الحساب

**مسطله** · 2010-09-01, 12:49

اموت على السمر

ماعليج من حد يغارون منج بس

**Hno0odah** · 2010-09-01, 13:02

ما يخص اللون في امور الحياه ولا حتى الزواج
ياما بنات بيض خذوا سمر ولا سود
ويا ما شباب بعد نفس الشيء
والدليل على كلامي انا
بيضه وريلي اسمراني فديته والله

والحياه حلوه

الموضوع: لوني اسمر..........

أدوات الموضوع

عرض

المواضيع المتشابهه

اختي سمرا + زوج اسمر= العيال؟؟

اخذوا البنت منه لانه اسمر البشرة

رجلي لونين من فوق ابيض ومن تحت اسمر !!!!!!!

يا عيني عليك.............. يا اسمر اللون رمشك سحرني